Choshua 1:9 - Chahta Holisso Holitopa 1886

⁹ Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Choshua 1:9 Iomraidhean Croise

Genesis 28:15

Micha yakeh, chibafoyuka lishke, micha kanima moma ish onakma, chi halʋlli la chi̱ hoke, atuk osh anonti yakni ilʋppa chisht ʋla la hi oke: anumpuli li tuk ʋt ak yʋmihcho ki̱sha kʋt chissa la he keyu hokʋt, achi tok.

Genesis 39:2

Atuk o̱ Chihowah yʋt Chosef a̱ ibafoyuka na hatak nana amosholit, im aia̱hli achukma atok: mihma i̱ shahli Echip hatak in chuka ya̱ ahanta tok.

Genesis 39:3

Mihma Chihowah yʋt ibafoyuka, micha nana moma ka̱ ibbak isht ieshikma, Chihowah yʋt im aia̱hlichi ka̱ i̱ shahli hʋt pisa tok.

2 Samuel 13:28

Mihma Absalom ʋt in tishu ʋhleha ha̱, yakohmi hʋsh ahni cha, Amnon chu̱kʋsh ʋt oka pa̱ki isht im achukmʋt tahakma, Amnon a oh ʋbí, hʋchim achi likma; yohmikma hʋsh bashke; hʋchi nukshopa ná, hʋchim apesa li tuk keyu cho? nukwia ikshot amosholit hʋsh chilitashke, im achi tok.

Atʋloa 46:7

Nan u̱ha i̱ Chihowa yosh pibafoiyukka hoke; Chekob i̱ Chitokaka yak osh pim ahlʋkuffi chaha yoke. [Yukopa.

Apostel isht Anumpa 4:19

Yohmi kia Pita, micha Chan ita tuklo kash ot, afalaminchi mʋt, Hʋchishno ak o̱ a hʋchi̱ haponaklo kʋt, Chihowa ya̱, i̱ shahlichi kak okmá, nanta kosh Chihowa itikba ya̱ ai ʋlhpiesa ho̱ anukfillit ho pesá.

Tutelonomi 1:21

Yakeh, Chin Chitokaka Chihowah yʋt yakni yash chi tikba talalishke: hʋchi̱ke ʋhleha in Chitokaka Chihowah yʋt chim achi tuk mak o̱, iʋt ishi: chi nukshopa na, micha chi chu̱kʋsh ʋt ik ello kashke, chim achi li tok.

Tutelonomi 20:1

Tanampit kohchʋt ish ia tuk osh, issuba puta, micha tʋnʋp iti chunaha puta, micha okla laua kʋt chi̱ shahli ho̱, ish pisakmʋt chik i̱ nukshopo kashke: chin Chitokaka Chihowah (yʋmmak) osh Echip yakni ya̱ apehlichit chi kohchi tok ʋt chiba foyuka hoka.

Tutelonomi 31:23

Mihma Nʋn ushi Choshua ya̱ anumpa imʋt, chi kʋllashke, micha chi aiyimitashke, anumpa kʋllo im ilonochi li tok mak o̱ Islael im ʋlla ʋhleha ha̱ pehlichit yakni ya̱ isht ish chukowa chi̱ hoke; mikma chibafoyuka la chi̱ hoke, achi tok.

Tutelonomi 31:28

Hʋchim apehlichi puta im asʋnonchi, micha hʋchi̱ nan ʋlhtoka puta ka̱ hʋs sʋm itʋnahli na, anumpa ilʋppa puta ka̱ haksobish a̱ haklochi lashke; micha ʋba, micha yakni ʋt i̱ sanalit holisso takalicha chi̱ ka̱ hoyo lashke.

Choshua 1:10

Mihma Choshua ʋt okla pehlichi ʋhleha ha̱ nan im apesʋt,

Choshua 1:17

Moses a̱ nana moyuma ka il i̱ haponaklo beka tok okʋt, chishno ma e chi̱ haponakla he bano hoke: peh Chitokaka chin Chihowa ʋt Moses a̱ awant a̱ya beka tok ʋt, chohmit chishno ma chi awant a̱ya hokbano, il ahnishke.

Choshua 1:18

Kʋna hoh kia chi̱ nan ʋlhpisa ha̱ i̱ sanalit nana ish i̱ miha ka anumpa moma ik chi̱ haponaklokmʋt, illashke: peh kʋllot chim anukfila cha, nukwia ikshot ish amosholashke, im achi tok.

Choshua 10:25

Mihma Choshua ʋt, Ik hʋchi nukshopo kashke, hʋchi chu̱kʋsh ik iello kashke, kʋllot hʋchim anukfila cha nukwia ikshot hʋsh amosholashke: hʋchin tʋnʋp puta hʋch itibi ka Chihowa yʋt yakohmicha chi̱ hoka, im achi tok.

Choshua 10:8

Mihma Chihowa ʋt Choshua ya̱ Ish i̱ nukshopa ná: chibbak a̱ fohki li mak oka; hatak achʋfa kia chi tikba ya̱ hikia he keyu hoke, im achi tok.

Choshua 3:7

Mihma Chihowa ʋt Choshua ya̱ Himak nitak ak o̱ Islael im ʋlla moyuma itikba ya̱ chi holitoblichit isht ia la chi̱ hoke; yohmi ho̱ Moses a̱ awant a̱ya li tok ʋt, anonti chishno ma chi awant a̱ya la chi̱ ka, okla hʋt ithanashke.

Choshua 6:27

Yakohmit Chihowa ʋt Choshua ya̱ awant a̱ya tok: yohmi ho̱ yʋmma isht annoa kʋt yakni moma ka ai annoho̱wa tok.

Choshua 8:1

Yʋmohmi ma Chihowa ʋt, Choshua ya̱, Ik chi nukshopashke, micha chi chu̱kʋsh ik iello kashke; hatak tʋnʋp a̱ya ʋhleha ha̱ moma il ai eshit, wakayʋt, Ai ya̱ ish iashke: yakeh! i̱ mi̱ko, mikmʋt im okla ʋhleha, micha in tʋmaha holihta, mikmʋt i̱ yakni aiena ka chibbak a̱ fohki li hoke.

Nan Apesa 6:14

Mihma Chihowa yʋt i̱ holhponayo onochit pisa mʋt, Ilʋppa ish a kʋllo kʋt yʋmohmi hosh iá, mikmʋt Islael a̱ Mitianait ʋhleha ibbak a̱ ish hlakoficha chi̱ hoke; chi pila li keyu cho? achi tok.

1 Samuel 10:7

Atukma nan isht atokowa puta ilʋppʋt chim ʋlakma, yakohma chiké, nana ish a yʋmohma he ʋlhpiesa kʋt ish pisakmʋt, ish yʋmohmashke, Chitokaka yʋt chiba foyuka hoka.