Choshua 17:16 - Chahta Holisso Holitopa 1886

¹⁶ Mihma Chosef im ʋlla ʋhleha hʋt, Nʋnih hʋt ik pim onoshke: mikma Kenanait ʋhleha moma okfa yakni aiasha kʋt tʋli iti chanʋlli im a̱sha bano hoke; Belh‐shean, micha in tʋmaha puta ai asha kʋt, micha Chesleel okfa aiasha aiena kʋt im a̱sha hoke, achi tok.

Choshua 17:16 Iomraidhean Croise

1 Mi̱ko 18:45

Atuk o̱ yakohmi tok, yohmi takla ma, ʋba shutik ʋt hoshonti, micha mahli, micha umba chito ishit lusʋt kʋnia tok. Mihma Ahab ʋt itichanʋlli ombinili cha, Chesleel a̱ ona tok.

1 Mi̱ko 18:46

Mihma Chihowa ibbak ʋt Elichah ya̱ onʋtoyula tok; mihma il ʋskofʋchit in taiyaha mʋt, Ahab itikba chaha̱fʋt Chesleel a̱ achukowa ya̱ ona tok.

1 Mi̱ko 21:1

Atuk o̱ nana ilʋppa puta kʋt yohmi haya̱ yakohmi tok, Chesleelait Nabolh ʋt pa̱kʋpi ahollokchi, yʋmmʋt Chesleel talaia hosh, Samalia i̱ mi̱ko Ahab im aboha bili̱ka fehna talaia tok.

1 Mi̱ko 21:23

Mihma Chihowa ʋt Chesebel a̱ isht anumpulit, Ofi puta kʋt Chesebel a̱, Chesleel tʋli holihta bili̱ka ai ʋpa chi̱ hoke.

1 Mi̱ko 4:12

Ahilut ushi Baana ʋt Taanak, micha Mekitto, micha Belh‐shean, yʋmmʋt Satanah bili̱ka Chesleel nutaka talaia kʋt moma, Belh‐shean ʋttʋt ia hosh Abel‐meholah Choknean misha tʋnnʋp talaia ka ona ka a hoyo tok.

2 Mi̱ko 9:10

Mikma ofi puta kʋt Chesebel a̱ Chesleel i̱ yakni ya̱ ai ʋpakma, hohpi ʋt iksho ka hi oke, im achi tok. Mihmʋt okhissa ya̱ tiwi cha, maleli tok.

2 Mi̱ko 9:37

Mikma Chesebel haknip illi ʋt yʋlhki chohmit yakni paknaka Chesleel i̱ yakni ya̱ aiasha chi̱ hoke; yohmikma, Ilʋppʋt Chesebel oke, acha he keyu, achi tok mak oke, achi tok.

Choshua 15:56

Micha Chesleel, micha Chokteam, micha Sanoah,

Choshua 17:11

Micha Manasseh ʋt Issaka, micha Asha ya̱ Belh‐shean, micha tʋmaha puta ai it ieshi, micha Ibleam, micha tʋmaha puta ai it ieshi, micha To okla, micha tʋmaha puta ai it ieshi, micha Ento okla, micha tʋmaha puta ai it ieshi, micha Taanach okla, micha tʋmaha puta ai it ieshi, micha Mekitto okla, micha tʋmaha puta ai it ieshi nʋnih yakni tuchina ho̱ i̱shi tok.

Choshua 17:15

Mihma Choshua ʋt afalamichit, Okla chito hʋchia hatuk osh, Eflaim nʋnih ʋt hʋchim atikkonofa fehna hokmʋt, yakni iti foka ya̱ hʋsh ona cha, Pelissait ʋhleha i̱ yakni, micha hatak chaha i̱ yakni yʋmma iti a̱ chanlit hʋsh akakohlashke, im achi tok.

Choshua 17:17

Mihma Choshua ʋt Chosef im ʋlla ʋhleha Eflaim, micha Manasseh aiena ka, Okla chito hʋchia hoke, micha hʋchimmi hlampko ʋt chito hoke: nashoelit ishi achʋfa bano hʋsh iesha he keyu hoke.

Choshua 17:18

Amba nʋnih ak osh hʋch immi ha chi̱ hoke; iti foka yoka, micha chanlit hʋsh akakohla chi̱ hoke: micha akohchʋt ia yʋt hʋch immi ya chi̱ hoke; tʋli iti chanʋlli im a̱sha, micha hlampko kia Kenanait ʋhleha ha̱ tihlelit kocha hʋsh wehla chi̱ hoke, achi tok.

Choshua 19:18

Micha im ai ʋhli ʋt Chesleel pilla, micha Chesullolh, micha Shunem,

Nan Apesa 1:19

Mihma Chihowa hʋt Chutah ya̱ ibafoyuka tok; mihma nʋnih foka okla ha̱ tihlelit kocha wehli cha, a binili tok; yohmi kia okfa aiasha kʋto tʋli iti chanʋlli im a̱sha hatuk o̱, tihlelit kocha wehla he keyu ki tok.

Nan Apesa 4:13

Mihma Sisela ʋt tʋnʋp im itichanʋlli moma, tʋli itichanʋlli tahlepa chakkali, micha okla moma Chentail Haloshelh pilla minti im ai asha tuk ʋt Kishon okhina yak o̱ hoyot ai itʋnahli tok.

Nan Apesa 4:3

Mihma Islael im ʋlla ʋhleha hʋt Chihowa ya̱ im ilbʋshʋt i̱ pa̱ha̱ya tok; tʋnʋp tʋli itichanʋlli ʋt in tahlepa chakkali tok; micha afʋmmi pokoli tuklo ho̱ Islael im ʋlla ʋhleha ha̱ ilbʋshali fehna tok.

Nan Apesa 6:33

Yʋmohmi ma Mitianait ʋhleha, micha Amalekait ʋhleha, micha hʋshi akochaka in chipota ʋhleha aiena kʋt itihoyʋt itʋnaha cha, iʋt Chesleel okfa hak o̱ ont binanchi tok.

1 Samuel 29:1

Mihma Filistin okla hʋt in tʋshka chipota moma ka hoyot Afek ak o̱ ai itʋnahli tok: mihma Islaelait ʋhleha hʋto Chesleel kʋli hikia ho̱ a binanchi tok.