Choshua 12:3 - Chahta Holisso Holitopa 1886

³ Micha yakni patali ʋttʋt Sinnelolh okhʋta i̱ hʋshi akochaka imma ona cha, Belhcheshimolh hina ia hosh, yakni patali okhʋta, hʋpi okhʋta i̱ hʋshi akochaka imma ona tok; micha oka mahli imma Ashtolh‐piskah nuta ka a̱ya tok.

Choshua 12:3 Iomraidhean Croise

Genesis 14:3

Ilʋppa moma kak osh okfa Sittim, yʋmmʋt hʋpi okhʋta ha̱ ai itahobʋt aiasha tok.

Genesis 19:25

Micha tʋmaha holihta yʋmma puta kash, micha yakni patali moma, micha tʋmaha holihta yʋmma puta kash okla moma, micha yakni ai offo aiena ka̱ okpʋnit kanchi tok.

1 Mi̱ko 15:20

Yohmi ho̱ Benhatat ʋt mi̱ko Asa ya̱ i̱ haponaklo cha, tʋshka chipota i̱ kʋpitʋni puta im a̱sha tuk ʋt Islael in tʋmaha puta ka̱ itiba chi̱ ho̱ pila cha, Ichon, micha Tan, micha Abel‐belh‐maachah, micha Sinnelolh moma, micha Naftali yakni ʋt moma ka issot kanchi tok.

Numbas 21:20

Atuk osh okfa talaia Bemolh yʋmmʋt Moab i̱ yakni ya̱ talaia ka̱ ashʋt ia mʋt Piskah paknaka yʋmmʋt Cheshimon pit talaia ka̱ ona tok.

Numbas 34:11

Micha ai ʋhli ʋt Shefam ʋttʋt okʋtahʋt ia hosh Ain hʋshi akochaka in tʋnnʋp a̱yʋt Liblah ya̱ onashke; mihmʋt ai ʋhli ʋt okʋtahʋt iakmʋt okhʋta Chinnelolh lapalika hʋshi akochaka pilla kak o̱ onashke.

ʋBanumpa Luk Ʋt Holissochi Tok 5:1

Atuk o̱ yakohmi tok; okla hʋt Chihowa im anumpa ha̱ hakla chi̱ kʋt yʋmmak ash atehlifichit kaiyanchi ho̱, Chenesalet hohtak lapalika yo̱ hikia;

Chan 6:1

Nana kʋt ai yakohmi ha ya, Chisʋs ash ot Kalili okhʋta, yʋmmʋt Tibelias okhʋta ho̱ pit tanʋbli tok.

Tutelonomi 3:17

Micha yakni patali, micha Chatan, micha im aiʋhli Chinnelelh a̱ ʋttʋt ia hosh yakni patali okhʋta, hʋpi okhʋta, Ashtolh‐piskah nʋnih nuta hʋshi akochaka imma ont ʋhli ka̱ ima li tok.

Tutelonomi 4:49

Micha Chatan ola in tʋnnʋp hʋshi akochaka pilla yakni patali moma, okhʋta yakni patali Piskah kʋli puta nutaka ont ʋhli tok a̱ abinili tok.

Choshua 11:2

Micha nʋnih i̱ falʋmmi imma in tʋnʋp mi̱ko ʋhleha, micha Sinnelolh im oka mahli imma yakni patali, micha okfa, micha hʋshi ai okatula imma To ai ʋhli puta,

Choshua 13:20

Micha Belh‐peo, micha Ashtolh‐piskah, micha Belhcheshimolh,

Choshua 15:2

Micha oka mahli im ai ʋhli kʋt okhʋta hʋpi ontalaka, okhʋta filʋmminchi hosh oka mahli imma pit apissali ka ʋttʋt ia hosh,

Choshua 15:5

Mihma hʋshi akochaka ai ʋhli ʋt okhʋta hʋpi ʋttʋt ia hosh Chatan asetilli ya̱ ont ʋhli tok; mihma falʋmmi pilla im ai ʋhli ʋt okhʋta filʋmminchi Chatan asetilli fehna ak atok.

Choshua 3:16

Oka ibetʋp imma minti hatuk ʋt yokopa cha, itʋnahachit falamʋt hopakichit, Alam tʋmaha holihta Saletan bili̱ka talaia ka ona tok: yohmikma yakni patali okhʋta hʋpi okhʋta imma ia hatuk ʋt tahʋt hokofa na okla hʋt Cheliko ichapaka fehna hak o̱ a hlopulli tok.