Choshua 16:3 - Chahta Holisso Holitopa 1886

³ Micha okʋtahʋt hʋshi ai okatula pilla ia hosh Chafleti ai ʋhli ya̱ ona cha, ont a̱yʋt, okfa Belhholon ai ʋhli ya̱ ona cha, Kese ya̱ ona: micha ont akohcha kʋt okhʋta ak atok.

Choshua 16:3 Iomraidhean Croise

Numbas 34:6

Mihma hʋshi ai okatula ai ʋhli hokʋto okhʋta ak inli kak osh hʋchim ai ʋhla hi oke: ilʋppak osh hʋshi ai okʋtula hʋchim ai ʋhla hi oke.

Choshua 10:33

Yohmi ma Kese i̱ mi̱ko Holam ʋt Lachish a̱ apela chi̱ hosh ʋla tok; mihma Choshua ʋt yʋmmak kia, micha im okla aiena ka ʋbit tahli cha, achʋfa kia ik i̱ hlakofecho ki tok.

Choshua 18:13

Micha ai ʋhli ʋt ilʋppa ʋttʋt Lus pilla ia mʋt, Lus ichapaka (yʋmmʋt Belhel), oka mahli imma ona tok; micha ai ʋhli ʋt okʋtahʋt nʋnih hosh okfa Belh‐holon im oka mahli in tʋnnʋp bachaya ka bili̱ka Atalolh‐atta ya̱ ona tok.

1 Samuel 13:18

Mikma a̱ya achʋfa kʋt fullotʋt Belh‐holon pilla ho̱ ia tok: mikma a̱ya achʋfa kʋt fullotʋt yakni ʋhli Seboim okfa pit bachaya yakni haiaka pilla hina yak o̱ ia tok.