Chan 8:4 - Chahta Holisso Holitopa 1886

⁴ Nan‐ithʋnanchi ma! ohoyo ilʋppʋt luma̱kʋt anta, ai yakohmi fehnʋt haiaka na ishi tuk oke.

Chan 8:4 Iomraidhean Croise

Lefitikʋs 20:10

Micha kʋna hosh hatak tekchi yo̱ itin luma̱ka tuk, chuka a bili̱ka hatak tekchi itin luma̱ka yash itin luma̱ka hatak, micha itin luma̱ka ohoyo aiena kʋt illi pulla hi oke.

Mahlu 1:19

Yohmi ma i̱ hatak Chosef ʋt hatak achukma hatuk osh, nana ʋlhpisa ʋt onʋtula hi a̱ ik ahno mʋt, lumʋt kancha hi ʋt im anukfila tok.

Chan 8:3

Mihma na‐holissochi ʋhleha, micha Falisi ʋhleha aiena kʋt, ohoyo hʋt luma̱kʋt anta tuk o̱, isht im ona tok; micha ai iklʋnna ka okla binilichi mʋt,

Chan 8:5

Yohmi ka Moses ʋt ilʋppa chohmi hokʋt tʋli isht boa hi o̱, nan‐ʋlhpisa ya̱ isht a pim apesa tok; yohmi ka chishno ʋto nantuk ish achi cho? im achi tok.

Tutelonomi 22:22

Hatak ʋt ohoyo i̱ hatak a̱sha yo̱ iba tʋshki na, pisakma, ita tuklo hosh illashke; ohoyo iba tʋshki tuk hatak ash: micha ohoyo hash ita tuklot illashke: yohmi hosh nan ik achukmo ya̱ Islael a̱ ai ishit ish kanchashke.

Nan Apesa 19:3

Mihma i̱ hatak ash osh wakaya mʋt, i̱ kanʋt im anumpulit falʋmminchit isht ʋla chi̱ hosh in tishu, micha issuba haksobish falaia tuklo aiena ho̱ ishi cha, hoyot ia tok: mihma ohoyo hʋt ilauelit i̱ki in chuka isht ona tok: mihma ohoyo i̱ki yash osh pisa mʋt, itafama kʋt nayukpa fehna tok.