Choshua 2:2 - Chahta Holisso Holitopa 1886

² Yohmi ma Cheliko i̱ mi̱ko ya̱ ont im anolit, Yakeh! hatak Islael im ʋlla ʋhleha ha̱ a minti kʋt yakni pisʋt a̱ya hosh, himak ninak a̱ ilʋppa ʋlʋshke, achi tok.

Choshua 2:2 Iomraidhean Croise

Atʋloa 127:1

Chihowa hak osh ʋboha ya̱ ikbih keyu hokʋno, pe pilla ho̱ chukkikbi ʋhleha hʋt a toksʋli hoke: Chihowa hak osh tʋmahah chito ieshih keyu hokʋno, pe pilla ho̱ ʋpesʋchi ʋt o̱kchʋt ʋpesʋchi hoke.

Choshua 2:1

Yʋmohmi ma Choshua, Nun ushi ʋt Shittim ak o̱ hatak tuklo kʋt lumʋt na pisʋt a̱ya chi̱ ho̱ a chʋffichi tok; yohmi mʋt, Hʋsh ia cha, yakni Cheliko yʋmma ont hʋsh pisashke, im achi tok. Yohmi ma itiachi tuk osh ohoyo haui hohchifo kʋt Lahab o̱ in chuka itonachi cha, yʋmmak o̱ a nusi tok.

Choshua 2:3

Yohmi ma Cheliko i̱ mi̱ko ash osh Lahab a̱ anumpa i̱ pilʋt, Hatak chim ʋlʋt chin chuka chukowa tuk a̱ ish kohchashke: yʋmmʋt yakni moma ka pisʋt tahla chi̱ hosh a̱ya hatuk oka, pit im achi tok.

Nan Apesa 18:2

Mihma Tan im ʋlla ʋhleha hʋt in chuka achʋfa ak inli ka aiasha ai ʋhli Solah, micha Eshtaol a̱ hatak tahlapi, hatak chilita nukwia iksho yo̱ yakni hoyot pisʋt tahla chi̱ ho̱ a tihleli tok; micha, Oh ia cha, yakni hʋsh hoyashke, im achi tok: atuk o̱ yʋmmak ash osh Eflaim nʋnih Mikah in chuka ona mʋt, okla a nusi tok.