Choshua 2:1 - Chahta Holisso Holitopa 1886

¹ Yʋmohmi ma Choshua, Nun ushi ʋt Shittim ak o̱ hatak tuklo kʋt lumʋt na pisʋt a̱ya chi̱ ho̱ a chʋffichi tok; yohmi mʋt, Hʋsh ia cha, yakni Cheliko yʋmma ont hʋsh pisashke, im achi tok. Yohmi ma itiachi tuk osh ohoyo haui hohchifo kʋt Lahab o̱ in chuka itonachi cha, yʋmmak o̱ a nusi tok.

Choshua 2:1 Iomraidhean Croise

Genesis 42:16

Hʋsh achʋfa kanima ka̱ hʋsh pila na hʋch itibapishi ha̱ ont ishtʋlashke, mikma talakchit aboha kʋllo hʋsh aiashashke, yohmi ho̱ nana kia hʋsh a̱hlikma hʋch im anumpa hʋt isht otʋnashke: keyukmʋt Falaoh hʋt okcha̱ya pulla ka̱ yakni pisʋt a̱ya hʋchia hoke, im achi tok.

Genesis 42:9

Mihma Chosef ʋt naholhpokna ishit holhpokna tok ʋt ithaiyana tok; micha, Yakni pisʋt a̱ya hʋchia hoke; yakni ʋt ashaiyahbi ka̱ pisʋt hʋsh a̱ya hoke, im achi tok.

Numbas 13:1

Mihma Chihowah hʋt Moses a̱ im anumpulit,

Numbas 13:2

Hatak pit ish tihleli na, Kenan yakni ya̱ yʋmma Islael im ʋlla ʋhleha ima li tok a̱, pisashke; i̱ki ʋhleha apehlichi aiyukali ka̱ hatak achʋfa aiachʋfa pehlichi yo̱ ish pilashke, achi tok.

Numbas 25:1

Mihma Islael ʋt Shittim ak o̱ ahanta tok, mihma okla hʋt Moab ushetik ʋhleha ha̱ iti̱ hauit isht ia tok.

Numbas 33:49

Atuk osh Chatan bili̱ka Belh‐chesimolh a̱ ashʋt ia mʋt, Moab yakni matali Abel‐shittim a̱ abinachi tok.

Mahlu 1:5

Atuk o̱ Salmon ʋt Boas a̱ Lakab a̱ a tobachi tok; atuk o̱ Boas ʋt Obet a̱ Luti a̱ a tobachi tok; atuk o̱ Obet ʋt Chessi a̱ tobachi tok;

Mahlu 10:16

Inta! chukfʋlhpoba yo̱ chohmichi hosh nashoba itintakla pit tihleli lishke; yohmi hoka kostini kʋt sinti ak o̱ hʋsh chiyuhmi cha, nuktaiyala mʋt pʋchi‐yoshuba ak o̱ hʋsh itilauashke.

Efeshan 5:5

Hatak haui nana kia, hatak ik kashofo, hatak nan anushkunna atampa, yʋmmʋt na holbʋt toba aiokpʋchi, ilʋppʋt Klaist, micha Chihowa im apehlichika nan ai isha he ʋlhpiesa keyu ka hʋsh ithana hoke.

Heblu 11:31

Na yimmi pulla kak osh Lehab ohoyo haui yatuk ʋt, yimma he keyu ʋhleha hoka ibafo̱kʋt illi tok keyu, na ti̱kba pisa ʋhleha hoka i̱ kanʋt ilap in chuka yoka ik chukowá, im ahni hatok okʋt.

Chemis 2:25

Yohmi ka yʋmmak inli chohmi hosh ohoyo haui Lehab ʋt nan isht ahanta ilʋppa pulla hosh okla yakni pisʋt a̱ya tuk a̱ pehlichit ishi tuk osh, hina inla ha̱ pit tihleli hosh isht ai ʋlhpiesa tok keyu̱?

Choshua 1:18

Kʋna hoh kia chi̱ nan ʋlhpisa ha̱ i̱ sanalit nana ish i̱ miha ka anumpa moma ik chi̱ haponaklokmʋt, illashke: peh kʋllot chim anukfila cha, nukwia ikshot ish amosholashke, im achi tok.

Choshua 2:2

Yohmi ma Cheliko i̱ mi̱ko ya̱ ont im anolit, Yakeh! hatak Islael im ʋlla ʋhleha ha̱ a minti kʋt yakni pisʋt a̱ya hosh, himak ninak a̱ ilʋppa ʋlʋshke, achi tok.

Choshua 21:31

Micha Helkah, micha abili̱ka fullota aiena, micha Lehob, micha abili̱ka fullota aiena, tʋmaha holihta ushta ho̱ okla ima tok.

Choshua 3:1

Mihma Choshua ʋt onnahinli fehna tani cha, ilap, mikmʋt Islael im ʋlla ʋhleha moyumʋt Shittim a̱ ashʋt toshowʋt ia hosh Chatan a̱ ona cha, ik tanʋblo hosh yʋmmak o̱ a nusi tok.

Choshua 5:10

Mihma Islael im ʋlla ʋhleha hʋt Cheliko yakni matali Kilkal ak o̱ binanchit ai ashʋt, hʋshi nitak ont auah ushta opiaka yo̱ ʋbanʋblit ont ia ya̱ holitoblit aiasha tok.

Nan Apesa 1:23

Mihma Chosef in chuka achʋfa yʋt Behlel a̱ pisa chi̱ ho̱ pila tok. Mihma tʋmaha holihta yʋmmʋt tikba ka Lus hohchifo tok.

Nan Apesa 18:14

Yʋmohmi ma hatak tahlapi Laish yakni pisʋt a̱ya tuk ash osh itibapishi ʋhleha ha̱, Chuka ilʋppa talohma̱ya ka efot, micha telafim, mikmʋt tʋhlʋt naholbʋt toba, micha bilʋt naholbʋt toba aiena kʋt a̱sha ka hʋsh ithana cho? yʋmohmi ka himak a̱ nana hʋsh kaniohma chi̱ kʋt hʋsh anukfillashke, im achi tok.

Nan Apesa 18:17

Mihma hatak tahlapi yakni pisʋt aya tuk ash osh iʋt, ont chukowa cha, tʋhlʋt naholbʋt toba, micha efot, mikmʋt telafim, micha bilʋt naholbʋt toba aiena kash ishi tok: mihma naholitompa isht ʋtta yʋt achukowa holihta okhissa hatak tahlepa hannali hosh tʋnʋp a̱ya nahalupa il apakshʋnnit in taiyaha kash takla hikia tok.

Nan Apesa 18:2

Mihma Tan im ʋlla ʋhleha hʋt in chuka achʋfa ak inli ka aiasha ai ʋhli Solah, micha Eshtaol a̱ hatak tahlapi, hatak chilita nukwia iksho yo̱ yakni hoyot pisʋt tahla chi̱ ho̱ a tihleli tok; micha, Oh ia cha, yakni hʋsh hoyashke, im achi tok: atuk o̱ yʋmmak ash osh Eflaim nʋnih Mikah in chuka ona mʋt, okla a nusi tok.