Chan 7:12 - Chahta Holisso Holitopa 1886

¹² Mihmʋt kanimi kʋt, Yʋmmʋt hatak achukma hoke, achi ma, inlaka yokʋto, Keyu, amba okla ha̱ haksichi yoke, achi hatuk o̱ yʋmmak ash lumasit isht anumpulit, ilap bi̱ka itachowa fehnʋt ma̱ya tok.

Chan 7:12 Iomraidhean Croise

Mahlu 10:25

Nan‐ithʋna yʋt nan‐ithʋnanchi ya̱ itila̱u̱ikma, anonti tishu hʋt i̱ shahli hatuk ma itila̱u̱ikmak osh im ʋlhpesa hoke. Chuka‐chʋfa pehlichika ya̱ Beelsebʋb okla hochifo tuk ʋt in chuka‐chʋfa ya̱ i̱ shahlichi kʋt katiohmichi hosh hochifa hinla cho?

Mahlu 21:46

Yohmi kia yʋmmak oka hopaii ak o̱ okla ahni hatuk oka, yʋmmak ash o̱ iti̱ hoklit ishi bʋnna tuk kia okla chito ak o̱ i̱ nukshopa tok.

Mahlu 27:63

Pi̱ shahli ma! na haksichi yʋmmʋt okcha̱ya momʋt ahanta mʋt, Nitak ont atuchinakma falamʋt tani la hi oke; achi tok a̱ il ithaiyanʋshke.

ʋBanumpa Luk Ʋt Holissochi Tok 18:19

Mihma Chisʋs ʋt yʋmmak ash o̱, Na katihmi ho̱ ʋno a̱ achukma is si achi cho? achukma kʋt iksho ho̱, amba achʋfa kak illa, yʋmmʋt Chihowa ak oke.

ʋBanumpa Luk Ʋt Holissochi Tok 23:47

Mihma nana kʋt ai yʋmohmi na Sintulion ʋt pisa mʋt, Ilʋppʋt hatak a̱hli achukma yatuk o̱ pulla mʋhlishke, achit Chihowa ya̱ holitoblichi tok.

ʋBanumpa Luk Ʋt Holissochi Tok 23:50

Mihma hatak ʋt Chosef hohchifo nan‐apesa, micha hatak aia̱hli achukma hosh anta tok.

ʋBanumpa Luk Ʋt Holissochi Tok 6:45

Hatak achukma yʋt chu̱kʋsh a̱ nana achukma kʋt i̱ fo̱ka hatuk osh, nana kʋt achukma ho̱ ai ishit kohonchi chatuk: mikma hatak ʋlhpesa keyu kʋto chu̱kʋsh a̱ nana okpulo yosh i̱ fo̱ka hatuk osh, nana kʋt ʋlhpesa keyu ho̱ ai ishit kohonchi chatuk: chu̱kʋsh ʋt isht alotowakmak o̱ itih hʋt kohchit anumpuli chatuk oke.

ʋBanumpa Luk Ʋt Holissochi Tok 7:16

Mihma okla moma ka nanukshopa kʋt ai anukfoyuka tok: mihmʋt Chihowa ya̱ holitoblichit aiokpahanchit, Hopaii chinto kʋt pitintakla ya̱ a tobʋt hikiʋshke; micha Chihowa yʋt im okla ha̱ i̱ nowʋt a̱yʋshke, okla achi tok.

Chan 6:14

Yohmi ma Chisʋs ʋt na‐fehna ho̱ yʋmihchi na okla pisa mʋt, Ilʋppak osh hopaii yakni ilʋppa ʋla he tuk mak o̱ pulla mʋhlishke, achi tok.

Chan 7:32

Okla hʋt lumasit yakohmichit yʋmma isht anumpulit ma̱ya ka, Falisi ʋhleha hʋt haklo tok; micha Falisi ʋhleha, mikmʋt na‐holitompa isht a̱sha pehlichi ʋhleha aiena kash ot yʋmmak ash isha chi̱ ka, tishu ʋhleha ha̱ pit tihleli tok.

Chan 7:47

Mihma Falisi ʋhleha hash ot afalaminchi mʋt, Hʋchishno ak kia hʋsh i̱ haksi hotuma?

Chan 7:52

Mihma okla afalaminchi mʋt, Chishno ak kia Kalili hatak chia hatuk o̱? achukmalit hoyot pisá: hopaii ʋt Kalili yakni a̱ ai ʋttʋt kohchʋt a̱ya hi ʋt iksho hoka, im achi tok.

Chan 9:16

Yohmi hatuk o̱ Falisi ʋhleha kanimi kʋt, Hatak yʋmmʋt nitak hullo nitak a̱ holitobli keyu hokʋt, Chihowa ak o̱ a minti keyushke, achi tok. Inlaka yokʋto, Hatak ʋt nan ashʋchi atuk ʋt katiohmi hosh na‐fehna puta yakohmi ka yʋmihcha hinla cho? achi tok: yohmi mʋt ilap bi̱ka okla ai ita kashapʋt ma̱ya tok.

Apostel isht Anumpa 11:24

Yʋmmak okʋt hatak achukma hosh, Shilombish Holitopa, micha ayimmika aiena kʋt anukfoyuka fehna hatuk oka; yohmi ma okla hʋt la̱wʋt Chitokaka ya̱ iba kaha tok.

Loman 5:7

Yohmi ka hatak ʋlhpesa yak ok mak o̱ kanima kʋt ʋlhtobʋt illa he keyu chiyuhmi; amba hatak achukma yokʋno kaniohmi kʋt ʋlhtobʋt illi kʋt ik nukwiyo ka hinla chishke.

Filippian 2:14

Nana moma ka ik ahninchot na miha keyu, micha anumpa ita chowa mʋt iksho ho̱ hʋsh yʋmihchashke.