Chan 9:1 - Chahta Holisso Holitopa 1886

¹ Micha Chisʋs ʋt ont ia cha a̱ya mʋt, hatak ʋt lʋpa imoma yosh ʋtta tok osh a̱sha na pisa tok.

Chan 9:1 Iomraidhean Croise

Mahlu 20:30

Atuk o̱ hatak lʋpa tuklo kʋt hina lapalika yo̱ chi̱ya tuk osh, Chisʋs ʋt ont ia ho̱ haklo mʋt, pit tahpʋlʋt, Chitokaka Lewi ushi chia ma! ish pi̱ nukha̱klashke, achi tok.

Mahlu 9:27

Atuk o̱ Chisʋs ʋt yʋmmak ash ʋttʋt ia ma, hatak lʋpa tuklo kʋt iakaiyʋt a̱yʋt, tahpahanlʋt, Lewi ushi chia ma! ish pi̱ nukha̱klashke, ahanchi tok.

Mark i̱ Holisso 9:21

Mihma i̱ki ash o̱ i̱ panaklot, Katiohmi foka kash o̱ ilʋppʋt ai yakohmi tok o̱? achi ma, Ʋlla tomba mak a tok.

ʋBanumpa Luk Ʋt Holissochi Tok 8:43

Yohmi ma ohoyo hʋt issish um‐bokafa tok afʋmmi auah‐tuklo hatuk osh, nana im a̱sha tuk a̱ mominchit alikchi puta kak o̱ ai ataiyaha kia, achʋfona ma a hlakofa he mʋt iksho hosh, a̱ya tuk osh,

Chan 5:5

Yohmi ho̱ hatak achʋfa kʋt iksitopo ik nowo tok a̱ afʋmmi pokoli tuchina akocha untuchina hosh yʋmma itonla tok.

Chan 8:59

Yohmi ma ishit bola chi̱ kʋt, tʋli a̱ okla aiowa tok yohmi kia Chisʋs ash ot lumʋt okla ai iklʋnnaka ya̱ hlopullit a̱yʋt tempel a̱ a kohchʋt ont ia tok.

Chan 9:2

Mihma nan im ai ithʋna ʋhleha hʋt, Pi̱ shahli ma! hatak ilʋppak okmá, keyukmʋt i̱ki, ishki itatuklo ka a katima kak osh nan ashʋchi tok o̱, hatak ilʋppʋt lʋpa imoma yosh ʋtta tok oh cho? achit i̱ ponaklo tok.

Apostel isht Anumpa 14:8

Mihma Listi a̱ hatak achʋfa kʋt ishki ikfoka anu̱ka yakinli ho̱ ai imomokpulo tok osh, iyi ʋt ik kʋllo hosh, nitak nana nowa tok keyu ʋt binili tok.

Apostel isht Anumpa 28:4

Mihma sinti okpulo fehna yʋt ibbak a̱ a takanli na, oklushi nan ik ithano ʋhleha yash ot pisa mʋt, Ik kaniohmi kia hatak ilʋppʋt hatak bi̱ka ʋbi pulla tuk osh, okhʋta hokʋno i̱ hlakofi tuk nana kia, na palʋmmi ak okʋto okcha̱yʋt ik antá, ahni keyu hoke; ilap bi̱ka itim achit ma̱ya tok.

Apostel isht Anumpa 4:22

Hatak ʋt hopahki kʋt afʋmmi pokoli ushta ka atampa ho̱ na fehna nahlakofichi ilʋppʋt ai i̱ yʋmohmi hatuk oka.

Apostel isht Anumpa 9:33

Mihmʋt yʋmma hatak achʋfa, Enias hohchifo kʋt palsi isht abeka hosh topa itoyula na afʋmmi untuchina tuk o̱, ont pisa tok.