Choshua 13:1 - Chahta Holisso Holitopa 1886

¹ Mihma Choshua ʋt sipoknit nitak laua ka pisa tok; mikma Chihowa yʋt, Chi sipoknit nitak laua ho̱ ish pisʋshke; mihma immi ha chi̱ hosh yakni ya̱ isha chi̱ ka laua hosh aiasha momʋshke.

Choshua 13:1 Iomraidhean Croise

Genesis 18:11

Yohmi ka̱ Eblaham, micha Salah ʋt sipoknit nitak in lauʋt taiyaha hatok; mikma Salah ʋt ohoyo nana im a kaniohmi ʋt issa tok atok.

1 Mi̱ko 1:1

Mihma mi̱ko Lewi ʋt sipoknit taiyaha, nitak in lauʋt taiyaha tok; mihma anchi isht ompohomo kia, libisha he keyu tok.

Numbas 34:12

Mikmʋt ai ʋhli ʋt okʋtahʋt iʋt Chatan a̱ ona hi oke: mikma ont akohcha ʋt okhʋta hʋpi yak a hi oke. Ilʋppak osh ai ʋhlit apakfoyupa aiena kʋt hʋchi̱ yakni ya chi̱ hoke, ish im achashke, achi tok.

Numbas 34:2

Islael im ʋlla ʋhleha ha̱ im apesʋt, Kenaan yakni ya̱ ont hʋsh chukowakmʋt, hʋsh aiasha he ʋt ilʋppak osh Kenaan yakni, micha aiʋhli fullota yakni hʋsh ai isha chi̱ mak oke,

ʋBanumpa Luk Ʋt Holissochi Tok 1:7

Yʋmohmi hosh Elisabet ak osh ushiksho yatuk o̱, ʋlla yʋt ik im iksho ket okla hosh, tu̱klot sipoknit taiyaha tok.

Tutelonomi 31:3

Chin Chitokaka Chihowah ak osh chi tikba iʋt hlopulli cha oklushi ilʋppa puta ka̱ chi tikba ai isht kancha chi̱ hoke, mikma ish isha chi̱ hoke: mikma Chihowah yʋt achi tuk mak o̱, Choshua yʋmmak osh chi tikba iʋt hlopulla chi̱ hoke.

Choshua 13:2

Yakni ilʋppak osh a̱sha moma hoke; Filistin okla ai ʋhli fullota, micha Keshuli ʋt moma,

Choshua 14:10

Yohmi ka himak a̱ yakeh! achi tok mak osh Chihowa yʋt si okchalinchi na ilʋppʋt afʋmmi pokoli ushta akucha tahlapishke, Islael im ʋlla ʋhleha hʋt yakni haiaka fullokʋchit itʋnowa ma, Chihowa yʋt Moses a im anumpohonli tok fehna ʋttʋt mihintit himak a̱ ant ʋhlishke: yohmi ka yakeh! himak a̱ afʋmmi pokoli untuchina akucha tahlapi li hoke.

Choshua 18:3

Mihma Choshua ʋt Islael im ʋlla ʋhleha ha̱, Katiohmi foka ho̱ hʋchin tikba ʋhleha in Chitokaka Chihowa yʋt yakni hʋch ima tok a̱ iʋt hʋch isha chi̱ kʋt hʋchi sʋlaha chi̱ cho?

Choshua 20:1

Chihowa yʋt, Choshua ya̱ im anumpulit,

Choshua 24:29

Atuk o̱ ilʋppa i̱ himmak ma, yakohmi tok, Chihowa in tishu, Nun ushi Choshua ʋt afʋmmi tahlepa achʋfa cha pokoli aiena hosh illi tok.