Choshua 2:12 - Chahta Holisso Holitopa 1886

¹² Yʋmohmi hoka himak a̱ hʋchim ilbʋsha lishke, ʋno ʋt hʋchi̱ kana li tuk a̱, hʋchishno mʋt a̱ki in chuka achʋfa ya̱ hʋch i̱ kana hi ʋt Chihowa ya̱ anumpa kʋllo isht il onochit,

Choshua 2:12 Iomraidhean Croise

Genesis 21:23

Yʋmohmi hoka himak a̱ Chitokaka hochifot anumpa kʋllo a̱ mihʋt ʋno, micha sʋso, micha sʋso ha̱ ushi aiena ka̱ nana kia haksichit chik pi yʋmihcho kashke; amba chi̱ kana hosh chi yʋmihich li tok a̱ choyuhmit ʋno, micha okla inla yosh yakni ish ai ahanta tuk ʋt i̱ yʋmihcha he osh (achit) is sʋm il onochashke, achit okla tok.

Genesis 24:3

Mikma Kenan okla takla ahanta li ka̱ ushetik ʋhleha ha̱ ohoyo ai ishit sʋso ha̱ chik emo ka he ya̱, Chihowah, ʋba in Chitokaka, micha yakni in Chitokaka ya̱ hochifot anumpa kʋllo chil onochechi lashke.

Genesis 24:9

Mihma tishu hash osh i̱ shahli Eblaham iyubi nuta ya̱ ibbak ishit potoli cha, nana yʋmma isht anumpa kʋllo im il onochit anumpuli tok.

Genesis 40:14

Yohmi kia chim achukmakmʋt, is sʋthanʋt is sa̱ kanashke, chim asilhha lishke; micha Falaoh ya̱ is si anoli cha, aboha kʋllo ilʋppa is sa kohchichashke;

Eksotʋs 12:13

Mikma issish ʋt aboha hʋsh ai asha ka̱ a lapoht ma̱ya kʋt hʋchi̱ nan isht ʋlhpisa chi̱ hoke; atuk o̱ issish a̱ pisa likmʋt, hʋchi ʋbanʋbli la chi̱ hoke, mikmʋt Echip yakni ya̱ issot kanchi likma, ililli okpulo ʋt hʋchi onʋtolʋt ishit hʋchi kancha he keyu hoke.

Mark i̱ Holisso 14:44

Yohmi kʋt ishit okla ibbak fohka chi̱ yʋmmak osh ot nana apesʋt, Kʋna ho̱ i̱ su̱ksowa likma, yʋmmak osh mi̱h mak achi̱ hoke; yʋmmak o̱ hʋsh ishi cha, achukmalit ishit hʋsh iashke, im achi tuk a tok.

Loman 1:31

Nan im anukfila iksho, nan it im ʋlhpisa kobʋffit shahli, im ʋlla i̱ hullo ik im iksho, it i̱ hopohla himma keyu, it i̱ nukha̱klo ik im iksho:

1 Timohli 5:8

Amba kanimi kʋt ilap immi, micha ilap in chuka chʋfa a fehna aiena ka ik im atahlo hokmʋt, ʋbanumpa ha̱ ik holitoblo kʋt, nan ik yimmo ak kia ik achukmo kʋt i̱ shahli hoke.

Chemis 2:13

Kʋna hosh inla ya̱ ik i̱ nukha̱klo ke tuk okʋto, ilap mʋt i̱ nukha̱klo iksho ho̱ nan im ʋlhpisʋt na palʋmmi pisa he; mikma nan i nukha̱klo yokʋto nan im ʋlhpisʋt im a palʋmmi a̱ ik i̱ nukshopo hoke.

Choshua 2:13

A̱ki, micha hʋshki, micha a̱ nakfi ʋhleha, micha itibapishi li ʋhleha, micha in chuka achʋfa aiena ka moma hʋsh okchalinchi cha, pilla he tuk a̱ hʋsh pi hlakofichi cha, ilʋppak o̱ nan isht ithana he a̱hli ka hʋs sʋmashke, im achi tok.

Choshua 2:18

Yakeh! kaniohmi foka ho̱ yakni ilʋppa e la hokma, okhissushi isht pi a kohchi ilʋppa ponolushi tishepa ponola toba ilʋppa isht ish takchashke: yohmi cha chi̱ki, chishki, chi nakfi ʋhleha, micha chi̱ki in chuka achʋfa ya̱ moma chin chuka isht ish lashke.

Choshua 2:19

Yohmikma yakohma hi oke, kʋna hosh chim aboha okhissa akohchʋt tʋmaha itintakla hina bachaya ka ona hokʋto, im issish ʋt ilap noshkobo akinli ho̱ onʋtoyula na, pishno ʋto anumpa isht pi onʋtoyula he keyu hoke; mikma kʋna hosh aboha anu̱kaka fo̱ka hokʋno, kʋna hosh ibbak onochi hokma, im issish ʋt pi noshkobo hak o̱ onʋtoyula hi oke.

Choshua 6:22

Hatak tuklo yakni pisa tuk amo Choshua ʋt, Ohoyo haui ash in chuka hʋsh chukowa cha, anumpa kʋllo isht hʋsh il im onochi hatuk okʋt, ohoyo yʋmma, micha nana il ai eshi tuk a̱ moma isht hʋsh kohchashke, im achi tok.

Choshua 9:15

Mihma Choshua ʋt it i̱ nanaiya cha, okcha̱ya chi̱ ka, anumpa kʋllo itim apesa tok: mihma okla ha̱ i̱ holitompa ʋhleha hʋt anumpa kʋllo isht il im onochi tok.

Nan Apesa 1:24

Na pisʋt a̱ya ʋhleha hash osh hatak ʋt tʋmaha holihta yash kohchʋt minti na pisa tok; mihmʋt, Tʋmaha holihta achukowa ya̱ pim anolí, e chim asilhhʋshke, mikma e chi̱ nukha̱kla chi̱ hoke, im achi tok.

1 Samuel 30:15

Mihma Lewi ʋt, Tʋshka nawehpuli ilʋppa isht is si ona hinla cho? im achi tok. Mihma Chitokaka ishit hochifot anumpa kʋllo il onochit, is sʋba he keyu, micha a̱ shahli ibbak a̱ is sa fohka he keyu is sa̱ mihakma, tʋshka nawehpuli ilʋppa chisht ona lashke, achi tok.