Chan 8:7 - Chahta Holisso Holitopa 1886

⁷ Yohmi ka okla i̱ ponaklo kash ot a moyuma ma, wakaya mʋt, Kanima hosh ai ashʋchika ik im iksho kʋt hʋchi takla hikia hokmʋt, yʋmmak osh na ti̱kba tʋli ya̱ isht ik boli, im achi tok.

Chan 8:7 Iomraidhean Croise

Chan 7:46

Mihma tishu ʋhleha hash ot, Hatak nana hosh anumpuli kʋt hatak ilʋppa chohmi chatuk keyushke, achi tok.

Chan 8:10

Chisʋs ash ot wakaya mʋt, inla yʋt iksho ho̱, ohoyo ak bano ho̱ pisa mʋt, Ohoyo chia ma! anumpa chi onochi ʋhleha mʋto? hatak nana kia anumpa ik chi onocho ke tuk oh cho? im achi tok.

Chan 8:8

Mihmʋt anonti aka pit waiahpʋt yakni a̱ ai o̱ holissochi tok.

Koloshan 4:6

Hʋchim anumpa puta kʋt Chihowa nan isht i̱ kana ai ibafoyuka biekʋt hʋpi ho̱ isht yʋmmashke; yohmi hosh kaniohmit hatak puta anumpa falama ka hʋsh ima he ʋlhpesa kʋt hʋsh ithaiyana hoke.

Nan Otʋni 1:16

Mihmʋt ibbak isht impak imma ya̱ fochik untuklo ho̱ isht ieshi tok; mihma itih ha̱ bʋshpo falaia itahla̱kla halupa yosh a kohcha ma, nashuka yʋt shohpakali kʋt, hʋshi tommi ai a̱hli tommi chatuk mak o̱ chiyuhmi tok.

Nan Otʋni 19:15

Yohmi ma im itakha ya̱ bʋshpo falaia halupa hosh a kohcha na yʋmmak o̱ oklushi puta ka isht ahamba hi yatok; yohmi kʋt tʋli fuli yo̱ yʋmmak ash nan isht im apihi̱sa hi oke; yohmi kʋt oka pa̱ki atoba yo̱ chohmit Chihowa Chitokaka nan oklu̱ha imaiya nan isht i̱ nukkilli chinto ka isht a hʋhlihinchi hoke.

Nan Otʋni 2:16

Ile kostininchí; yʋmmak keyukma chekosi fehna chim a̱ya lish, okla yʋmmak oka bʋshpo falaia sʋtih a kohcha hatuk ma ont isht itibi la he mak oke.