Chan 8:44 - Chahta Holisso Holitopa 1886

⁴⁴ Setan hʋch i̱ki ak o̱ hʋsh a toba hatuk osh, hʋch i̱ki nana ai‐ahni kak o̱ ai yohma hi a̱ hʋchim anukfilʋshke; yʋmmak okʋt ʋmmona kash inli ho̱ hatak ʋbi a tok; micha ilap ak osh nan aia̱hli kʋt anukfo̱ka keyu hatuk osh, nan ai a̱hlika ya̱ a hikia keyu hoke. Holabit anumpuli kʋt ai immi ka mak okʋt anumpuli hoke; ilap ak osh holabi yokʋt anonti na‐holabi i̱ki mak oke.

Chan 8:44 Iomraidhean Croise

Genesis 3:15

Mikma chishno, micha ohoyo hash micha chishtaiunchololi micha ohoyo ishtaiunchololi aiena ka̱ hʋch itin tanampichi la chi̱ hoke: yʋmmak okʋt chi noshkobo ha̱ litolikma, chishno mʋt iyi̱kotoba ya̱ ish litola hi oke, im achi tok.

1 Mi̱ko 22:22

Mihma Chihowa ʋt, Nanta ho̱ isht ish yʋmihchi hosh? achi ma, Kohchʋt ia likmʋt, shilombish holabi yosh i̱ hopaii ʋhleha moma ka, itih ha̱ foyuka lashke, achi tuk oke. Mihma Chihowa ʋt, Ish nukfohki cha, ish imaiya ak inla chi̱ hoke; kohchʋt ish ia cha, ish yʋmohmashke, achi ho̱, pisa li tuk oke, achi tok.

Mahlu 12:34

Sinti chilita isht‐ai‐unchululi hʋchia ma! ai ʋlhpiesa keyu hʋchia kʋt, katiohmi hosh nana achukma puta ka hʋsh anumpula hinla cho? chu̱kʋsh a̱ alotowak mak o̱, itih hʋt kohchit miha chatuk oka.

Mahlu 13:15

Okla ilʋppa chu̱kʋsh atuk mʋt niʋt taiyaha, mihma haksobish a̱ isht haponaha̱klo kʋt in takobi mʋt, nishkin atuk ma okla okhishtʋshke; yʋmmak keyukmʋt nitak kaniohmi kia nishkin atuk ma isht pisʋt, haksobish a̱ isht haklo cha, chu̱kʋsh ma isht akostininchit ilekostininchi na hlakofichi la hinla kak o̱, yohmi achi tok a̱ okla ilʋppak o̱ ont isht aia̱hli hoke.

Mahlu 13:38

Osapa ʋt yakni moma kak oke: nihi achukma yʋt ʋba apehlichika im ʋlla ak oke; amba haiyu̱kpulo ʋto nan okpulo im ʋlla ak oke.

Chan 6:70

Chisʋs ash ot, Auah‐tuklo ho̱ hʋchi atokoli li tok o̱, hʋsh achʋfona kʋt nan‐isht‐ahullo okpulo yo̱ chia keyu̱? im achi tok.

Chan 7:17

Hatak nana hosh, yʋmmʋt nana ai ahni tok mak o̱ ahninchit yʋmihchi hokmʋt, nan‐isht‐ithʋnanchi ka Chiho wa ak o̱ a minti hokmá, keyukmʋt peh ʋno ahni li hosh anumpuli li hokmá, nana hatuk ma akostinincha hi oke.

Chan 8:38

A̱ki a̱ ai iba pi̱sa li tok mak osh ʋno ʋt nana ka isht anumpuli li hoke; mihma hʋchishno ʋt hʋch i̱ki a̱ hʋsh ai iba‐pi̱sa tok mak osh a hʋchi yʋmohmishke, im achi tok.

Chan 8:41

Hʋch i̱ki ʋt nana a kaniohmi tok mak o̱ hʋsh yʋmohmishke, im achi tok. Mihma, I̱ki, ishki ita tuklo kʋt ai ʋlhpesa keyu ho̱ a toba hosh il ʋtta tok keyu: Pi̱ki ʋt achʋfa, Chihowa ak oke, im achi tok.

Chan 8:55

Yohmi kia hʋchishno ʋto yʋmma hʋch ik ithanoshke; amba ʋno ʋto yʋmma ithana lishke; yohmi kʋt yʋmma ak ithano hoke; achi li hokmʋt, holabi hʋchishno akinli ho̱ chohmi la chi̱ hoke; yohmi kia yʋmmak oka ithana li mʋt, nana ahanchi ka holitobli lishke.

Apostel isht Anumpa 13:10

Mihma, Na haksichi, micha nan ik ai ʋlhpeso aiena banot isht alotowa, nan isht ahullo okpulo ushi, ahopoyuksa oklu̱ha in tʋnʋp ma! Chitokaka i̱ hina ai a̱hli puta okpʋni kʋt, ish issa he keyu cho?

Apostel isht Anumpa 24:9

Mihma Chu ʋhleha hak kia pit ataklammʋt nana kash yʋmmʋt yohmi tok oka, ahanchi tok.

Apostel isht Anumpa 5:3

Yohmi ma Pita yashot, Ananaiʋs, nanta katiohmi ho̱ Shilombish Holitopa ya̱ ish i̱ holabi cha, osapa isht ʋlhtoba tuk a̱ kashʋblit ish i̱sha chi̱ ka, Setan ʋt chi chu̱kʋsh a̱ anukfohki tok oh cho?

2 Kolinhlian 11:3

Yohmi tuk kia sinti okʋt ilap kostini pulla kak osh If a̱ haksichi tok a̱, chohmit na hʋchim anukfila hash ot shanaia na nan anukfilli apissali achʋfa, yʋmmʋt Klaist ak o̱ ai achʋfa yash o̱ hʋsh i̱ filʋmma hinla ka, sa nukshohumpa hoke.

1 Pita 5:8

Ahah! ahnit, hʋchi o̱kchashke, hʋchi̱ sanali nan isht ahullo okpulo yʋt kʋna kia isht nanʋbli bʋnna kʋt, hoho̱yot, koi chito woho̱ha chiyuhmi hosh noho̱wa hoka.

2 Pita 2:4

Yohmi ka Chihowa yʋt enchil ʋhleha hʋt nan ashʋchi ma ik il atombo hosh, amba ai okhlilika tʋli itatakʋli isht takchi cha, ai okpuloka ya̱ pit ashachi kʋt yʋmma ai asha na nan ʋlhpisa hi ʋt ai ona hi a tokma;

1 Chan 1:8

Nan ai ashʋchika yʋt ik pim iksho, il achi hokmʋt, peh il ile haksichi: micha nan ai a̱hlika yʋt pi anukfoyuka keyu mak oke.

1 Chan 2:21

Nan ai a̱hlika ya̱ hʋch ik ithano hatuk o̱, pit hʋchi̱ holissochi li ho̱ keyu, amba yʋmma micha holabi hʋt achʋfona kia nan ai a̱hlika ya̱ ahalaia keyu aiena ka hʋsh ithana kak atuk oke.

1 Chan 2:4

Kʋna hosh yʋmma ithana li, achi hosh, anonti im anumpa ʋlhpisa ya̱ holitobli keyu hokʋto, holabi; micha nan ai a̱hlika yʋt anukfoyuka keyu mak oke.

1 Chan 3:12

Nan okpulo a̱ ai ibai achʋfa cha, itibapishi ha̱ ʋbi tok Ken ak okʋno ke chohmo kashke. Micha nanta katiohmi ho̱ yʋmma ʋbi tok o̱? Ilapo nana a kaniohmi kʋto ai ʋlhpiesa keyu ma, itibapishi hʋto ai ʋlhpiesa kak a tok oke.

1 Chan 3:15

Kʋna hosh itibapishi ha̱ i̱ nukkilli kʋt, hatak ʋbi yoke: yohmi ka hatak ʋbi nana hak osh okcha̱yʋt bilia yʋt anukfoyuka keyu ka hʋsh ithanʋshke.

Chute 1:6

Micha enchil ʋhleha hokʋt a toba ʋmmona tok ash inli ai ahanta keyu hosh, amba ilap ai ahanta kash issa tok puta hokʋno, ai okhlilika chinto tʋli itatakʋli isht talakchit bilia hosh nitak chinto nan ai ʋlhpisa ka ona he im ai ahni hoke.

Nan Otʋni 12:9

Mihma sinti chilita chinto, sinti sipokni, nan isht ahullo okpulo, micha Setan achi chatuk, yʋmmak osh yakni moma ka yoshubli chatuk mak o̱ yʋmma a kohchi tok, atuk o̱ aka pilla ho̱ yʋmmak ash ot pit itola tok; mihma im enchil ʋhleha hash ot apehʋt pit kaha tok.

Nan Otʋni 13:14

Yohmi hatuk osh yʋmmak ash ot nan im ai a̱hlit nampoa nukshopa itikba ya̱ na fehna puta ka a yʋmihchi kak osh yakni pakna ai asha puta ka yoshublihinchi mʋt; bʋshpo falaia isht baha tok kia, anonti okcha̱ya tok nampoa nukshopa yʋmma na‐holbachit okla im ikba chi̱ ka, yakni pakna ai asha ʋhleha ha̱ im ahanchi hoke.

Nan Otʋni 2:10

Nana kʋt isht chi ai ilbʋsha he puta a̱sha ka chik i̱ komunto kashke. Yakeh! hʋsh kanima ka hʋch imomaka pisa chi̱ ka, Setan ʋt aboha kʋllo a̱ hʋchi apitta he; yohmikma nitak pokoli ho̱ na palʋmmi hʋsh pisa chi̱ hoke: ai a̱hlit ma̱ha̱yʋt ont chillashke; yohmikma iachuka okcha̱ya yo̱ chima la he mak oke.

Nan Otʋni 21:8

Amba na nukshopa, micha nan ik yimmo, i̱ yuwala he ʋlhpesa kia yʋmihchi, mikmʋt hatak bi̱ka ʋbi ʋhleha, haui ʋhleha, mikmʋt ikhi̱sh isht yushpakʋmmi ʋhleha, na holbʋt toba aiokpʋchi ʋhleha, holabi puta a moyuma hokʋto atukla illi mak osh okhʋta yʋmmak okʋt hituk lakna isht ita luhu̱wa ho̱ isht ai i̱ palʋmma chi̱ hosh im ʋlhpisa he mak oke, ʋm achi tok.

Nan Otʋni 22:15

Akochanli yak okʋno ofi, ikhi̱sh isht yushpakʋmmi, haui, hatak bi̱ka ʋbi, na holbʋt toba aiokpʋchi; mikmʋt kʋna kia il imi̱ holabichi kʋt isht im achukma a moyuma kak osh ai asha yoke.

Nan Otʋni 9:11

Mihmʋt i̱ mi̱ko ʋt binili tok: yʋmmʋt chiluk hofobi ont ai ʋhli iksho a̱ im enchil mak a tok: yʋmmʋt Heblu anumpa hokma Abatton hohchifo ma, amba Klik anumpa hokʋno hohchifo kʋt Apolyon oke.