Chan 8:21 - Chahta Holisso Holitopa 1886

²¹ Anonti Chisʋs ash ot, Kanima ia likma, hʋs sa hoyo kia, nan ai‐ashʋchika puta kak o̱ isht hʋchi ai illa hi oke: kanima yo̱ ai ona li ka, hʋchishno ʋto hʋsh ona he keyu, im achi tok.

Chan 8:21 Iomraidhean Croise

1 Mi̱ko 18:10

Chin Chitokaka Chihowa ʋt okcha̱ya pulla ka, a̱ shahli hʋt okla nana kia, micha apehlichika nana kia, pit ik chi a hoyo ka ikshoshke: micha, Yʋmma iksho, achi ma, mi̱ko apehlichika micha yakni kia ik chi ahayucho tuk ʋt, anumpa kʋllo il onochit miha he, im apihi̱sa beka tok.

Mahlu 23:39

Himak a̱ pilla ma, Hʋs sa pisa chi̱ keyu; amba, Chitokaka i̱ hohchifo ho̱ mihnti hokʋt holitopa mak oke, hʋsh acha chi̱ hok mak a hi oke, hʋchim achi lishke, im achi tok.

Mahlu 25:41

Yohmikmʋt ibbak ʋlhfʋbeka imma a̱sha tuk ash kia, Issikkopa he ʋlhpesa hʋchia hʋt, a̱ filʋmmit luak ataha iksho, Setan micha imi shilombish okpulo ʋhleha aiena im ʋlhtaha tok mak o̱, hʋsh ilhkolashke.

Mahlu 25:46

Yohmikma yakohmi kash osh ai issikkopa bilia mak o̱ pit ilhkola he, amba hopoyuksa yokʋto aiokcha̱yʋt bilia yo̱ ia hi oke.

Chan 12:33

Ai‐illi kaniohmi ho̱ isht illa he ak osh anoli hosh ilʋppa achi ha tok.

Chan 12:35

Mihma Chisʋs ʋt, Himonasi ta̱kla kak o̱ tohwikeli hʋt hʋch in takanli hoke. Tohwikeli hʋt hʋchin takanli ta̱kla kak osh hʋsh nowashke, yʋmmak keyukma okhlili hʋt hʋchi onʋtula hinla hoke. Kʋna hosh okhlili ho̱ nowʋt a̱ya hokʋto, kanima yo̱ ia kʋt ithana keyu hoke.

Chan 13:33

Chipota ʋhleha ma! chekosi takla kak o̱ hʋchi takla a̱sha lishke; yohmi ka hʋs sa hoya chi̱ hoke; Chu okla ha̱, Kanima yo̱ ai ia li hoka, hʋsh ona he keyushke, im achi li tuk mak osh anonti hʋchishno ma himonasi a̱ hʋchim achi lishke.

Chan 7:34

Hʋs sa hoyo kia, hʋch ik sa peso ka chi̱; mikmʋt kanima yo̱ ai ahanta likma, yʋmma hʋsh ai ona he keyu hoke, im achi tok.

Chan 7:36

Ilʋppak osh anumpa nanta mak o̱, Hʋs sa hoyo kia, hʋch ik sa peso ka chi̱; mikmʋt kanima yo̱ ai ahanta likma, vʋmma hʋsh ona he keyu hoke, achi tok.

Chan 8:24

Yohmi ka na hʋchim ai‐ashʋchika puta kak o̱ isht hʋchi ai illa hi oke, hʋchim achi li hokʋno; ʋno ak osh mih mak o̱ sia ka ik hʋchi yimmo hokmʋt, na hʋchim ai‐ashʋchika puta kak o̱ isht hʋchi ai illa hi oka, im achi tok.

Efeshan 2:1

Yohmi kʋt na yoshuba, micha nan ai ashʋchi isht hʋchi illi yatuk a̱, hʋchi okchalinchi tok oke.