Chan 7:7 - Chahta Holisso Holitopa 1886

⁷ Yakni ʋt hʋchishno yokʋno hʋchi̱ nukkilla he keyu: amba ʋno ʋto yʋmma nana a kaniohmi kʋt ai ʋlhpiesa keyu ka atokolit anoli li hatuk o̱, ʋno yokʋno a̱ nukkilli hoke.

Chan 7:7 Iomraidhean Croise

1 Mi̱ko 21:20

Mihma Ahab ʋt Elichah ya̱, An tʋnʋp ma! is si ahayuchi cho? achi tok. Mihma afalamichit, Chi ahayuchi lishke: ile kanchit Chihowa itikba ya̱ nana ik achukmo ka ish toksʋli hoka.

1 Mi̱ko 22:8

Mihma Islael i̱ mi̱ko ʋt Chehoshafat a̱, Hatak achʋfa hosh Imlah ushi Mikaiah ʋt anta momʋshke, yʋmmak o̱ Chihowa ya̱ ai il im a ponakla hinla hoke; yohmi kia isht i̱ yukpa li keyu hoke: nana ʋm anoli kʋt achukma keyu, amba ik achukmo kak o̱, ʋm anoli chatuk oka, achi tok. Mihma Chehoshafat ʋt, Mi̱ko ʋt yʋmma ik acho kashke, achi tok.

Atʋloa 109:5

Nan achukma i̱ yʋmi̱hi̱chi li kak o̱, nan ik achukmo ho̱ isht ʋtobbichit si onucchi cha, i̱ hullo li kak o̱ i̱ nukkilli isht ʋtobbichit si onucchi hoke.

Lefitikʋs 13:10

Mikma naholitompa isht ʋtta yʋt pisa hi oke, micha yakeh! shatali yʋt hakshup a̱ tohbi, micha hishi a̱ tohbichi, micha shatali yʋt okchushbʋt homma ho̱ pisakmʋt,

ʋBanumpa Luk Ʋt Holissochi Tok 6:26

Hatak moma kʋt ahninchit isht hʋchi anumpohonlikma, na hʋchi̱ palʋmmi mak oke: in tikba ʋhleha hʋt hopaii ilahobi puta ka yʋmmak inli ho̱ i̱ yʋmihchi tok oka.

Chan 17:14

Chim anumpa ha̱ ima li tuk oke: yohmi ma yʋmmak okʋt yakni a̱ ai immi keyu kʋt, ʋno ʋt yakni a̱ ai immi sia keyu kak inli ho̱ chohmi hatuk o̱, okla i̱ nukkilli hatuk oke.

Chan 3:19

Yohmi ka tohwikeli hʋt yakni a̱ ant iba chukowa ma, ilap nana a kaniohmi ai ʋlhpesa keyu hatuk okʋt, hatak ʋt ai okhlilika yak osh im ai achukma kʋt atohwikinli ka, im i̱ shahli, ilʋppak o̱ isht ai ilbʋsha he anumpa hʋt onʋtula hoke

Loman 8:7

Haknip nan ai ahni kak o̱ isht ahanta hokʋto Chihowa i̱ nukkilli yoka; yohmi kʋt Chihowa i̱ nan ʋlhpisa ya̱ im antia keyu, micha yohma hi o̱ keyu kamohmi mʋhlishke.

Kaleshan 4:16

Yʋmohmi ka a̱hli ho̱ hʋchim anoli li kak osh hʋchin tʋnʋp o̱ toba li cho?

Chemis 4:4

Hatak haui, ohoyo haui ʋhleha hʋchia hʋt yakni anushkunna hokʋto, Chihowa ha̱ in tanampi chatuk a̱, hʋch ik ithano cho? Yohmi hoka kʋna hoh kia yakni a̱ it i̱ kanʋt ahanta chi̱ mak okmʋt, Chihowa ha̱ in tʋnʋp oke.

1 Chan 4:5

Yʋmmak ash ot yakni ak o̱ ai ibai achʋfa; yohmi hatuk osh yakni ak o̱ isht anumpuli ma, yakni ʋt i̱ haponakloshke.