Chan 7:16 - Chahta Holisso Holitopa 1886

¹⁶ Chisʋs ʋt afalaminchi mʋt, Nan isht ai ithʋnanchi li kʋt ʋno ʋmmi ho̱ keyu, amba auet sa kanchi tok ak o̱ immi hoke.

Chan 7:16 Iomraidhean Croise

Chan 14:10

Ʋno ʋt A̱ki ibai acha̱fa likma, anonti A̱ki ʋt ʋno a̱ a sʋbai acha̱fa ka ik chi yimmo cho? anumpa hʋchim anumpohonli li kʋt ʋno akinli ʋm anukfila hosh anumpuli li keyushke; amba A̱ki sʋbai acha̱fa yʋmmak osh nana ka ai yʋmihchi hoke.

Chan 14:24

Ʋno a̱ a̱ hullo keyu hokʋto, ʋm anumpa ha̱ ik holitoblo hoke; micha anumpa ilʋppa hʋsh haiyaklo ka ʋm anumʋa keyu, amba auet sa kanchi tok A̱ki ak o̱ immi hoke.

Chan 17:14

Chim anumpa ha̱ ima li tuk oke: yohmi ma yʋmmak okʋt yakni a̱ ai immi keyu kʋt, ʋno ʋt yakni a̱ ai immi sia keyu kak inli ho̱ chohmi hatuk o̱, okla i̱ nukkilli hatuk oke.

Chan 17:8

Anumpa is sʋma chash yʋmmak o̱ ima li ho̱kʋno; mihma yʋmma okla aiokpʋchi mʋt, ʋno ʋt chishno ak o̱ a chi a minti li hatuk a̱, okla akostininchi, micha chishno ak osh auet is sa kanchi tok aiena ka okla yimmi hatuk oke.

Chan 3:11

A̱hlishke, a̱hli mak o̱ chim achi lishke, Nana ka il ithana mak osh il anumpuli: mikmʋt e pi̱sa tuk mak osh atokolit il anoli hoke; yohmi ka nana atokolit il anoli ka ik hʋchi yimmoshke.

Chan 3:31

Ʋba ya̱ a minti yʋmmak okʋto moma ka i̱ shahli hoke: yakni yak o̱ a minti hokʋto yakni yakinli; mikmʋt yakni yak o̱ ai isht anumpuli hoke; ʋba ya̱ a minti yʋmmak okʋto moma ka i̱ shahli hoke.

Chan 5:30

Ʋno akinli hokʋto nana ho̱ kaniohmi la he keyu; nana ka haklo lik mak osh apesa li; yohmi kʋt ʋno ʋm anukfila ho̱ hoyo li keyu, amba A̱ki auet sa kanchi tok im anukfila ak oka, nan apesa li kʋt ai ʋlhpiesa hoke.

Chan 6:44

Hatak nana kia ʋm ʋla he keyʋ, amba auet sa kanchi tok A̱ki ak osh halʋlli hok mak a hi oke: mikma nitak ont ishtaiyopikma falaminchit tanichi la hi oke.

Chan 8:28

Mihma Chisʋs ash ot, Hatak Ushi a̱ ʋba hʋsh takalichi hok mak osh, ʋno ʋt mih mak sia hatuk; micha ʋno akinli ʋm anukfila hosh nanasi ka ai yʋmohmi li keyu; amba A̱ki ak osh nan sʋthʋnanchi tuk mak o̱ ilʋppa puta ka anumpuli li hatuk a̱ hʋsh akostinincha hi oke.

2 Chan 1:9

Kʋna hosh ashahanchi cha, Klaist im anumpa anukfoyukʋt a̱ya keyu hokʋto, Chihowa ya̱ pit ai ibai achʋfa ho̱ keyu hoke. Kʋna hosh Klaist im anumpa ha̱ afoyukʋt a̱ya hokʋto, mihi yosh I̱ki, micha Ushi aiena ka pit ai ibai achʋfa hoke.

Nan Otʋni 1:1

Chisʋs Klaist nan isht otʋninchi yʋmmak oka Chihowa hʋt ima na in chekosikma nana a kaniohmi pulla chi̱ ka, in tishu ʋhleha ha̱ im otʋnincha hi a tok; atuk o̱ yʋmmak ash osh im enchil ak o̱ pit chʋffichi hosh in tishu Chan a̱ nan it apesa hosh im anoli tok.