Chan 7:51 - Chahta Holisso Holitopa 1886

⁵¹ Nan ʋlhpisa pin tonla kʋt hatak a̱ ai i̱ haponaklot, nana ho̱ a kaniohmi hatuk ma ai akostininchi keyu ki̱sha kʋt, nan im apesa chatuk oh cho? im achi tok.

Chan 7:51 Iomraidhean Croise

Eksotʋs 23:1

Anumpa ik a̱hlo ya̱ ish aiokpʋcha he keyu; hatak yoshuba chibbak isht ish iba potolit ai ʋlhpesa keyu atokoli chik tobo kashke.

Numbas 35:30

Kʋna hosh hatak ʋbikmʋt nishkin pi̱sa itih pulla ho̱ hatak ʋbi ʋt illa hi oke: amba witness achʋfa hosh hatak nana ho̱ i̱ sanalit atokoli na illa he keyu hoke.

Apostel isht Anumpa 23:3

Mihma Pal ash ot, Chihowa yʋt chishno ak o̱ chissa chi̱ hoka, holihta kʋllo tohbi chia ka; nan ʋlhpisa yo̱ nan isht ʋm ai apesa chi̱ hosh ish a̱sha mʋt, anonti nan ʋlhpesa ya̱ ai ʋlhpesa keyu ka, sʋssa hi a̱ ish miha cho? im achi tok.

Tutelonomi 1:17

Nan apesa kʋt, hatak yohmi hoka, ish ahna he keyu hoke: amba chipunta kak kia hochito ka̱ iti lauechit hʋsh i̱ haponaklashke; hatak nashuka ya̱ hʋchik i̱ nukshopo kashke; nan im apesa yʋt Chitokaka immi hoka; atuk osh nana kʋt hʋchi̱ kʋllo fehnakmʋt, isht hʋs sʋm ala na, ʋno ak osh haponaklo lashke, im achi li tok.

Tutelonomi 17:6

Witnes tuklo, keyukmʋt tuchina kanima hosh anoli ho̱, illa he ʋlhpesa kʋt illashke, amba witnes achʋfa hosh anoli ho̱, illa he keyu hoke.