Choshua 11:3 - Chahta Holisso Holitopa 1886

³ Micha hʋshi akochaka imma, micha hʋshi ai okatula imma aiena Kenanait okla, micha Amolait okla, micha Hittait okla, micha Pelissait okla, micha Chebusait okla nʋnih foka, micha Mispeh yakni Hifait okla Hemon nuta a̱sha aiena ka anumpa pit i̱ pila tok.

Choshua 11:3 Iomraidhean Croise

Genesis 31:49

Micha Mispeh achi tok: Il iti̱filʋmmit il a̱yakma, Chihowah yʋt pim itin takla ya̱ a pi apesahanchashke.

2 Samuel 24:16

Atuk o̱ enchel ʋt Chelusalem a̱ issot kancha chi̱ hosh ibbak weli ma, Chihowa ʋt nana ik achukmo ka ishit nukha̱klo mʋt, okla issot kanchi enchel a̱, Ʋlhpesá, himak a̱ chibbak a̱ ish issʋchashke, im achi tok. Mihma Chihowa im enchel ash osh Chebusait hatak Alaunah im anihechi yak o̱ bili̱ka hikia tok.

2 Samuel 24:7

Micha Taia holihta kʋllo ya̱ onʋt, Hifait okla in tʋmaha holihta puta, micha Kenanait okla in tʋmaha holihta puta moma ka ona tok: micha Chutah ya̱ im oka mahli pilla okla iʋt Bee‐sheba ont ʋhlichi tok.

1 Mi̱ko 15:22

Yohmi ma Asa ʋt Chutah moma ka haklochit hlopullichi tok; achʋfa kia ik hlakofo tok: micha Baasha ʋt Lamah isht ikbi tuk tʋli, micha iti aiena ka okla isht ia tok: micha Asa ʋt Keba Benchamin yakni talaia, micha Mispah ya̱ isht ikbi tok.

1 Mi̱ko 9:20

Micha Amolait ʋhleha, Hittait ʋhleha, Pelissait ʋhleha, Hifait ʋhleha, micha Chebusait ʋhleha okcha̱yʋt a̱sha tuk moma Islael im ʋlla ʋhleha keyu ka,

Atʋloa 133:3

Hʋmon fichak ʋt Saion nʋnih foka ya̱ o̱ chilofa ka̱ chohmi hoke; yʋmmak o̱ nan isht yokpali, ai okcha̱yʋt billia ya̱ Chihowa hʋt ʋpesa hoka̱.

Atʋloa 89:12

Fʋlʋmmih, oka mahli ittʋtu̱klo ka̱ ish ikbi tok oke; Tebo, Hʋmʋn ittʋtu̱klo kʋt chi hohchifo ha̱ isht a yokpa hoke.

Numbas 13:29

Amalekait ʋhleha hʋt oka mahli yakni ak o̱ aiashʋshke; mikma Hittait ʋhleha micha Chebusait ʋhleha, micha Amolait ʋhleha aiena kʋt nʋnih foka ak o̱ aiasha hoke; mikma Kenanait ʋhleha hʋt okhʋta bili̱ka micha Chatan aiʋhli aiena kak o̱ aiasha hoke, achi tok.

Tutelonomi 4:48

Aloe yʋmmʋt Anon okhina ontalaka bili̱ka talaia ka̱ ʋttʋt ia hosh Sion nʋnih yʋmmʋt Hemon a̱ ont ʋhli,

Tutelonomi 7:1

Chin Chitokaka Chihowah yʋt ish a binila chi̱ hosh ish ia ka̱ yakni ya chishtona cha, oklushi laua, Hittait, micha Kikashait, micha Amolait micha Kananait, micha Pelisait, micha Hifait, micha Chebusait, oklushi untuklo hochito, micha kʋllo kʋt, chishno ya̱ chi̱ shahli ho̱ chi tikba ya akohchit kanchikmʋt;

Choshua 11:17

Sei pilla ia ka Halak nʋnih ha̱ ʋttʋt ia hosh, Lebanon okfa, Hemon nʋnih nuta Baal Kat ont ʋhli ka ishi tok: micha i̱ mi̱ko moma ka ishi cha, fahamʋt ʋbit tahli tok.

Choshua 11:8

Mihma Chihowa hʋt Islael ibbak a̱ fohki na issot kanchi cha, ahliyuhʋt isht a̱yʋt Siton chito, micha Mislefolh‐maim, micha hʋshi akochaka imma Mispeh okfa ha̱ isht ona tok; micha ahambi cha, achʋfa kia ik in hlakofecho ki tok.

Choshua 13:11

Micha Kileat, micha Keshulait ʋhleha im ai ʋhli; micha Maachahlait ʋhleha im ai ʋhli, micha Hemon nʋnih ʋt moma, micha Bashan moma hosh Salkah ont ʋhli:

Choshua 13:5

Micha Kiblait ʋhleha i̱ yakni, micha hʋshi a kochaka imma Lebanon, Hemon nuta Baal‐kat a̱ ʋttʋt ia hosh Hamalh ont chukowa ka ont ʋhli hoke.

Choshua 15:38

Micha Tilean, micha Mispeh, micha Chokhleel,

Choshua 15:63

Chebusait okla Chelusalem asha yokʋno, Chuta im ʋlla ʋhleha hʋt kocha wehla he keyu tok: amba Chebusait ʋhleha hʋt Chutah im ʋlla ʋhleha ha̱ takla a̱sha na himak nitak a̱ ant ai ʋhli hoke.

Choshua 18:26

Micha Mispeh, micha Chefilah, micha Mosah,

Choshua 3:10

Mihmʋt Choshua ʋt Ilʋppa yakohmi kak o̱ Chihowa okcha̱ya yʋt hʋch ibatakla ahanta cha, nana ka ik ai onancho keyu hosh Kenanait ʋhleha micha Hitait ʋhleha, micha Pelesait ʋhleha micha Kikashait ʋhleha, micha Amolait ʋhleha, mikmʋt Chebusait ʋhleha aiena ka hʋchi tikba ya̱ tihlelit kocha wehla chi̱ ka isht hʋsh ithaiyana chi̱ hoke.

Nan Apesa 20:1

Yʋmohmi ma Islael im ʋlla ʋhleha moma kʋt kohchʋt ia tok; micha okla moma kʋt hatak achʋfa chiyuhmit iti hoyot Tan ʋttʋt ia kʋt Beesheba ont ʋhli, Kileat aiena hosh Mispeh ya̱ Chihowa im ai itʋnaha tok.

Nan Apesa 21:5

Mihma Islael im ʋlla ʋhleha hʋt, Kʋta hosh Islael apehlichi puta moma ka Chihowa im itʋnaha ka ta̱kla kʋt ik lo cho? achi tok. Anumpa kʋllo fehna ile onochit, Kʋna kia Mispeh ya̱ Chihowa ya̱ im ai itʋnaha ka ik a̱yokmʋt, illi pullashke, achi tuk atok okʋt.

Nan Apesa 21:8

Micha anonti, Kʋta achʋfa hosh Islael apehlichi moma ka Mispeh ya̱ Chihowa ya̱ ik im ai ʋlo tuk oh cho? achi tok: mihma yakeh! achʋfa kia Chabesh‐kileat minti kʋt abinanchit ai itʋnaha ya̱ ik lo tok.

Nan Apesa 3:3

Yakohmi ak atok, Filistin hochitoka tahlapi, micha Kenanait ʋhleha moma, micha Sitonian ʋhleha, micha Hifait ʋhleha Lebanon ai asha, Baal‐hemon nʋnih asht isht ia hosh Hamalh a chukowa ont ai ʋhli tok.

Nan Apesa 3:5

Mihma Islael im ʋlla ʋhleha hʋt Kenanait ʋhleha, Hittait ʋhleha, micha Amolait ʋhleha, micha Pelissait ʋhleha, micha Hifait ʋhleha, micha Chebusait ʋhleha aiena ka takla aiasha tok.

1 Samuel 10:17

Mihmʋt Samuel ʋt okla ha̱ i̱ howʋt, Mispeh yak o̱ Chihowa ya̱ im ai itʋnahli tok.