Chan 9:7 - Chahta Holisso Holitopa 1886

⁷ Mihmʋt, Oka talaia Siloam, yʋmmʋt toshowakmʋt, Pila, achi ho̱ ia cha, ont okamí, im achi tok. Yohmi ma ia cha ont okami mʋt, pi̱sa hosh ʋla tok.

Chan 9:7 Iomraidhean Croise

Atʋloa 146:8

Chihowa hʋt nishkin lʋpa ʋhleha ha̱ i̱ fʋtummi yoke; Chihowa hʋt ʋkahchunnoli ʋhleha ha̱ ʋkahchʋkalichi yoke; Chihowa hʋt ai ʋlhpiesa ʋhleha ha̱ i̱ hullo yoke.

Eksotʋs 4:11

Mihma Chihowah yʋt, Kʋta hosh hatak itʋkha ikbi tok oh cho? micha kʋta hak osh ik anumpulo, micha ik haponaklo, micha pisa, micha ik hopo̱koyo ikbi hoh cho? Chihowah sia hoh keyu cho?

Mahlu 11:5

Lʋpa yʋt hopo̱koyo ma, imomokpulo yʋt nowa; leplosi ʋbi okla hʋt i̱ kashofa; mikma ik haponaklo yʋt haponaklo; illi tuk ʋt tani; mihma ilbʋsha puta ka ʋbanumpa hʋt isht im anuhumpʋshke.

ʋBanumpa Luk Ʋt Holissochi Tok 13:4

Yʋmmak keyukmʋt Siloam a̱ chuka chaha hikia tuk ʋt auah untuchina ka o̱ kinafʋt ʋbi tok a̱, yʋmmak osh nan ashʋchi kʋt hatak Chelusalem a̱sha moma ka i̱ shahli ha tok a̱, hʋchim ahoba cho?

Chan 10:36

I̱ki ʋt na‐holitopa ka isht a im atokoli cha, yakni a̱ auet kanchi tok o̱, Chihowa Ushi sia hoke, achi li tuk ak o̱, Nan ik ahobalot ish anumpuli, hʋsh achi hoh cho?

Chan 11:37

Mihma kanimi kʋt, Lʋpa yatuk a̱ hoponayochi tuk ʋt, hatak ilʋppak kia ik illo ka hinla ka, a kanimihcha he tuk keyu chishba? okla achi tok.

Chan 9:11

Mihma afalaminchi mʋt, Hatak Chisʋs hohchifo kak osh lukfi a̱ yʋmʋslit, sa nishkin a̱ isht ʋm apolusli cha, Oka talaia Siloam a̱ ia cha, ont okamí, ʋm achi ma, iʋt ont akami li hosh, hoponayo li tuk oke, achi tok.

Chan 9:39

Ik hoponayo atuk ʋt hopona̱yo yokma, anonti hoponayo tuk ʋt lʋpa yo̱ toba he, yakohmit nan isht im ʋlhpisa hi o̱, yakni ilʋppa a̱ya li hatuk oke.

Apostel isht Anumpa 26:18

Yʋmmak oka i̱ holhponayo ha̱ fatummi, anonti ai okhlilika ya̱ a filʋmmichit tohwikelika ya̱ isht onʋt, micha Setʋn apehlichi a̱ akohchit Chihowa ya̱ isht ish im oho̱na na, nan ai ashʋchika puta isht a akashofa ka, micha ʋno a̱ yimmika pulla hosh isht kashofa tok puta ka, iba takla ai ahanta aiena ma, ahayucha chi̱ mako̱ himak a̱ pit chi chʋffihinchi lishke; achi tok.

Loman 8:3

Yohmi ka ʋba nan ʋlhpisa yʋt nana ka ik atahlo kʋt, haknip ak atuk pulla kak o̱ ik ai a̱hlo hatuk o̱, Chihowa hʋt ilap Ushi ak inli ho̱ ai ashʋchika isht ʋlhtoba mak o̱ hatak nan ashʋchi haknip a̱ hobachit auet kanchi hosh, haknip ak o̱ ai ashʋchika ya̱ ai i̱ palʋmminchi tok:

Kaleshan 4:4

Yohmi tok kia nitak ont ʋlhpesa kʋt ʋla ma, Chihowa yʋt Ushi ʋt pila na, nan ʋlhpisa i̱ nutaka toba hosh ohoyo ho̱ a toba tok.