Choshua 13:4 - Chahta Holisso Holitopa 1886

⁴ Oka mahli ha̱ ʋttʋt i̱ falʋmmi imma ia hosh Afek Amolait ʋhleha im ai ʋhli ya̱ ona ka ititakla ya̱ Kenanait ʋhleha yakni moma, micha Mealah yʋmmʋt Sitonian ʋhleha i chapaka talaia aiena kʋt;

Choshua 13:4 Iomraidhean Croise

1 Mi̱ko 20:26

Atuk o̱ ont afʋmmi kʋt ʋla ma yakohmi tok, Benhatat ʋt Silian okla ha̱ hotihna cha, Islael a̱ itiba chi̱ hosh Afek a̱ ona tok.

1 Mi̱ko 20:30

Amba inlaka yʋt yihlepʋt Afek a̱ onʋt, tʋmaha holihta ya̱ chukowa tok; mihma hlako̱fi tuk ʋhleha ha̱ tʋli holihta yʋt o̱ kinafa cha, tahlepa sipokni pokoli tuklo akucha untuklo ho̱ ai ʋbi tok. Mihma Benhatat ʋt malelit, tʋmaha holihta ya̱ ont chukowa cha, aboha anu̱kaka fehna ont chukowa tok.

Choshua 10:40

Yohmi hosh Choshua ʋt nʋnih foka yakni moma, micha oka mahli pilla, micha okfa, mikmʋt kʋli foka, micha i̱ mi̱ko atuk moma ka issot kanchi tok: achʋfa kia ik hlakofecho hosh, amba Islael in Chitokaka Chihowa yʋt im apesa tuk mak osh fihompa moma ka okpʋnit ʋmohmichi tok.

Choshua 11:3

Micha hʋshi akochaka imma, micha hʋshi ai okatula imma aiena Kenanait okla, micha Amolait okla, micha Hittait okla, micha Pelissait okla, micha Chebusait okla nʋnih foka, micha Mispeh yakni Hifait okla Hemon nuta a̱sha aiena ka anumpa pit i̱ pila tok.

Choshua 12:18

Afek i̱ mi̱ko ʋt achʋfa; Lashalon i̱ mi̱ko ʋt achʋfa;

Choshua 19:30

Ummah, micha Afek, micha Lehob: tʋmaha holihta pokoli tuklo akucha tuklo, micha chuka alokoli puta ai it ieshi.

1 Samuel 4:1

Mihma Samuel im anumpa hʋt Islael moma ka im ona tok. Mihma Islael ʋt Filistin okla ha̱ itiba chi̱ hosh kohchʋt ia cha, Ebenese bili̱ka binachi tok: mihma Filistin okla hʋt Afek ak o̱ binachi tok.