Choshua 11:2 - Chahta Holisso Holitopa 1886

² Micha nʋnih i̱ falʋmmi imma in tʋnʋp mi̱ko ʋhleha, micha Sinnelolh im oka mahli imma yakni patali, micha okfa, micha hʋshi ai okatula imma To ai ʋhli puta,

Choshua 11:2 Iomraidhean Croise

1 Mi̱ko 15:20

Yohmi ho̱ Benhatat ʋt mi̱ko Asa ya̱ i̱ haponaklo cha, tʋshka chipota i̱ kʋpitʋni puta im a̱sha tuk ʋt Islael in tʋmaha puta ka̱ itiba chi̱ ho̱ pila cha, Ichon, micha Tan, micha Abel‐belh‐maachah, micha Sinnelolh moma, micha Naftali yakni ʋt moma ka issot kanchi tok.

1 Mi̱ko 4:11

Abinitab ushi ʋt To afullota moma ka a hoyo tok: yʋmma tekchi ʋt Solomon ushetik Tafalh ak atok.

Numbas 34:11

Micha ai ʋhli ʋt Shefam ʋttʋt okʋtahʋt ia hosh Ain hʋshi akochaka in tʋnnʋp a̱yʋt Liblah ya̱ onashke; mihmʋt ai ʋhli ʋt okʋtahʋt iakmʋt okhʋta Chinnelolh lapalika hʋshi akochaka pilla kak o̱ onashke.

ʋBanumpa Luk Ʋt Holissochi Tok 1:39

Mihma nitak yʋmma foka ma Meli ash ot wakaya cha, tu̱shpʋt iʋt, Chuta yakni nʋnih foka tʋmaha chito mʋt talaia ho̱ ona tok.

ʋBanumpa Luk Ʋt Holissochi Tok 5:1

Atuk o̱ yakohmi tok; okla hʋt Chihowa im anumpa ha̱ hakla chi̱ kʋt yʋmmak ash atehlifichit kaiyanchi ho̱, Chenesalet hohtak lapalika yo̱ hikia;

Choshua 10:40

Yohmi hosh Choshua ʋt nʋnih foka yakni moma, micha oka mahli pilla, micha okfa, mikmʋt kʋli foka, micha i̱ mi̱ko atuk moma ka issot kanchi tok: achʋfa kia ik hlakofecho hosh, amba Islael in Chitokaka Chihowa yʋt im apesa tuk mak osh fihompa moma ka okpʋnit ʋmohmichi tok.

Choshua 10:6

Mihma Kibeon hatak ʋhleha hʋt Choshua ʋt Kilkal ʋlbina anta tuk o̱, anumpa pit i̱ pila mʋt, Chin tishu, ʋhleha ha̱ ish halʋlli kʋt chibbak a̱ ish mokoffi ná; tu̱shpʋt pim ʋla cha, pi apelʋt, ish pi hlakofichashke: Amolait okla i̱ miko ʋhleha moyuma nʋnih foka aiasha kʋt, iti hoyot itʋnaha cha, pin tanampi hoka, achi tok.

Choshua 11:16

Yʋmohmi hosh Choshua ʋt yakni yʋmma moma ka ishi kʋt, nʋnih foka, micha oka mahli yakni moma, micha Koshen yakni moma, micha okfa, micha yakni patali, micha Islael i̱ nʋnih puta, micha yʋmmak inli okfa;

Choshua 11:21

Micha nitak yʋmma foka kak o̱ Choshua ʋt ona cha, Anakim a̱ nʋnih foka, Heblon, Tebi, Anab, micha Chutah i̱ nʋnih chaha moma, micha Islael i̱ nʋnih chaha moma ka ai ʋbit tahli tok: Choshua ʋt in tʋmaha holihta puta aiena ka okpʋnit ʋmohmichi tok.

Choshua 12:23

To ai ʋhli To i̱ mi̱ko ʋt achʋfa; Kilkal oklushi ʋhleha i̱ mi̱ko ʋt achʋfa;

Choshua 12:3

Micha yakni patali ʋttʋt Sinnelolh okhʋta i̱ hʋshi akochaka imma ona cha, Belhcheshimolh hina ia hosh, yakni patali okhʋta, hʋpi okhʋta i̱ hʋshi akochaka imma ona tok; micha oka mahli imma Ashtolh‐piskah nuta ka a̱ya tok.

Choshua 13:27

Micha okfa ha̱ Belh‐alam, micha Belh‐nimlah, micha Sukkolh, micha Safon, micha Heshbon i̱ mi̱ko, Sihon im apehlichika kashapa kash, Chatan, micha im ai ʋhli, Chatan mish‐tʋnnʋp hʋshi akochaka imma Sinnelolh okhʋta ʋhli fehna ya̱ ont ʋhli tok.

Choshua 17:11

Micha Manasseh ʋt Issaka, micha Asha ya̱ Belh‐shean, micha tʋmaha puta ai it ieshi, micha Ibleam, micha tʋmaha puta ai it ieshi, micha To okla, micha tʋmaha puta ai it ieshi, micha Ento okla, micha tʋmaha puta ai it ieshi, micha Taanach okla, micha tʋmaha puta ai it ieshi, micha Mekitto okla, micha tʋmaha puta ai it ieshi nʋnih yakni tuchina ho̱ i̱shi tok.

Nan Apesa 1:27

Manasseh ak kia Belhshean okla ai asha, micha tʋmaha puta afullota aiena okla ai asha, micha Taanach okla ai asha, micha tʋmaha puta afullota aiena okla ai asha, micha To okla ai asha, micha tʋmaha puta afullota aiena okla ai asha, micha Ibleam okla ai asha, micha tʋmaha puta afullota okla ai asha, micha Mekitto okla ai asha, micha tʋmaha puta afullota aiena okla ai asha aiena ka tihlelit kocha wehli keyu ak inli tok; amba Kenanait ʋhleha hʋt yakni ya̱ ai asha pulla kak o̱ ahni tok.