Chan 7:4 - Chahta Holisso Holitopa 1886

⁴ Ilapo ʋt otʋni achukmʋt annoa hi a̱ ahni hokʋt, hatak ʋt ai aluma̱ka ho̱ nana ka yʋmihchi chatuk ʋt iksho hoke. Ilʋppak oka a chi yʋmohmi mʋhli chatuk okmʋt, yakni a̱ ish il ai im otʋninchashke, okla im achi tok.

Chan 7:4 Iomraidhean Croise

1 Mi̱ko 22:13

Mihma anumpa shali Mikaiah i̱ howa tuk ʋt, ont im anumpuli mʋt, Yakeh! himak a̱ hopaii ʋhleha im anumpa hʋt, itih achʋfʋt achukma ho̱ mi̱ko ya̱ im anolishke: chim asilhha lishke; chim anumpa hʋt yʋmma ai achʋfa im anumpa tuk a̱ chohmashke, micha achukma ho̱ ish anumpulashke, achi tok.

Mahlu 23:5

Amba nana a kaniohmi puta kʋt, hatak ʋt pi̱sa chi̱ kak o̱, yʋmohmi hoke: i̱ failaktili ya̱ okla hopʋtkʋlli mʋt, anonti im anchi aposhokʋchi ma hofalohli chatuk,

Mahlu 4:6

Mihmʋt, Chihowa Ushi chia hokmʋt, aka pit ish ile pilashke; chi apesahancha chi̱ ka im enchil ʋhleha ha̱ atohno na ibbak a̱ isht ʋba takalihinchit chisht a̱ya na nitak kaniohmi kia chiyi ya̱ tʋli isht chik ai isso ka hi a̱, holisso tok oka, im achi tok.

Mahlu 6:16

Yohmikmʋt anonti, nana hʋsh hullochi kʋt nashuka ilapissa, nan ilahobi ʋhleha hoka hʋch ik chohmo kashke; yʋmmak okʋto na hullochi kʋt hatak puta im otʋna chi kʋt, nashuka ya̱ ilapissachi chatuk oka. A̱hli mak o̱ hʋchi̱ miha lishke, yʋmmak okʋto im ʋlhtomba hoke.

Mahlu 6:5

Micha ʋba pit ish anumpuli hokʋt, nan‐ilahobi ʋhleha hokʋno chik chohmo kashke; yʋmmak okʋto, hatak ʋt pisa chi̱ ka, sinakak anu̱kaka, ai itʋnowa ai itai okhʋnkʋchi aiena kak o̱ hiohma̱yʋt ʋba pit anumpuli kak osh im achukma chatuk oka; a̱hli mak o̱ hʋchim achi lishke, yʋmmak okʋto im ʋlhtomba chatuk oke.

ʋBanumpa Luk Ʋt Holissochi Tok 6:45

Hatak achukma yʋt chu̱kʋsh a̱ nana achukma kʋt i̱ fo̱ka hatuk osh, nana kʋt achukma ho̱ ai ishit kohonchi chatuk: mikma hatak ʋlhpesa keyu kʋto chu̱kʋsh a̱ nana okpulo yosh i̱ fo̱ka hatuk osh, nana kʋt ʋlhpesa keyu ho̱ ai ishit kohonchi chatuk: chu̱kʋsh ʋt isht alotowakmak o̱ itih hʋt kohchit anumpuli chatuk oke.

Chan 18:20

Chisʋs ʋt afalaminchi mʋt, okla puta ka ai im otʋni achukma hosh anumpohonli li hatuk; Chu okla hʋt ai itʋnaha bilia sinakak, micha tempel aiena yʋmmak o̱ nana ai ithʋnanchi li chatuk; yohmi kʋt luma chohmi hokʋto nana ak achoshke.

Chan 7:3

Yohmi hatuk o̱ i̱ kanomi ʋhleha hʋt yʋmmak ash o̱, Ilʋppa issʋt iʋt, Chutea yakni yak o̱ ish ona na nan chim ai ithʋna ʋhleha hak kia na‐fehna puta ish ai yʋmihchi ka pisashke.

Chan 7:5

I̱ kanomi ʋhleha hak kia ik i̱ yimmo hatuk osh.