Choshua 13:2 - Chahta Holisso Holitopa 1886

² Yakni ilʋppak osh a̱sha moma hoke; Filistin okla ai ʋhli fullota, micha Keshuli ʋt moma,

Choshua 13:2 Iomraidhean Croise

Genesis 10:14

Micha Pahlusim, micha Kasluhim (yʋmmak o̱ Filistim okla hʋt a kohcha tok,) micha Kaftolim aiena ka̱ tobachi tok.

Genesis 26:1

Atuk o̱ yakni ya̱ Eblaham ahanta nitak ma, hohchʋfo chito ʋmmona tok ʋt a̱sha na, anonti hohchʋfo chito tok. Mihma Aisak ʋt Filistin okla i̱ mi̱ko Abimelek im onʋt, Kela ya̱ ona tok.

2 Samuel 15:8

Chin tishu hʋt Silia yakni Keshu ya̱ ahanta li moma mʋt, anumpa il onochi il onochit, Chihowa ʋt anonti Chelusalem a̱ sʋsht ona mʋhlikma, yohmikma Chihowa ya̱ im antia lashke, achi li tok, im achi tok.

2 Samuel 3:3

Mihma im atukla kʋt Kamelait hatak Nabal tekchi atok Abikail ʋt im eshi tok Chileab ak atok: mikma atuchina kʋt Keshu i̱ mi̱ko Talmai ushetik Maakah a̱ ushi Absalom ak atok.

Tutelonomi 3:14

Manasseh ushi Chai ʋt Akob yakni moma Cheshuli micha Maakahli ont ʋhli ka̱ ishi cha, ilap hohchifo ya̱ ahochifochit Bashan‐hafolh‐Chai, achi tok, himak nitak a̱ moma hoke.

Choshua 12:5

A mi̱ko kʋt Hemon nʋnih, micha Salkah, micha Bashan moma Keshulait okla, micha Maachahlait okla aiena ai ʋhli, micha Kileat iklʋna, Heshbon i̱ mi̱ko Sihon im ai ʋhli ak o̱ ont ʋhli tok.

Choshua 13:11

Micha Kileat, micha Keshulait ʋhleha im ai ʋhli; micha Maachahlait ʋhleha im ai ʋhli, micha Hemon nʋnih ʋt moma, micha Bashan moma hosh Salkah ont ʋhli:

Choshua 13:13

Yohmi kia Islael im ʋlla ʋhleha hʋt Keshulait ʋhleha, micha Maachahlait ʋhleha ha̱ aieninchit tihlelit ik kocha wehlo tok; amba Keshulait ʋhleha, micha Maachahlait ʋhleha aiena kʋt Islael a̱ apehʋt aiasha na himak nitak a̱ ant ai ʋhli hoke.

Nan Apesa 3:1

Mihma oklushi ilʋppak o̱ Chihowa yʋt ashanchi kʋt (Islael laua kaniohmi hosh Kenan tʋnʋp ai asha tok moma ka ik ithano;

1 Samuel 27:8

Mihma Lewi, micha in tʋshka ʋhleha aiena kʋt iʋt Keshulait okla, micha Keslait okla, micha Amalekait okla aiena ka in tanampit ibachukowa tok: oklushi yʋmmʋt yakni yʋmma Shu ya̱ ish ia kʋt Echip yakni ont ʋhli ka cha̱shpo pilla inli ho̱ aiasha atok.