Choshua 1:8 - Chahta Holisso Holitopa 1886

⁸ Nan ʋlhpisa holisso ilʋppʋt chitih ha̱ ik i̱ filʋmmo kashke; amba nitak micha ninak moma ka anukfihinli hosh a holihi̱so ka moma ahah! ahnit ish holitoblashke: ish yohmi hok mak osh ish ata̱ya ya̱ ish ai a̱hlicha hi okʋt, micha ish yohmi hok mak osh nana kʋt chim ai a̱hli achukma hi oke.

Choshua 1:8 Iomraidhean Croise

Genesis 24:63

Atuk osh opiʋt taha ma, Aisak ʋt osapa ya̱ nan anukfillit hikiki̱a chi̱ hosh kohchʋt ia tok: atuk osh akachakali cha pisa ma, yakeh, kamel ash osh minti na pisa tok.

Atʋloa 119:11

Ak chim ʋsshacho ka chi̱ kak osh, nan ish achi ya̱ sʋ chu̱kʋsh a fohkit ieshi lishke.

Atʋloa 119:15

Chi̱ nan ʋlhpisa putta ka̱ anukfi̱hi̱lli lashke, mikmʋt ata̱ya ish ʋpesa tok putta ka̱ ʋcchukmali hosh pisa lashke.

Atʋloa 119:97

Chi̱ nan ʋlhpisa ya̱ ahninchi lih fehna hoke; nittak moma ka̱ isht ʋm anukfila yoke.

Atʋloa 119:99

Nan isht chim ai ʋlhtukkoa putta kʋt isht ʋm anukfi̱hi̱la yatuk o̱, sʋ hopoyuksa kʋt nan ʋm abʋchi moma ka̱ i̱ shʋlihchi lishke.

Atʋloa 19:14

Chi tikba ya̱ sʋtih ʋnumpo̱ho̱li kʋt, micha sʋ chu̱kʋsh anukfi̱hi̱lli kʋt a hulittopashke, a̱ tʋli chito, micha si okchalinchi Chihowa ma.

Atʋloa 40:10

Chim ai ʋlhpiesa ya̱ sʋ chu̱kʋsh anu̱kaka ya̱ a luhmit ieshi le tuk keyuh; isht chim aia̱hlika, micha isht chim ai okcha̱ya ya̱ ʋnoli lih chatuk; nan isht ish i̱ hullo, micha nan isht chim aia̱hlika ya̱ oklah ittʋnaha chinto ka̱ i̱ luhmi le tuk keyushke.

Mahlu 12:35

Chu̱kʋsh anu̱kaka ya̱ na holitopa kʋt a̱sha kak o̱, hatak achukma kʋt nana achukma puta ka a yʋmohmi chatuk: mikma chu̱kʋsh anu̱kaka ya̱ nana ik achukmo kʋt a̱sha kak o̱, hatak ik ʋlhpeso kʋt nana ik achukmo puta ka a yʋmohmi chatuk oke.

Mahlu 28:20

Nan oklu̱ha ka nana ho̱ hʋchim apesa li tuk a̱ holitobla he mak o̱ hʋsh im abahanchashke: yohmikma yakeh! ʋno ʋt hʋchi awant a̱ya li̱ bilia ho̱, yakni ʋt ont ai ʋhla hi oke, achi tok oke. Amen.

Mahlu 7:21

Chitokaka ma! Chitokaka ma! ʋm achi kak osh momʋt ʋba yakni a̱ chukowa hi o̱ keyushke; amba A̱ki ʋba binili nan aiahni ka yʋmohmi tuk mak a hi oke.

Mahlu 7:24

Yohmi hoka kʋna hosh ʋm anumpa ilʋppa puta hatuk ma haklo cha, mihma yʋmohmi ka, hatak hopoyuksa yosh tʋli paknaka yo̱ in chuka a talali tok a̱ it apesa lashke.

ʋBanumpa Luk Ʋt Holissochi Tok 11:28

Yohmi kia yʋmmak ash ot, A̱hli, na‐yukpa aia̱hli kʋto Chihowa im anumpa ha̱ haklo cha, im antia hak oke, achi tok.

Chan 13:17

Ilʋppa puta ka hʋsh ithana cha, yʋmmak o̱ hʋsh yʋmihchi hokmʋt, na hʋchi yukpa mak oke.

Chan 14:21

Kʋna hosh ʋm anumpa ʋlhpisa ʋt in tonla cha, holitobli hokmʋt, yʋmmak osh sa holitobli mak oke; micha kʋna hosh ʋno a̱ sa holitoblikmʋt, A̱ki ma i̱ holitopakma, ʋno mʋt holitoblit il im otʋninchi la hi oke.

Efeshan 4:29

Anumpa liteha yʋt chitih ha̱ ik kohchot, amba nana kʋt achukma isht hlampka he, micha ha̱klo puta kʋt isht im achukma he ak ashke.

Tutelonomi 29:8

Mihmʋt i̱ yakni ya̱ il ishi cha, Lubenait micha Katait, micha Manasseh apelichi iklʋnna aiena kʋt i̱ yakni ya chi̱ ho̱ il ima tok.

Tutelonomi 29:9

Yʋmohmi hoka anumpa nan itim apesa ilʋppa hʋsh ieshi cha, hʋsh yʋmihchashke; yʋmohmi hosh nana hʋsh yʋmihinchi moma kʋt hʋchim aia̱hli hʋchim achukmashke.

Tutelonomi 30:14

Amba ish yʋmihcha chi̱ kʋt anumpa hʋt chi̱ bilinchi fehnʋt, chitih, micha chi chu̱kʋsh a̱ foyuka hoke.

Tutelonomi 31:11

Islael moma kʋt chin Chitokaka Chihowah itikba hʋsh hiela chi̱ hosh, kanima ho̱ ai atokoli tuk o̱, ʋlakma, Islael moma kʋt ha̱klo ho̱ nan ʋlhpisa ilʋppa itikba ish ai itim anumpula hi oke.

Tutelonomi 31:24

Atuk o̱ yakohmi tok, Moses ʋt nan ʋlhpisa ilʋppa anumpa ha̱ holisso ha̱ atakalichit tahli na ont taiyaha ma,

Tutelonomi 5:1

Mihma Moses ʋt Islael moma ka̱ hoyo cha, Islael ma, nan ʋlhpisa bilia puta, micha aiʋlhpiesa yʋmi̱hinchi puta hʋsh ha̱klo ho̱, himak nitak a̱ anumpo̱honli li ka̱ hʋsh haklashke; yʋmohmi hosh hʋsh ithana cha, ieshit hʋsh yʋmi̱hinchashke.

Tutelonomi 5:29

Chu̱kʋsh ʋt yakohmi nukfoyuka tuk okbano, yohmi hosh a̱ nukwia cha, ʋm anumpa ʋlhpisa moma ka̱ ieshi na, bilia cha, yʋmma mihcha im ʋlla ʋhleha aiena kʋt im ai achukma na, biliakbano ahnit ʋm achi tok.

Tutelonomi 5:32

Yʋmohmi hoka, Chitokaka hʋchin Chihowah yʋt hʋchim apesa tuk mak o̱ hʋsh ithaiyana cha, hʋsh yʋmi̱hinchashke; fullotʋt naksika isht impakimma, micha ʋlhfʋbekimma pit hʋsh fullota he keyu hoke.

Koloshan 3:16

Klaist im anumpa hʋt a chitot hʋchi foyuka na isht a hʋchi hopoyuksashke; ʋba isht taloa, micha shilombish imma isht taloa aiena ka isht it im abʋchit, isht it i̱ nukfohkit, nana aiokpahancha he hʋchi chu̱kʋsh a̱ foyukʋt Chitokaka ya̱ hʋsh in taloho̱ashke.

Choshua 1:7

Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.

Choshua 8:34

Yohmi hayak o̱ nan ʋlhpisa anumpa puyuta, nan isht ai yukpa he, anonti isht ai i̱ palʋmma he aiena nan ʋlhpisa holisso ha̱ a holihi̱so tok a̱ it im anumpohonli tok.

Nan Otʋni 22:14

Kʋna hosh im anumpa ʋlhpisa puta ka holitobli hokʋto na yukpʋshke: yohmi hok mak osh iti ai okcha̱ya isht im ai ʋlhpiesa hosh okhissa ont a hlopullit tʋmaha chito yash chukowa chi̱ hoke.