Choshua 1:7 - Chahta Holisso Holitopa 1886

⁷ Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.

Choshua 1:7 Iomraidhean Croise

1 Mi̱ko 2:2

Yakni moma kʋt atia chatuk a̱ ia lishke: yʋmohmi hoka ish kʋllo cha, hatak a̱hli yosh ish il otʋnihinchaske;

1 Mi̱ko 2:3

Micha chin Chitokaka Chihowa ʋt atokolit chi̱ miha kak o̱ ish im antia cha, i̱ hina puta ish a noho̱wa cha, i̱ nan ʋlhpisa puta, micha im anumpa ʋlhpisa puta, micha i̱ nan ai isht apesa puta, micha i̱ nan ai isht il atokoli puta aiena kʋt Moses i̱ nanʋlhpisa a holisso tok a̱, ish ieshashke; yʋmohmi hosh nana ho̱ ish kaniohmikmʋt, micha kanima yo̱ pit ish fullotakmʋt, hopoyuksa hosh ish a̱yashke:

2 Mi̱ko 22:2

Chihowa itikba ya̱ aiʋlhpiesa kak o̱ yʋmohmit, i̱ki Lewi ata̱ya moma kak o̱ a noho̱wa cha, naksika ishtimpakimma, keyukmʋt ʋlhfʋbekimma kanima ka pit ik fulloto tok.

Atʋloa 80:19

Chitokaka Chihowa, nan u̱ha i̱ Chitokaka ma, ish pi falʋmmichashke; chi nʋsshuka ya̱ ish tohwikelechi na, pi okcha̱yashke.

Numbas 27:23

Micha ibbak a̱ onochi mʋt anumpa ima tok, Chihowah yʋt Moses a̱ tohnʋt im apesa tuk mak o̱ yʋmihchi tok.

Tutelonomi 11:8

Yʋmohmi hoka anumpa ha̱ himak nitak a̱ hʋchim anumpo̱honli li ka̱ hʋsh ieshashke; yʋmohmi hosh hʋsh kʋllo cha, yakni hʋsh isha chi̱ hosh yʋmma pilla ia kʋt ont chukowʋt hʋsh ishashke.

Tutelonomi 12:32

Nana ho̱ hʋchim ahanchi li tukma, ithaiyanʋt ish yʋmihchashke: ish iba fohka he keyu, micha ish ola taklʋcha he keyu hoke, achi tok.

Tutelonomi 28:14

Himak nitak a̱ chim anumpo̱honli li tuk a̱ anumpa kanima kia, i̱ filʋmmit naksi ka̱ ishtimpakimma, keyukmʋt ʋlhfʋbekimma, kanima kia iʋt naholbʋt toba iakaiyʋt ish aiokpʋcha he keyu hoke.

Tutelonomi 29:8

Mihmʋt i̱ yakni ya̱ il ishi cha, Lubenait micha Katait, micha Manasseh apelichi iklʋnna aiena kʋt i̱ yakni ya chi̱ ho̱ il ima tok.

Tutelonomi 29:9

Yʋmohmi hoka anumpa nan itim apesa ilʋppa hʋsh ieshi cha, hʋsh yʋmihchashke; yʋmohmi hosh nana hʋsh yʋmihinchi moma kʋt hʋchim aia̱hli hʋchim achukmashke.

Tutelonomi 31:7

Mihmʋt Moses ʋt Choshua ya̱ hoyo cha, Islael moma kʋt pi̱sa ho̱, Ish kʋllashke; micha ish aiyimitashke; okla ilʋppa pehlichit, Chihowah yʋt i̱ki ʋhleha ha̱ yakni ya̱ ima chi̱ hosh anumpa kʋllo im ilonochi tok a̱ ish onashke; micha ish a binilicha chi̱ hoke,

Tutelonomi 4:2

Anumpa hʋchim apesa li tuk a̱ hʋsh ibafohka he keyu, micha hʋsh ola taklʋcha he keyu; yʋmohmi hosh hʋchin Chitokaka Chihowah i̱ nan ʋlhpisa puta hʋchim apesa li tuk a̱ hʋsh holitoblashke.

Tutelonomi 5:32

Yʋmohmi hoka, Chitokaka hʋchin Chihowah yʋt hʋchim apesa tuk mak o̱ hʋsh ithaiyana cha, hʋsh yʋmi̱hinchashke; fullotʋt naksika isht impakimma, micha ʋlhfʋbekimma pit hʋsh fullota he keyu hoke.

Choshua 1:1

Moses, Chihowa in tishu hʋt illi haya̱, yakohmi tok, Chihowa ʋt Choshua Nun ushi, Moses in tishu hatuk a̱ im anumpulit,

Choshua 1:8

Nan ʋlhpisa holisso ilʋppʋt chitih ha̱ ik i̱ filʋmmo kashke; amba nitak micha ninak moma ka anukfihinli hosh a holihi̱so ka moma ahah! ahnit ish holitoblashke: ish yohmi hok mak osh ish ata̱ya ya̱ ish ai a̱hlicha hi okʋt, micha ish yohmi hok mak osh nana kʋt chim ai a̱hli achukma hi oke.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Choshua 11:15

Chihowa yʋt Moses a̱ im apesa tok mak o̱, Moses ʋt Choshua ya̱ im apesa tok; mihma yʋmmak o̱ Choshua ʋt yʋmihchi tok: Chihowa yʋt nana moma Moses a̱ im apesa tok a̱ ik a tahlo kʋt iksho ki tok.

Choshua 23:6

Yʋmohmi hoka kʋllot hʋchim anukfila fehna hosh Moses i̱ nan ʋlhpisa holisso ha̱ a holihi̱so ka mominchit holitoblit hʋsh yʋmihinchashke; yʋmohmi hosh shanaiyʋt naksika isht impak imma, micha ʋlhfʋbek imma kanima ka pit hʋch ik fulloto kashke.