Choshua 1:6 - Chahta Holisso Holitopa 1886

⁶ Kʋllot chim anukfila cha, nukwia ikshot ish amosholashke: yakni ilʋppa ima la hi ʋt i̱ki ʋhleha ha̱ anumpa kʋllo isht il onochit im ihi̱ssa li tok a̱, okla ilʋppa immi hachi̱ mak o̱ ish it akʋshkola chi̱ hokʋt.

Choshua 1:6 Iomraidhean Croise

Genesis 12:7

Mihma Chihowah yʋt Eblam a̱ i̱ haiaka cha, Yakni ilʋppa chim ishtatiaka ya̱ ima la hi oke, im achi tok: mihma yʋmmak o̱ Chihowah yʋt i̱ haiaka tuk ash alta ya̱ im ikbi tok.

Genesis 26:3

Yakni ilʋppak o̱ nowʋt a̱ya yosh ish ahantashke, mikma chibafoyuka lish, chi yukpali lashke; chishno, micha chi aiunchololi yak o̱ yakni ilʋppa moma ka̱ ima la chi̱ hoka, micha anumpa kʋllo yʋmma anumpulit chi̱ki Eblaham a̱ im il onochi li tok ʋt aia̱hlichi la chi̱ hoke.

2 Samuel 10:12

Nukwia ikshot hʋsh amosholashke, nakni a̱hli chiyuhmi hosh pim okla, micha pin Chitokaka in tʋmaha holihta puta ka il im itibashke: mikma Chihowa ʋt ʋlhpiesa ahni kak osh yʋmihchashke, achi tok.

1 Mi̱ko 2:2

Yakni moma kʋt atia chatuk a̱ ia lishke: yʋmohmi hoka ish kʋllo cha, hatak a̱hli yosh ish il otʋnihinchaske;

Atʋloa 27:14

Chihowa ha̱ ish hoyashke; ish kʋllashke; mikma̱ chi chu̱kʋsh a̱ hlampkocha hinla hokeh: yohmi hoka̱ Chihowa ha̱ ish ho̱ho̱yashke.

Numbas 26:53

Ilʋppa puta kak osh hohchifo holhtina ka̱ ʋlhpisa i̱ yakni ya̱ chi̱ hosh yakni yash osh i̱ kʋshkoashke.

Numbas 33:53

Micha okla aiasha tuk a̱ yakni hʋsh im ishi cha hʋsh aiasha chi̱ hoke, yakni ya̱ hʋsh isha chi̱ ho̱ hʋchima li hatuk oka.

1 Kolinhlian 16:13

O̱kchʋt oh il apistikelí, ai yimmika ya̱ kʋllot ieshit hʋsh hikiashke, hatak a̱hli il otʋninchit, hʋsh hlampkashke.

Efeshan 6:10

Ishtaiyopi ka itibapishi li ʋhleha ma! Chitokaka a hlampkot im a hlampko chinto yo̱ hʋsh a hlampkashke.

Tutelonomi 1:21

Yakeh, Chin Chitokaka Chihowah yʋt yakni yash chi tikba talalishke: hʋchi̱ke ʋhleha in Chitokaka Chihowah yʋt chim achi tuk mak o̱, iʋt ishi: chi nukshopa na, micha chi chu̱kʋsh ʋt ik ello kashke, chim achi li tok.

Tutelonomi 1:8

Yakeh, yakni ya̱ hʋchi tikba talali lishke; chukowʋt yakni ya̱ Chihowah yʋt hʋchi̱ki ʋhleha Eblaham, micha Aisaak, micha Chekob, micha im ishtiaka iakaiyʋt mihinti aiena ka̱ anumpa kʋllo anumpulit, ima tok a̱ hʋsh ishashke, achi tok oke, achi tok.

Tutelonomi 11:8

Yʋmohmi hoka anumpa ha̱ himak nitak a̱ hʋchim anumpo̱honli li ka̱ hʋsh ieshashke; yʋmohmi hosh hʋsh kʋllo cha, yakni hʋsh isha chi̱ hosh yʋmma pilla ia kʋt ont chukowʋt hʋsh ishashke.

Tutelonomi 31:23

Mihma Nʋn ushi Choshua ya̱ anumpa imʋt, chi kʋllashke, micha chi aiyimitashke, anumpa kʋllo im ilonochi li tok mak o̱ Islael im ʋlla ʋhleha ha̱ pehlichit yakni ya̱ isht ish chukowa chi̱ hoke; mikma chibafoyuka la chi̱ hoke, achi tok.

2 Timohli 2:1

Yohmi ka sʋso chia hʋt Chisʋs Klaist nan isht i̱ kana yoka isht ish hlampkashke.

Choshua 1:18

Kʋna hoh kia chi̱ nan ʋlhpisa ha̱ i̱ sanalit nana ish i̱ miha ka anumpa moma ik chi̱ haponaklokmʋt, illashke: peh kʋllot chim anukfila cha, nukwia ikshot ish amosholashke, im achi tok.

Choshua 1:7

Peh kʋllot chim anukfila cha, nukwia ikshot ish amosholi fehnashke; yohmi hosh nan ʋlhpisa moma an tishu Moses ʋt chim apihi̱sa tok a̱ ahah! ahnit ish holitoblashke; ilʋppa isht impak imma hokmá, ʋlhfʋbekimma hokmá nana kia chik i̱ filʋmmo kashke; chi yʋmohmi pulla hosh kanima ish a̱ya puta kʋt chim ai achukma hi oke.

Choshua 1:9

Ʋno ak osh chim apesa li tuk keyu cho? kʋllot chim anukfila cha, nukwia ikshot ish amosholashke: ik chi nukshopo kashke, micha chi chu̱kʋsh ik iello kashke: kanima ish a̱ya puta ka Chitokaka chin Chihowa ʋt chi awant a̱ya hoka, achi tok.

Choshua 10:25

Mihma Choshua ʋt, Ik hʋchi nukshopo kashke, hʋchi chu̱kʋsh ik iello kashke, kʋllot hʋchim anukfila cha nukwia ikshot hʋsh amosholashke: hʋchin tʋnʋp puta hʋch itibi ka Chihowa yʋt yakohmicha chi̱ hoka, im achi tok.

Choshua 13:6

Nʋnih foka okla puta Lebanon a̱ ʋttʋt ia hosh Mislefolh‐maim, ont ʋhli, micha Sitonian ʋhleha moma, yʋmma puta kak o̱ Islael im ʋlla ʋlhleha itikba ya̱ tihlelit kohcha wehli la chi̱ hoke: peh chim apesa li tok mak o̱, nashoeli hosh yakni ʋt immi ha chi̱ ho̱, ish ita kʋshkolashke, im achi tok.

Choshua 18:3

Mihma Choshua ʋt Islael im ʋlla ʋhleha ha̱, Katiohmi foka ho̱ hʋchin tikba ʋhleha in Chitokaka Chihowa yʋt yakni hʋch ima tok a̱ iʋt hʋch isha chi̱ kʋt hʋchi sʋlaha chi̱ cho?

Choshua 21:43

Mihma Chihowa yʋt anumpa kʋllo il onochit i̱ki ʋhleha ha̱ ima he i̱ mihi̱ha tok ʋt yakni ya̱ mominchit Islael a̱ ima tok: mihma ieshit a binili tok.

Choshua 5:6

Islael im ʋlla ʋhleha hʋt yakni haiaka itʋnoho̱wa na afʋmmi pokoli ushta tok; yohmi na hatak puta, hatak tʋnʋp a̱ya ʋlhpesa hosh Echip a̱ a kohcha tuk ʋt Chihowa im anumpa ha̱ im antia keyu hatuk osh ai iksho ki tok: yakni pishukchi, foi bila aiena bieka ai yanahanli ho̱ pima hi osh i̱ki ʋhleha ha̱ anumpa kʋllo isht il im onochi tok ʋt yʋmma puta hokʋno yakni yʋmma i̱ haiakʋcha he keyu kʋt anumpa kʋllo il onochi tok okʋt.

1 Samuel 4:9

Hʋsh kʋllashke, micha nakni hʋsh chiyuhmashke, Filistin hʋchia ma! Heblu ʋhleha hʋt yʋmohmi tuk a̱ chohmit in tishu ha̱ hʋch ik tobo kashke: nakni chiyuhmit hʋsh itibashke, achi tok.