Chan 7:1 - Chahta Holisso Holitopa 1886

¹ Nana kʋt ai yakohmi ha ya, Chisʋs ʋt Kalili yakni ak o̱ ahanta tok: Chu okla hash osh yʋmmak ash ʋbi ka bʋnnʋt ma̱ya hatuk o̱, Chu i̱ yakni yokʋno ahanta he ik ahno ha tok.

Chan 7:1 Iomraidhean Croise

Mahlu 10:23

Yohmi kia tʋmaha chito ilʋppa a hʋch issikko palikma, yihlepʋt inla yo̱ hʋsh onashke. A̱hli mak o̱ hʋchi̱ miha lishke, Islael okla in tʋmaha puta ka hʋch ik hlopullo ki̱sha ho̱, Hatak Ushi yʋt ʋla hi oke.

Mahlu 21:38

Yohmi tuk kia hatak na pilesa ʋhleha hash osh ushi ash o̱ pisa mʋt, Ilʋppak osh immi mak oke: kiloh ʋbi cha, immi yatuk a̱ kiloh ai ishí, ilap bi̱ka it im achi tok.

Mark i̱ Holisso 11:18

Mihma na‐holissochi ʋhleha, micha na‐holitompa isht a̱sha pehlichi ʋhleha aiena kʋt haklo mʋt, okla ak osh momʋt, yʋmmʋt nan isht im abʋchi ka ai im anukhlakancha hatuk o̱ i̱ komunta mʋt, kanimihchit ʋbi ka ahni tok.

Chan 1:19

Mihma yʋmmak ash o̱, Kʋta chia hoh cho? achit ont i̱ ponakla chi̱ ka, Chu okla hʋt na‐holitompa isht a̱sha, micha Lefait okla aiena ka Chelusalem a̱ a kohchit pit tihleli na Chan ʋt atokowa anoli tok a̱ ilʋppak oke.

Chan 4:3

Chutea yash issʋt Kalili yash inli ho̱ anonti ia tok.

Chan 4:54

Chisʋs ʋt Chutea ya̱ a kohchʋt a̱yʋt Kalili a̱ ʋlʋt, anonti na‐fehna ka ai yimihchi kʋt ilʋppʋt ont atu̱kla ha tok oke.

Chan 6:1

Nana kʋt ai yakohmi ha ya, Chisʋs ash ot Kalili okhʋta, yʋmmʋt Tibelias okhʋta ho̱ pit tanʋbli tok.

Chan 7:11

Yohmi ma Chu okla hʋt yʋmmak ash ai‐impa holitopa a̱sha ka hoyot, Mih mʋto katima yak o̱ hikia cho? achi tok.

Chan 7:13

Yohmi kia Chu okla ha̱ i̱ nukshopa hatuk osh, hatak nana kia haiakʋchit yʋmma isht anumpuli kʋt iksho ki tok.

Chan 7:19

Moses ʋt ʋba‐nan‐ʋlhpisa ya̱ hʋch ima tok keyu ho̱? a tok ak o̱ hʋchi achʋfona kia ʋba‐nan‐ʋlhpisa mʋno hʋch ik holitobloshke. Nanta katiohmi ho̱ sʋbi bʋnnʋt hʋsh itʋnowa cho?

Chan 7:25

Mihma Chelusalem a̱ a̱sha tuk ʋt kanimi kʋt, Okla ʋbi bʋnnʋt ma̱ya beka tuk a̱ ilʋppak osh mih mak o̱ keyu̱?

Chan 7:35

Mihma Chu okla hash osh ilapo bi̱ka it im achit, Katima ko̱ ia chi̱ hokak o̱, keho pesa ka chi̱ hoh chishba? ita‐timimpʋt Chentail okla ibʋlhkahʋt a̱sha hak o̱ im a̱yʋt, Chentail okla ha̱ nan ithʋnancha chi̱ ho̱?

Chan 8:37

Eblaham ak o̱ isht atiaka hʋchia hokʋno hʋchim ithana li; yohmi kia ʋm anumpa hak osh hʋchi chu̱kʋsh a̱ ai anukfoyuka keyu kak o̱, sʋbi hʋchi bʋnnʋshke.

Chan 8:40

Amba Chihowa ya̱ nana ai im a haponaklo li tuk ʋt nan ai a̱hlika mak o̱ hatak hʋchim anoli li ka, sʋbi hʋchi bʋnnʋshke; Eblaham ʋt ilʋppa yakohmi tok keyu hoke.

Apostel isht Anumpa 10:38

Kaniohmit Chihowa yʋt, Chisʋs Nasalet ai ʋtta ya̱ Shilombish Holitopa, micha nan isht im ai a̱hlika aiena ka isht ahʋmmichi tok; Chihowa yʋt awant a̱ya hatuk o̱, yʋmmak ashot nan achukma ka isht ahanta, micha nan isht‐ahullo okpulo isht ilbʋsha ʋhleha ya̱ mominchit hlakofichit noho̱wa tok, hʋsh ithaiyanʋshke.