Chan 9:4 - Chahta Holisso Holitopa 1886

⁴ In toksʋli la he mak o̱ auet sa kanchi tok oka nita̱ki moma kak o̱ isht im ahanta li pullashke; ninak ʋt ʋla ha yokmʋno, hatak nana kia pilesa he keyushke.

Chan 9:4 Iomraidhean Croise

Mahlu 20:7

Mihma yʋmmak ash osh, Amba hatak nana kia nan ik pi tohno kʋno, im achi tok: mihma yʋmmak ash o̱, Hʋchishno ak kia pa̱kʋpi aholokchi a̱ pit hʋsh abeha ak inlashke; atuk ma kaniohmi kak osh ai ʋlhpiesakma, mih mak o̱ hʋsh ishashke, im achi tok.

Mark i̱ Holisso 3:3

Mihma hatak ibbak shilʋt illi yash o̱ Iklʋnnaka ya̱ wakayʋt a hikiá, im achi tok.

Chan 10:32

Chisʋs ʋt afalaminchi mʋt, Isht il apelʋchi ʋt A̱ki a minti pulla na na hochukma la̱wa ka isht a yʋmihinchi li̱ hʋsh pisa tuk a̱, na‐fehna yʋmma puta tuk ash katima kak o̱ tʋli a̱ isht hʋs sa bola chi̱ mak oh cho? im achi tok.

Chan 10:37

A̱ki ʋt nana a kaniohmi ak o̱ ak yʋmihcho hok mak o̱, hʋchik sa̱ yimmo kashke.

Chan 12:35

Mihma Chisʋs ʋt, Himonasi ta̱kla kak o̱ tohwikeli hʋt hʋch in takanli hoke. Tohwikeli hʋt hʋchin takanli ta̱kla kak osh hʋsh nowashke, yʋmmak keyukma okhlili hʋt hʋchi onʋtula hinla hoke. Kʋna hosh okhlili ho̱ nowʋt a̱ya hokʋto, kanima yo̱ ia kʋt ithana keyu hoke.

Chan 17:4

Yakni paknaka ya̱ a chi holitoblichi lishke. Na‐toksʋli isht ahanta la hi o̱ is sʋm apesa tok a̱, atahli lishke.

Chan 4:34

Chisʋs ash ot, Auet sa kanchi tok nan ahni kak o̱ a yʋmohmi, micha i̱ na‐toksʋli atahli aiena kak osh ʋm ilhpak oke.

Chan 5:19

Mihma Chisʋs ash osh afalaminchi mʋt, A̱hlishke, a̱hli mak o̱ hʋchim achi lishke; Ushi yʋt ilapo inli hokʋto nana kaniohma he keyu, amba nana ho̱ I̱ki ʋt yʋmihchi ho̱, pisa tuk mak oh chatuk oke; nana ho̱ yʋmmak osh a yohmik mak o̱, Ushi yak kia yʋmmak o̱ ai yohmi akinli hoke.

Chan 5:36

Yohmi kia nan atokowa si anoli kʋt Chan a̱ i̱ shahlichi kʋt a̱sha hoke; na toksʋli atahli la hi o̱ A̱ki ʋt ʋm apesa tok o̱, na toksʋli ho̱ isht ahanta li ka yʋmmak osh, A̱ki ʋt auet sa kanchi tok o̱ mʋhli ka, atokowa si anohonli hoke.

Chan 7:33

Mihma Chisʋs ash ot, Chekosi itintakla kak o̱ hʋchi takla anta li moma chi̱; atuk mʋt anonti auet sa kanchi tok a̱ im ia la chi̱ hoke.

Apostel isht Anumpa 4:20

Nana ka e pi̱sa tuk, micha e haha̱klo tuk aiena kʋt, isht kil anumpulo ka he keyu hoka; im achi tok.

Kaleshan 6:10

Yohmi hoka hatak moma ka nana il im ai achukma la hi ʋt pin takalikmʋt, e yʋmihchikmʋt, na yimmi in chuka chʋfa ʋhleha yokak heno i̱ shahlichit il i̱ yʋmihchashke.

Efeshan 5:16

Nitak ʋt ik hʋchi̱ kʋnio hosh nan isht hʋsh il im ahantashke; nitak hʋsh ai ahanta kʋt ik achukmo hoka.

Koloshan 4:5

Kocha ai asha ka i̱ hopoyuksʋt itʋnowʋt, nitak ik hʋchi̱ kʋnio hosh nan isht hʋsh il im ahantashke.