Choshua 2:10 - Chahta Holisso Holitopa 1886

¹⁰ Echip yakni ya̱ a kohchʋt hʋsh minti ma, Chihowa ʋt Okhʋta Humma oka ya̱ hʋchi̱ shileli na hʋsh a̱ya tok: micha Amolait okla i̱ mi̱ko tuklo Sihon, micha Ok aiena, yʋmmʋt Chatan mish tʋnnʋp ai asha tuk a̱ kaniohmichit nana ka im okpʋnit hʋsh taiyahli tok a̱, e haha̱klo chatuk okʋt.

Choshua 2:10 Iomraidhean Croise

Atʋloa 74:15

Chishno ak osh tʋli ish mitʋffíh ma̱, kʋlih, oka yʋnʋlli aiena kʋt kohcha tok oke; chishno ak osh okhina yʋnʋllih billia yatukma̱ ish shileli tok oke.

Numbas 20:14

Mihma Moses ʋt Katesh a̱ ʋttʋt anumpa shali ʋhleha ha̱ ha̱ Etom i̱ mi̱ko ya̱ pit i̱ pilʋt, Chitibapishi Islael ʋt yak achishke, nan isht ilbʋsha pi onʋtoyula moma ka̱ ish ithanʋshke.

Numbas 23:22

Chitokaka ak osh Echip a̱ pehlichit kohchi tok, imi hlampko hʋt lapish achʋfa ak o̱ chohmi hoke.

Numbas 24:8

Chitokaka yʋt Echip a̱ pehlichit kohchi tuk oke; imi hlampko hʋt lapish achʋfa yak o̱ holba hoke, oklushi in tʋnʋp puta ka̱ tahla hi oke, micha foni ya̱ kobahlichit tahli cha im iti naki ya̱ ishit nʋhlit hlopullecha hi oke.

Tutelonomi 2:30

Yohmi tuk kia Heshbon i̱ mi̱ko Sihon ʋt ant ik hlopulli, ik pim ahno tok; Chin Chitokaka Chihowah yʋt imi shilombish a̱ kʋllochi tok, micha chu̱kʋsh a̱ kʋllochi tok oka; yʋmmʋt chibbak a̱ fohka chi̱ kak atok, himak nitak kia yʋmohmishke.

Choshua 24:12

Mihma fohkul a̱ hʋchi tikba pila li tuk o̱, yʋmmʋt Amolait okla i̱ mi̱ko tuklo ka hʋchi tikba tihlelit tahli tok: yohmi kia hʋchi̱ bʋshpo falaia keyu, micha hʋchim iti tanampo atok keyu hoke.

Choshua 4:24

Yohmi na yakni moma hatak aiasha kʋt Chihowa ibbak ʋt kʋllo kʋt nana moma i̱ shahli ka ithaiyana chi̱ hatok; yohmi na Chitokaka hʋchin Chihowa ya̱ hʋsh holitobli na bilia hi atok.

Choshua 5:1

Atuk o̱ yakohmi tok, Amolait okla i̱ mi̱ko ʋhleha Chatan hʋshi ai okatula imma aiasha tuk, micha Kenanait okla i̱ mi̱ko ʋhleha okhʋta lapalika ai asha tuk aiena kʋt, Chihowa ʋt Chatan oka ya̱ Islael im ʋlla ʋhleha itikba ya̱ a shilelit tahli na tanʋblit e taha tuk a̱ haklo mʋt, chu̱kʋsh ʋt bihinla tok; micha Islael im ʋlla ʋhleha hak a tok pulla mak o̱ himmakma hatak nana kia chilitʋt im anukfila kʋt iksho kamohmi tok.

Choshua 9:10

Micha Chatan mish‐tʋnnʋp Amolait okla i̱ mi̱ko tuklo, Heshbon i̱ mi̱ko Sihon, micha Bashan i̱ mi̱ko Ok Ashtalolh ʋtta aiena ka kaniohmichi tuk puta ka e haklo hatuk osh.