Chan 8:12 - Chahta Holisso Holitopa 1886

¹² Mihmʋt Chisʋs ash ot anonti okla ha̱ im anumpuli mʋt, Ʋno ak osh yakni im a tohwikeli sia mak oke; kʋna hosh ʋno a̱ siakaiya hokʋt, ai okhlilika yo̱ a̱ya he keyu; amba ai okcha̱ya tohwikeli hʋt in takala he mak oke, im achi tok.

Chan 8:12 Iomraidhean Croise

Atʋloa 18:28

Chishno ʋt a̱ pʋla ha̱ ish pʋlali yokʋt: ʋm okhlili ka̱ a̱ Chitokaka Chihowa hʋt tohwikelichi yoke.

Atʋloa 49:19

I̱ki ʋhlehah okla hʋt tohwikeli ha̱ ik peso kʋmmohmi ho̱ billia chi̱ ka̱ iakkayʋt ia chi̱ hoke.

Atʋloa 97:11

Hʋttak ai ʋlhpiesa ya̱ tohwikeli hosh i̱ hullukchikma̱, na̱ yokpa yosh chu̱kʋsh ʋpissali ʋhleha ha̱ i̱ hullukchi hoke.

Mahlu 5:14

Yakni in tohwikeli hʋchia hoke. Tʋmaha chito yosh nʋnih chaha ai on talaia hokʋt luma he keyushke.

Chan 12:35

Mihma Chisʋs ʋt, Himonasi ta̱kla kak o̱ tohwikeli hʋt hʋch in takanli hoke. Tohwikeli hʋt hʋchin takanli ta̱kla kak osh hʋsh nowashke, yʋmmak keyukma okhlili hʋt hʋchi onʋtula hinla hoke. Kʋna hosh okhlili ho̱ nowʋt a̱ya hokʋto, kanima yo̱ ia kʋt ithana keyu hoke.

Chan 12:36

A tohwikeli hʋt hʋchin takanli ta̱kla kak osh a tohwikinli ʋlla hʋchia ha chi̱ kʋt, a tohwikeli ha̱ hʋsh i̱ yimmashke, im achi tok. Ilʋppak o̱ Chisʋs ʋt anumpohonli mʋt, ai i̱ filʋmmit kʋnia cha, ik i̱ haiako ki tok.

Chan 12:46

Kʋna hoh kia ʋno a̱ a̱ yimmi hokʋt ai‐okhlilika ya̱ ik ai ahanto ka chi̱ mak o̱, nan‐tohwikeli mak osh a̱yʋt yakni a̱ ʋla li ha tok oke.

Chan 14:6

Mihma Chisʋs ash ot, Ʋno ak osh hina, micha ai a̱hlika, ai okcha̱ya aiena sia mak oke: ʋno ak o̱ keyukma hatak nana hosh A̱ki a̱ im ai ona he keyu hoke.

Chan 3:19

Yohmi ka tohwikeli hʋt yakni a̱ ant iba chukowa ma, ilap nana a kaniohmi ai ʋlhpesa keyu hatuk okʋt, hatak ʋt ai okhlilika yak osh im ai achukma kʋt atohwikinli ka, im i̱ shahli, ilʋppak o̱ isht ai ilbʋsha he anumpa hʋt onʋtula hoke

Chan 7:17

Hatak nana hosh, yʋmmʋt nana ai ahni tok mak o̱ ahninchit yʋmihchi hokmʋt, nan‐isht‐ithʋnanchi ka Chiho wa ak o̱ a minti hokmá, keyukmʋt peh ʋno ahni li hosh anumpuli li hokmá, nana hatuk ma akostinincha hi oke.

Chan 9:5

Yakni a̱ ai ahanta li takla hokʋto, yakni a̱ in tohwikeli sia hoke, im achi tok.

Apostel isht Anumpa 13:47

Yakohmi ho̱ Chitokaka yʋt pim apihi̱sa mʋt, Okla nan ik ithano ʋhleha ya̱ ish in tohwikela chi̱, yakni ont ʋhli fullota kʋt isht ai okcha̱ya he mako̱, chi hilechi lishke; ahanchi tuk oke, achi tok.

2 Pita 2:17

Ilʋppʋt kʋli oka iksho puta, micha hoshonti ha̱ apeli ʋt isht a̱ya mak oke: yʋmmak okʋno okhlili chinto yak osh immit bilia hi osh takali hoke.

2 Pita 2:4

Yohmi ka Chihowa yʋt enchil ʋhleha hʋt nan ashʋchi ma ik il atombo hosh, amba ai okhlilika tʋli itatakʋli isht takchi cha, ai okpuloka ya̱ pit ashachi kʋt yʋmma ai asha na nan ʋlhpisa hi ʋt ai ona hi a tokma;

1 Chan 1:6

Yʋmmak oka pit il ibai achʋfa, il achi hosh, anonti ai okhlilika yo̱ il itʋnowa hokmʋt, e holabi; micha nan ai a̱hlika mʋno a pi yʋmohmi keyu hoke.

Chute 1:13

Okhʋta chito oka piakʋchit it ai ihi̱ssot, ilap isht ahofahya ya̱ pokpokit kohonchi; fochik yoshuba puta hoka ai okhlilika chinto yak osh yʋmmak okʋno immit bilia he im ʋlhpisa hoke.

Chute 1:6

Micha enchil ʋhleha hokʋt a toba ʋmmona tok ash inli ai ahanta keyu hosh, amba ilap ai ahanta kash issa tok puta hokʋno, ai okhlilika chinto tʋli itatakʋli isht talakchit bilia hosh nitak chinto nan ai ʋlhpisa ka ona he im ai ahni hoke.

Nan Otʋni 21:24

Yohmi ka oklushi puta yʋmmak okʋt okcha̱ya mak osh a tohwikeli ka ya̱ ai itʋnoho̱wa he; mikma yakni pakna a mi̱ko ʋhleha atukmʋt ilap im aholitopaka isht aiokpʋchi hosh ai ʋlʋshke.