Chan 7:6 - Chahta Holisso Holitopa 1886

⁶ Mihma Chisʋs ash ot, Ʋno ʋt ia la he ai ʋlhpiesa kʋto ik ai ono ki̱sha hoke; amba hʋchishno ʋto hʋsh ia hi ʋt hʋchim ʋlhpiesa bieka hoke.

Chan 7:6 Iomraidhean Croise

Atʋloa 102:13

I̱ kana he ʋlhpiesa nittak, nittak ʋlhpisa yʋt ʋla hoka̱, ish wʋkaya cha Saion a̱ ish i̱ nukha̱klo hokbano!

Mahlu 26:18

Mihma yʋmmak ash osh, Iʋt tʋmaha ha̱ hʋsh onak mʋt, hatak yʋmmak o̱ hʋsh im ona cha, Nan ithʋnanchi ʋt, Nitak ʋt ʋm ai ona̱ hosishke: chin chuka ak o̱ nan ʋm ai ithʋna ʋhleha ha̱ pehlichit ʋbanʋblit‐ontia ya̱ a holitobli la chi̱ hoke, achi kano, hʋsh im achashke, achi tok.

Chan 13:1

Nan ʋbanʋblit ont ia ai‐impa holitopa kʋt ik ai ono ki̱sha ho̱, Chisʋs ʋt ilapʋt yakni ilʋppa ai issʋt, I̱ki a̱ im ia chi̱ hʋshi kanʋlli ʋlhpisa kʋt ai ona ka ithaiyana mʋt, immi hʋt yakni paknaka a̱sha ka i̱ hullo hatuk ʋt, yʋmma i̱ hullo kʋt imomʋt ont illi tok.

Chan 17:1

Anumpa ilʋppa puta ka Chisʋs ʋt anumpohonli mʋt, ʋba pit ʋba chakali cha, A̱ki ma! hʋshi kanʋlli ʋlhpisa yʋt ai onʋshke. Chiso ha̱ ish holitoblichi na anonti chiso mʋt chi holitoblichi akinlashke.

Chan 2:4

Chisʋs ash ot, Ohoyo ma! ʋno ʋt nanta isht a chi ahalaia li cho? hʋshi kanʋlli ʋm ai ʋlhpisa hʋt ik ai ono ki̱sha hoke.

Chan 7:30

Mihma okla ishi bʋnna tok; yohmi kia hʋshi kanʋlli isht ai im ʋlhpisa kʋt ik ai ono ki̱sha hatuk oka, hatak nana kia ibbak a̱ ik onocho ki tok.

Chan 7:8

Ai‐impa holitopa a̱sha ilʋppa hʋsh iashke; ʋno yokʋto ai ʋlhpesa kʋt ai ona fehna keyu ki̱sha hoka, ai‐impa holitopa a̱sha ilʋppa himonasi kʋno ia la chi̱ keyu hoke, im achi tok.

Chan 8:20

Anumpa ilʋppa Chisʋs ʋt tempel anu̱kaka ya̱ nana ai ithʋnanchi hosh ahantʋt, tʋli holisso abohli yo̱ hiki̱a hosh anumpuli tok: hʋshi kanʋlli isht ai im ʋlhpisa kʋt ik ai ono ki̱sha hatuk o̱, hatak nana kia ibbak a̱ ik onocho ki tok.

Apostel isht Anumpa 1:7

Mihma, Nitak, micha afʋmmi puta ka, I̱ki ʋt ilapo ibbak akinli ho̱ fohkit ieshi ka hʋsh ithana ʋlhpesa keyu hoke.