Choshua 18:3 - Chahta Holisso Holitopa 1886

³ Mihma Choshua ʋt Islael im ʋlla ʋhleha ha̱, Katiohmi foka ho̱ hʋchin tikba ʋhleha in Chitokaka Chihowa yʋt yakni hʋch ima tok a̱ iʋt hʋch isha chi̱ kʋt hʋchi sʋlaha chi̱ cho?

Choshua 18:3 Iomraidhean Croise

Mahlu 20:6

Atuk osh hʋshi kanʋlli ʋlhpisa isht auah achʋfa foka ho̱ kohchʋt ia mʋt, anonti inla yʋt nan‐isht ʋtta ik im iksho hosh hiohma̱ya na pisa cha, Katiohmi ho̱ nan isht ʋtta ik hʋchim iksho hosh hʋsh hiohma̱ya na shoyubi cho? im achi tok.

Chan 6:27

Ilhpak ʋt okpula hi okʋno ahnit hʋch ik toksalo kashke; amba ilhpak ʋt ik taho hosh ai‐okcha̱yʋt bilia ya̱ ona hinla, yʋmma Hatak Ushi ʋt hʋch ima he yʋmmak ash ke: yʋmmak o̱ I̱ki Chihowa yʋt ai atokolit ai im aia̱hlichi hatuk oke, im achi tok.

Choshua 1:6

Kʋllot chim anukfila cha, nukwia ikshot ish amosholashke: yakni ilʋppa ima la hi ʋt i̱ki ʋhleha ha̱ anumpa kʋllo isht il onochit im ihi̱ssa li tok a̱, okla ilʋppa immi hachi̱ mak o̱ ish it akʋshkola chi̱ hokʋt.

Choshua 13:1

Mihma Choshua ʋt sipoknit nitak laua ka pisa tok; mikma Chihowa yʋt, Chi sipoknit nitak laua ho̱ ish pisʋshke; mihma immi ha chi̱ hosh yakni ya̱ isha chi̱ ka laua hosh aiasha momʋshke.

Choshua 18:2

Mihma Islael im ʋlla ʋhleha takla a̱sha kʋt ai unchololi untuklo hosh yakni ai isha he ʋlhpesa kʋt ik esho ki̱sha tok.

Choshua 18:4

Hʋchi iti takla ya̱ ai unchololi achʋfa ka hatak tuchina aiyukali ho̱ hʋsh hilechashke; mikma pila likma, okla wakaya cha, iʋt yakni ya̱ hlopullit a̱ya cha, yakni ai isha he ʋlhpesa ʋt kaniohmi ka atokolit holissochi cha, anonti okla ʋm ʋlashke.

Nan Apesa 18:9

Mihma, Hʋsh wakaya na iʋt ont iloh itibashke: yakni ya̱ ont e pisa ka yakeh! achukma fehna: mihma lumʋt hʋsh aiasha cho? iʋt ont hʋsh chukowa cha, yakni ya̱ ishi ka hʋsh sʋlaha ná.