Choshua 10:2 - Chahta Holisso Holitopa 1886

² Kibeon ʋt tʋmaha holihta mi̱ko in tʋmaha holihta chohmi, micha chito kʋt Ai ya̱ i̱ shahli, micha yʋmma hatak ai asha kʋt hlampko, micha chilita hatuk o̱, okla nukshopa fehna tok.

Choshua 10:2 Iomraidhean Croise

2 Samuel 12:26

Mihma Choab ʋt Ammon in chipota Labbah ya̱ itibi cha, mi̱ko in tʋmaha holihta ya̱ ishi tok.

Tutelonomi 11:25

Hatak nana kia hʋchi tikba ya̱ hikia he keyu ka chi̱ hoke; hʋchin Chitokaka Chihowah yʋt hʋchim achi tuk mak osh, yakni hʋsh ano̱ho̱wa moma ka̱ hʋchi̱ nukshopa, micha hʋchi̱ komunta aiena ka̱ onocha chi̱ hoke.

Tutelonomi 2:25

Himak nitak a̱ oklushi puta shutik nutaka aiasha kʋt, chi annowa ka̱ haklo puta ka̱ chi̱ komunta, micha chi̱ nukshopa onochit ishtia likma, chishno pulla kak o̱ wʋni̱hinchi cha, komi̱hincha chi̱ hoke, achi tok.

Tutelonomi 28:10

Mikma okla moma yakni paknaka aiasha kʋt Chihowah hohchifo ak o̱ ishit chi hohchifo ka̱ ithaiyana hi oke; micha chi̱ nukshopa hi oke.

Heblu 10:27

Amba isht a nukshobla he na palʋmmi ʋlhpisa, micha isht i̱ nukkilli luak aiena ka hoho̱yot ahanta he; yʋmmʋt ʋbanumpa ai ahli i̱ sanali ʋhleha hoka okpʋnit tʋmola he ak osh takanli hoke.

Heblu 10:31

Chihowa okcha̱ya yoka nan im ʋlhpisa chi̱ hosh ibbak a foyuka kʋt nana ka isht a nʋkshopa he ʋlhpesa hoke.

Choshua 2:24

Mihmʋt yʋmmak ash osh Choshua ya̱, Chihowa ʋt yakni moma pibbak a̱ fohki tuk pullʋshke: pishno ak atuk pulla mak o̱ yakni yʋmma ai asha kʋt momʋt bihinla chiyuhmi hoka, im achi tok.

Choshua 9:24

Mihma afalamichit Choshua ya̱, Chitokaka chin Chihowa ʋt in tishu Moses a̱ im apesʋt, yakni moma ka hʋch ima cha, okla chi tikba aiasha moma ka ʋbit tahla he miha tok a̱ chin tishu ʋhleha hʋt haha̱klo pulla ak atok: yohmi kak o̱ hʋchishno pulla kak o̱ pim ilhfiopak isht pi nukshopa fehna hatuk osh, ilʋppa e yʋmihchi tuk oke.

Choshua 9:3

Atuk o̱ Kibeon aiasha ʋt, Choshua ʋt Cheliko, micha Ai ita tuklo ka kaniohmichi tuk a̱ haklo mʋt,

1 Samuel 27:5

Mihma Lewi ʋt Achish a̱, Chi nishkin isht i̱ kana chi ai ahayuchi li tuk okma, yakni haiaka tʋmaha ya̱ okla ʋmakma, yʋmmak o̱ ai ʋtta lashke: nanta katiohmi ho̱ mi̱ko in tʋmaha holihta chi takla ahanta la hinla cho? im achi tok.