Choshua 10:1 - Chahta Holisso Holitopa 1886

¹ Atuk o̱ yakohmi tok, Choshua ʋt Ai ya̱ ishi cha, okpʋnit ʋmohmichi tuk ʋt Cheliko, micha i̱ mi̱ko ya̱ kaniohmichi tuk ʋt, chohmichit Ai, micha i̱ mi̱ko ya̱ yʋmihchi tuk: micha Kibeon okla hʋt Islael a̱ it i̱ nanaiya cha, ibʋlhto ho̱, Chelusalem i̱ mi̱ko Atoni‐setek ʋt haklo mʋt;

Choshua 10:1 Iomraidhean Croise

Genesis 14:18

Mihma Salem i̱ mi̱ko Melkisetek ʋt pʋska, micha oka pa̱ki aieninchit i̱ kohchechi tok; micha yʋmmʋt ʋba chaha moma i̱ shahli Chitokaka ya̱ naholitompa isht im ʋtta yatok.

Heblu 7:1

Yohmi ka Melkisetek ilʋppʋt Salem i̱ mi̱ko, Chihowa holitopa fehna i̱ na holitompa isht ʋtta yosh, Eblaham ʋt mi̱ko ʋhleha ont ʋbit falamʋt a̱ya ma yʋmmak ash ot ont afama mʋt, yukpali tok.

Choshua 10:3

Yʋmohmi hatuk osh Chelusalem i̱ mi̱ko Atoni‐setek ʋt Heblon i̱ mi̱ko Hoham, micha Chamulh i̱ mi̱ko Pilam, micha Lachish i̱ mi̱ko Chafia, micha Eklon i̱ mi̱ko Tebi aiena ka anumpa pit i̱ pila cha,

Choshua 6:21

Mihmʋt nana moyuma tʋmaha holihta aiasha tuk, nakni, micha ohoyo moma, himithowa, micha sipokni moma, mikmʋt wak, micha chukfi, mikmʋt issuba haksobish falaia aiena moma ka bʋshpo falaia halupa yo̱ isht okpʋnit okla kaiyanchi tok.

Choshua 8:2

Yohmi ka̱, Ai, mikmʋt i̱ mi̱ko Cheliko, mikmʋt i̱ mi̱ko aiena ka ish kaniohmichi tuk ʋt, yʋmmak inli ho̱ ish chohmicha chi̱ hoke: amba na wehpoa, micha wak aiena ak illa ak o̱ hʋchimmi ikbit hʋsh ishashke: tʋshka chipota ʋt im aiehcha chi̱ ka tʋmaha holihta im a̱shaka ya̱ ish ashachashke, im achi tok.

Choshua 8:21

Yohmi kʋt Choshua, micha Islael okla moyuma aiena kʋt, aiehchit a̱sha tuk ash osh tʋmaha holihta ya̱ ishi na, tʋmaha holihta yʋt shobullit ʋba pit hikia na pisa hatuk osh, filema cha, Ai hatak ʋhleha hash ʋbit tahli tok.

Choshua 9:3

Atuk o̱ Kibeon aiasha ʋt, Choshua ʋt Cheliko, micha Ai ita tuklo ka kaniohmichi tuk a̱ haklo mʋt,