Choshua 10:8 - Chahta Holisso Holitopa 1886

⁸ Mihma Chihowa ʋt Choshua ya̱ Ish i̱ nukshopa ná: chibbak a̱ fohki li mak oka; hatak achʋfa kia chi tikba ya̱ hikia he keyu hoke, im achi tok.

Choshua 10:8 Iomraidhean Croise

1 Mi̱ko 20:13

Mihma yakeh! hopaii ʋt Ahab Islael i̱ mi̱ko ya̱ im ona cha, Chihowa ʋt yak achishke, Okla chito ilʋppa moma ka ish pi̱sa cho? yakeh! himak nitak a̱ chibbak fohki la chi̱ hoke, yʋmohmi ho̱ ʋno ak osh Chihowa sia ka, ish ithaiyana chi̱ hoke, achi tok.

Loman 8:31

Yakohmi kʋno nana ilʋppa puta imma hokʋno nanta hak o̱ il acha hinla ho̱? Chihowa hak osh pi̱ kana hokma, kʋta hosh pi̱ sanala hinla ho̱?

Tutelonomi 3:2

Mihma Chihowah yʋt, Ish i̱ nukshopa na, yʋmma micha im okla moma, micha i̱ yakni ya̱ chibbak fohki la chi̱ hoke; mikma Amolait ʋhleha, yʋmmʋt Heshbon aiasha tuk i̱ mi̱ko Sihon a̱ ish yʋmihchi tuk ʋt ish chohmicha chi̱ hoke, ʋm achi tok.

Tutelonomi 7:24

Micha i̱ mi̱ko ʋhleha ha̱ chibbak fohkikma, shutik nutaka ya̱ hohchifo ha̱ mosholichit ish kancha chi̱ hoke: hatak nana kia chi tikba ya̱ hikia he keyu ho̱, ish mosholicha hi oke.

Choshua 10:25

Mihma Choshua ʋt, Ik hʋchi nukshopo kashke, hʋchi chu̱kʋsh ik iello kashke, kʋllot hʋchim anukfila cha nukwia ikshot hʋsh amosholashke: hʋchin tʋnʋp puta hʋch itibi ka Chihowa yʋt yakohmicha chi̱ hoka, im achi tok.

Choshua 10:9

Yʋmohmi hatuk o̱ Choshua ʋt Kilkal ʋttʋt ninak a̱ a̱ya na hlopullit, ashali̱ka im ona tok.

Choshua 11:6

Mihma Chihowa yʋt Choshua ya̱, Yʋmma pulla kak o̱ ik chi nukshopo kashke: onnaha himak a̱ chohmikma, momʋt illit taha yo̱ Islael ibbak a̱ fohki la chi̱ hoke; im issuba puta iyi̱kola̱kshish a̱ ish tʋptulikmʋt, tʋnʋp im iti chanʋlli puta ka luak isht ish hukma chi̱ hoke, im achi tok.

Choshua 8:1

Yʋmohmi ma Chihowa ʋt, Choshua ya̱, Ik chi nukshopashke, micha chi chu̱kʋsh ik iello kashke; hatak tʋnʋp a̱ya ʋhleha ha̱ moma il ai eshit, wakayʋt, Ai ya̱ ish iashke: yakeh! i̱ mi̱ko, mikmʋt im okla ʋhleha, micha in tʋmaha holihta, mikmʋt i̱ yakni aiena ka chibbak a̱ fohki li hoke.

Nan Apesa 6:16

Mihma Chihowa yʋt, Chibafoyuka li pulla chi̱ hoke; mikma Mitianait ʋhleha ha̱ hatak achʋfa chiyuhmichit issot ish kancha chi̱ hoke, im achi tok.

Nan Apesa 7:9

Atuk o̱ yakohmi tok, mih ninak ak inli Chihowa yʋt, Wakaya cha, tʋshka chipota ai asha ka akowʋt oná; chibbak a̱ fohki li hoka.

1 Samuel 17:47

Micha okla ilʋppa aiasha kʋt Chihowa ʋt bʋshpo falaia, micha tʋbi tʋli halupa ontʋla ishit hlakofichi keyu ka ithaiyanashke: itibi kʋt ont a kaniohma hi a̱ Chihowa immi hokʋt, hʋchishno ya̱ pibbak a̱ hʋchi fohka chi̱ hoke, im achi tok.