Chan 6:7 - Chahta Holisso Holitopa 1886

⁷ Mihma Filip ash ot afalaminchi mʋt, Pʋska yʋt iskʋli tahlepa tuklo ʋlhtoba mak osh, momʋt iskʋtinosi aiyuka ho̱ isha hinla kia, ʋlhpesa he keyushke, achi tok.

Chan 6:7 Iomraidhean Croise

2 Mi̱ko 4:43

Mihma in tishu hʋt, Nanta̱? ilʋppa hatak tahlepa achʋfa ka itikba talali la hinla cho? achi tok. Mihma, Okla ha̱ ish ima na ʋpashke; Chihowa yʋt yak achi hoka, Okla impa cha, ashanchashke, achi tok.

Mahlu 18:28

Yohmi tuk kia tishu yʋmmak ash inli kʋt kohchʋt ia mʋt, tishu ilapa ai itilaui yʋt achʋfa hosh, aheka iskʋli tahlepa achʋfa hosh in takanli hatuk a̱ ont pisa tok: mihmʋt yʋmmak ash o̱ hoklit ishi cha, nuktihliffi mʋt, Aheka chin takali kʋt is sʋm atobbashke, achi tok.

Mark i̱ Holisso 6:37

Mihma, afalaminchi mʋt, Ilimpa ha̱ oh ipetá, im achi tok. Mihma, Iʋt pʋska iskʋli tahlepa tuklo ai ʋlbi o̱ ont e chumpa cha, ilimpa ha̱ il ipeta chi̱ hoh cho? im achi tok.

Chan 1:43

Atuk osh ont onna ka Chisʋs ʋt Kalili a̱ ia hi atuk osh Filip a̱ pisa mʋt, Is siakaiyashke, im achi tok.

Chan 1:44

Filip ʋt Antilu, micha Pita ita‐tuklo in tʋmaha Betsaita yak o̱ ai ʋtta ya tok.

Chan 1:45

Filip ʋt Nahlanael a̱ pisa mʋt, Chisʋs Nasalet ʋtta, Chosef ushi, yʋmmak o̱ nan ʋlhpisa ya̱ Moses ʋt, micha hopaii puta kʋt isht a holissohonchi tok mak o̱, e pisʋshke, im achi tok.

Chan 1:46

Mihma Nahlanael ash osh, Nana achukma kʋt Nasalet a̱ ai itolʋt kohcha hinla ho̱? im achi ma, Filip ash osh, Minti cha, ant pisá, im achi tok.

Chan 1:48

Mihma Nahlanael ash ot, Katiohmit is sʋthana cho? im achi ma, Chisʋs ʋt afalaminchi mʋt, Filip ʋt ont ik chi hoyo ki̱sha ho̱, fik ʋpi nuta ya̱ ish a̱sha kak o̱, chi pi̱sa li kamo, im achi tok.

Chan 12:5

Nanta katiohmi ho̱ nan ahama ilʋppʋt iskʋli tahlepa tuchina kia isht ik ʋlbi cha, ilbʋsha ya̱ ik i̱ holhpelo ke tuk oh cho? achi tok.