Choshua 19:1 - Chahta Holisso Holitopa 1886

¹ Mikma nashoelit ishi atukla kʋt Simeon, Simeon im ʋlla ʋhleha apehlichi itakʋshkoa ʋlhpisa ha tok: micha yakni ai isha he ʋlhpesa kʋt Chutah im ʋlla ʋhleha i̱ yakni ya̱ ititakla ya tok.

Choshua 19:1 Iomraidhean Croise

Genesis 35:23

Leah ushi ʋhleha hʋt Luben Chekob ushi ʋttahpi, micha Simeon, micha Lefai, micha Chutah, micha Issaka, micha Sebulun ak atok:

Choshua 15:21

Micha Chutah im ʋlla ʋhleha apehlichi in tʋmaha holihta puta ont ai ʋhli kʋt oka mahli pilla Etom ai ʋhli ya̱ Kabseel, micha Ete, micha Chaku,

Choshua 18:28

Micha Selah, micha Elef, micha Chebusi, (yʋmmʋt Chelusalem) Kibealh, micha Kichalh; tʋmaha auah ushta, micha chuka alokoli puta ai it ieshi. Ilʋppak osh Benchamin im ʋlla ʋhleha itakʋshkoa ʋlhpisa hosh yakni ai isha he ʋlhpesa ha tok.

Choshua 19:2

Micha i̱ yakni ya̱ Bee‐sheba, micha Sheba, micha Molatah,

Choshua 19:9

Chutah im ʋlla ʋhleha i̱ kashapa kak o̱ Simeon im ʋlla ʋhleha hʋt ai ishi tok: Chutah im ʋlla ʋhleha i̱ kashapa ʋt im atampa hatuk oka: yʋmohmi hatuk o̱ Simeon im ʋlla ʋhleha i̱ yakni ʋt i̱ yakni ya̱ ititakla talaia tok.

Nan Otʋni 7:7

Simeon isht ai unchululi hʋt tahlepa sipokni auah tuklo hosh in chu̱wa tok. Lefai isht ai unchululi hʋt tahlepa sipokni auah tuklo hosh in chu̱wa tok. Issaka isht ai unchululi hʋt tahlepa sipokni auah tuklo hosh in chu̱wa tok.