Choshua 1:4 - Chahta Holisso Holitopa 1886

⁴ Yakni haiaka ya̱ hikiʋt ia hosh Lebanon ilʋppa ona cha, okhina chito, okhina Euflates pit afullotʋt, Hitait i̱ yakni ʋt moyuma hosh, okhʋta chito hʋshi ai okatula imma itoyula ka ilʋppak o̱ ont hʋchim ai ʋhla hi oke.

Choshua 1:4 Iomraidhean Croise

1 Mi̱ko 10:29

Micha tʋnʋp itichanʋlli achʋfa kʋt tʋli hʋta ʋt shekel tahlepa hannalikma, issuba achʋfa kʋt tahlepa achʋfa cha pokoli tahlapi ho̱ Echip a̱ kohchʋt minti tok: micha yohmi ho̱ Hittait okla i̱ mi̱ko moma, micha Silia i̱ mi̱ko ʋhleha ha yʋmmak osh isht i̱ kohcha tok.

1 Mi̱ko 4:21

Mihma Solomon ʋt apehlichika puta moma okhina puta ʋttʋt ia hosh, Filistin okla i̱ yakni ona mʋt, Echip aiʋhli ona ho̱ a mi̱ko tok; nahʋlbina puta isht im ahanla cha, Solomon ʋt okcha̱yʋt ahanta nitak puta moma ka im antihi̱ya tok.

Eksotʋs 23:31

Micha chim aiʋhli ya̱ okhʋta Humma ʋttʋt ia hosh Filistin im okhʋta ont ʋhli, micha chokushmi ʋttʋt ia hosh okhina ont ʋhli kak o̱, ʋhlichit apesa la hi oke; yakni ya̱ okla aiasha ka̱ chibbak fohki la chi̱ hoke; mikma chi tikba tihlelit ish kohcha hi oke.

Tutelonomi 1:7

Hʋsh fullota cha, itʋnowʋt a̱yʋt, Amolait okla i̱ nʋnih, micha bili̱ka taloha moma, yakni patali, micha nʋnih foka, micha okfa, micha okamahli, micha okhʋta lapalika aiena, Kananait okla i̱ yakni, micha Lebanon aiena ka̱ onʋt okhina chito Eufalates okhina ya̱ hʋsh onashke.

Tutelonomi 11:24

Kanima moma hʋch iyi pʋtta yʋt ano̱ho̱wa kʋt hʋchimmi ha chi̱ hoke; yakni haiaka, micha Lebanon ʋttʋt okhina Euflates okhina ʋttʋt ia hosh okhʋta ont ʋhli fehna ont ʋhli kak osh hʋchim ai ʋhli ya chi̱ hoke.

Tutelonomi 3:25

Chim asilhha lishke, ak hlopulli cha, yakni achukma yʋmmʋt Chatan mish tʋnnʋp talaia ka̱, nʋnih aiokli, micha Lebanon yʋmma ak pesá, achi li tuk.

Nan Otʋni 9:14

Enchil ushta talakchi yosh okhina chito Euflates a̱ oka a̱sha ka ont ish i̱ hotofashke, im achi ho̱ haklo li tok.