Choshua 1:2 - Chahta Holisso Holitopa 1886

² Moses an tishu hʋt illishke; yohmi hoka himak a̱ wakaya cha, chishno, okla ilʋppa hʋsh moma kʋt Chatan ilʋppa mish‐tʋnnʋp yakni yʋmma Islael im ʋlla ʋhleha yʋmmak o̱ ima li hoka, hʋsh onashke.

Choshua 1:2 Iomraidhean Croise

Genesis 17:8

Mikmʋt Kenan yakni ʋt moma, okla inla yosh ish ai ahanta yakni ya̱ chishno, micha chim ishtatiaka et chiakaiya aiena kʋt hʋchi̱ yakni bilia chi̱ ho̱ hʋch ima la chi̱ hoke: mikmʋt in Chitokaka sia ha hi oke, achi tok.

Numbas 12:7

Yohmi kia an tishu Moses ʋt yohmi keyu, yʋmmak okʋt an chuka ya̱ nana aiasha moma ka̱ aia̱hli hoke.

Tutelonomi 3:28

Yohmi kia Choshua ya̱ atokolit im anumpulit, aiyimitʋchit, ish hlampkochashke; yʋmmak osh okla ilʋppa itikba tanʋbli cha, yakni ish pisa chi̱ ka̱ a binilicha chi̱ hoke, ʋm achi tok.

Tutelonomi 31:7

Mihmʋt Moses ʋt Choshua ya̱ hoyo cha, Islael moma kʋt pi̱sa ho̱, Ish kʋllashke; micha ish aiyimitashke; okla ilʋppa pehlichit, Chihowah yʋt i̱ki ʋhleha ha̱ yakni ya̱ ima chi̱ hosh anumpa kʋllo im ilonochi tok a̱ ish onashke; micha ish a binilicha chi̱ hoke,

Tutelonomi 34:5

Yohmi hosh Chihowah im anumpa hatuk mak o̱, Chihowah in tishu Moses ʋt Moab yakni yʋmmak o̱ ai illi tok.

Choshua 1:1

Moses, Chihowa in tishu hʋt illi haya̱, yakohmi tok, Chihowa ʋt Choshua Nun ushi, Moses in tishu hatuk a̱ im anumpulit,

Choshua 1:11

Binah ha hlopullit a̱yʋt, okla ha̱ nan i̱ mihʋt, Pinak ʋt hʋchim ʋlhtahashke; nitak tuchina ta̱kla ka Chatan ilʋppa hlopullit, Chitokaka hʋchin Chihowa ʋt hʋchimmi ha chi̱ ho̱ yakni hʋch ima hoka ont chukowʋt hʋsh isha chi̱ hoke, achi tok.