Chan 9:5 - Chahta Holisso Holitopa 1886

⁵ Yakni a̱ ai ahanta li takla hokʋto, yakni a̱ in tohwikeli sia hoke, im achi tok.

Chan 9:5 Iomraidhean Croise

Mahlu 5:14

Yakni in tohwikeli hʋchia hoke. Tʋmaha chito yosh nʋnih chaha ai on talaia hokʋt luma he keyushke.

Chan 12:46

Kʋna hoh kia ʋno a̱ a̱ yimmi hokʋt ai‐okhlilika ya̱ ik ai ahanto ka chi̱ mak o̱, nan‐tohwikeli mak osh a̱yʋt yakni a̱ ʋla li ha tok oke.

Chan 8:12

Mihmʋt Chisʋs ash ot anonti okla ha̱ im anumpuli mʋt, Ʋno ak osh yakni im a tohwikeli sia mak oke; kʋna hosh ʋno a̱ siakaiya hokʋt, ai okhlilika yo̱ a̱ya he keyu; amba ai okcha̱ya tohwikeli hʋt in takala he mak oke, im achi tok.

Apostel isht Anumpa 13:47

Yakohmi ho̱ Chitokaka yʋt pim apihi̱sa mʋt, Okla nan ik ithano ʋhleha ya̱ ish in tohwikela chi̱, yakni ont ʋhli fullota kʋt isht ai okcha̱ya he mako̱, chi hilechi lishke; ahanchi tuk oke, achi tok.

Apostel isht Anumpa 26:18

Yʋmmak oka i̱ holhponayo ha̱ fatummi, anonti ai okhlilika ya̱ a filʋmmichit tohwikelika ya̱ isht onʋt, micha Setʋn apehlichi a̱ akohchit Chihowa ya̱ isht ish im oho̱na na, nan ai ashʋchika puta isht a akashofa ka, micha ʋno a̱ yimmika pulla hosh isht kashofa tok puta ka, iba takla ai ahanta aiena ma, ahayucha chi̱ mako̱ himak a̱ pit chi chʋffihinchi lishke; achi tok.

Efeshan 5:14

Yʋmohmi kak o̱, Nusi tuk chia kʋt, chi okchashke, micha illi tuk chia kʋt falamʋt ish tanashke, mikma Klaist ʋt tohwikeli chima chi̱ hoke, achi hoke.

Nan Otʋni 21:23

Mihma Chihowa im aholitopaka yosh a tohwikeli ma, anonti yʋmma ai i̱ pʋla hʋt Chukfʋlhpobushi yak atuk o̱, hʋshi, mikmʋt hʋshi‐ninak‐a̱ya kia im a tomma hi a̱ tʋmaha chito yash ot ik bʋnno ki tok.