Chan 9:16 - Chahta Holisso Holitopa 1886

¹⁶ Yohmi hatuk o̱ Falisi ʋhleha kanimi kʋt, Hatak yʋmmʋt nitak hullo nitak a̱ holitobli keyu hokʋt, Chihowa ak o̱ a minti keyushke, achi tok. Inlaka yokʋto, Hatak ʋt nan ashʋchi atuk ʋt katiohmi hosh na‐fehna puta yakohmi ka yʋmihcha hinla cho? achi tok: yohmi mʋt ilap bi̱ka okla ai ita kashapʋt ma̱ya tok.

Chan 9:16 Iomraidhean Croise

Mahlu 12:10

Yohmi ma hatak ʋt ibbak shulla yosh a̱sha tok. Yohmi ma ilʋppak ash o̱ nan ʋlhpisa onocha chi̱ hosh okla im ponaklot, Nitak hullo nitak a̱ na hlakoficha he ʋlhpesa cho? achi tok.

Mahlu 12:2

Yohmi kia Falisi ʋhleha hʋt pisa mʋt, Yakeh! nana ka nitak hullo nitak a̱ a yohma he ʋlhpesa keyu ka, na chim ai ithʋna ʋhleha hʋt yohmishke, im achi tok.

ʋBanumpa Luk Ʋt Holissochi Tok 13:14

Mihma sinakak a̱ apesʋchi ash ot, Chisʋs ʋt nitak hullo yo̱ hlakofichi ka im okpulo fehna hatuk osh, okla hash, Nitak hannali kak o̱ hatak ʋt a toksʋla he ʋlhpesa kʋto a̱shʋshke: yohmi ka nitak hullo ak a he tuk keyu; yohmi hoka yʋmma ai itinta̱kla kak o̱ ai ʋlʋt hʋchi hlakofashke, im achi tok.

Chan 10:19

Yohmi hatuk o̱ anonti Chu ʋhleha hash ot anumpa ilʋppa isht ai it a kashapʋt ma̱ya tok.

Chan 14:11

Ʋno ʋt A̱ki a ibai acha̱fa likma, anonti A̱ki ʋt auet sʋbai acha̱fa ka hʋs sa̱ yimmashke; keyuk mak heto nana kʋt a kaniohmi tuk yʋmmak pulla kak o̱ isht ai hʋs sa̱ yimmashke.

Chan 15:24

Ʋno ʋt na‐fehna puta ka, hatak inla nana kia ai yʋmihchi chatuk keyu ka ai itintakla ma ʋno ʋt ai yʋmihchi li tuk keyu hokmʋno, nan ai ashʋchika yʋt okla ik im iksho ka he tuk; amba himak okʋno pi̱sa cha, anonti ʋno, mikmʋt A̱ki ita‐tuklo ka i̱ nukkilli tuk oke.

Chan 2:11

Na fehna yʋmihchit isht ai ʋmmona kʋt ilʋppak o̱ Chisʋs ʋt Kalili yakni Kana yak o̱ ai yʋmihchit, ilap im a holitopa ya̱ otʋninchi tok; mihma nan im ai ithʋna ʋhleha hʋt i̱ yimmi tok.

Chan 3:2

Atuk osh yʋmmak ash ot ninak o̱ a̱yʋt Chisʋs a̱ im ʋla cha, A̱ shahli ma! chishno ak osh nan ithʋnanchi yosh Chihowa ak o̱ ish a minti ka il ithanʋshke; Chihowa ak osh ik apelachokma, hatak nana hosh na‐fehna ilʋppa puta ish yʋmihinchi ka, yʋmihcha he keyu hoka, im achi tok.

Chan 5:10

Yohmi hatuk o̱ Chu okla hʋt na hlakofi tuk yʋmmak ash o̱, Nitak hullo yoke; chi̱ potʋlhpo a̱ isht ish a̱ya he ai ʋlhpesa keyu hoke, im achi tok.

Chan 5:36

Yohmi kia nan atokowa si anoli kʋt Chan a̱ i̱ shahlichi kʋt a̱sha hoke; na toksʋli atahli la hi o̱ A̱ki ʋt ʋm apesa tok o̱, na toksʋli ho̱ isht ahanta li ka yʋmmak osh, A̱ki ʋt auet sa kanchi tok o̱ mʋhli ka, atokowa si anohonli hoke.

Chan 6:52

Yohmi hatuk o̱ Chu okla hash ot, Hatak ilʋppʋt katiohmi kak osh ilap nipi ya̱ pipeta na e pa hinla ho̱? achit itachowʋt ma̱ya tok.

Chan 7:12

Mihmʋt kanimi kʋt, Yʋmmʋt hatak achukma hoke, achi ma, inlaka yokʋto, Keyu, amba okla ha̱ haksichi yoke, achi hatuk o̱ yʋmmak ash lumasit isht anumpulit, ilap bi̱ka itachowa fehnʋt ma̱ya tok.

Chan 7:23

Moses i̱ nan‐ʋlhpisa yut ik kobafo ka chi̱ ka, hatak ʋt nitak hullo nitak o̱ hakshup in tʋptoho̱wa ma, ʋno ʋto nitak hullo nitak o̱ hlakofichit kaiyanchi li kak o̱, hʋs sa̱ nukkilli cho?

Chan 7:43

Yohmi hatuk o̱ yʋmmak atuk mak o̱ okla hʋt isht ai ta kashapʋt ma̱ya tok.

Chan 9:24

Yohmi ma atu̱kla ma hatak lʋpa yatuk ash o̱ okla hoyo mʋt, Chihowa yak o̱ pit holitoblichí, hatak ilʋppak okʋto nan ashʋchi a̱ il im ithana hoke, im achi tok.

Apostel isht Anumpa 14:4

Yohmi kia tʋmaha okla chinto kash ot ita kashapa tok; mihma kashapa kʋto Chu okla hak o̱ pit halanli ma, anonti kashapʋt ʋbanumpa isht ʋtta ʋhleha yak a tok.