Chan 6:2 - Chahta Holisso Holitopa 1886

² Mihma abeka puta hatuk a̱ nana ka ai i̱ yʋmihchit anta na pisa tuk ak osh okla laua fehnʋt pit iakaiya tok.

Chan 6:2 Iomraidhean Croise

Mahlu 12:15

Yohmi kia Chisʋs ʋt ilʋppa akostininchi mʋt, yʋmmak ash a kohchʋt kʋnia tok: mihma okla chito hʋt iakaiya ma, yʋmmak ash o̱ mominchit hlakofichi tok.

Mahlu 13:2

Yohmi ma okla laua fehna kʋt ant im ai itahoba, yohmi ma peni yo̱ pit chukowa cha binili tok; mihma okla laua yash osh momʋt oka ʋhli ha̱ hiohma̱ya tok.

Mahlu 14:14

Atuk o̱ Chisʋs ʋt kohcha cha, okla laua ya̱ pisa mʋt, i̱ nukha̱klo fehna cha, abeka im a̱sha tuk a̱ hlakofichi tok.

Mahlu 8:1

Atuk osh nʋnih chaha ya̱ ʋttʋt akowa ma, okla chinto kʋt iakaiya tok.

Mark i̱ Holisso 1:45

Yohmi tuk kia yʋmmak ash osh ia mʋt, anoli fehnʋt, nana kash kanima moma ai im annoachi, yohmi na Chisʋs ʋt himmakma ile haiakʋchit a̱yʋt tʋmaha ha̱ chukowa he keyu hosh, amba kochʋt yakni haiaka yak o̱ ʋttʋt a̱ya tok: yohmi ma kanima moma a mintit im ai oho̱na tok.

Mark i̱ Holisso 6:33

Mihma ilhkoli ka okla pi̱sa ma, anonti ithana kʋt laua tok: micha tʋmaha puta ka a kohchʋt aka itʋnowa hosh yʋmmak ash pit yihlepa tuk osh, yʋmmak ash o̱ imaiya cha, ont im itʋnaha tok.

Chan 11:47

Yohmi ma na‐holitompa isht a̱sha pehlichi ʋhleha, micha Falisi ʋhleha aiena kash ot hatak hochito̱ka nan apesa ʋhleha ha̱ itahobi mʋt, Hatak ilʋppʋt na‐fehna la̱wa ka yʋmihchi ka, nanta mak o̱ katiohmi hosh iloh aiasha cho?

Chan 12:18

Yʋmmʋt na‐fehna ilʋppa yʋmihchi tuk a̱ okla ha̱klo tuk atuk osh, ilʋppak atuk pulla kak o̱ okla mak kia ont afama ha tok.

Chan 12:37

Na‐fehna laua ho̱ itikba ya̱ yʋmmak ash ot ai yʋmihinchi hoh kia, okla ai i̱ yimma he keyu ki tok.

Chan 2:11

Na fehna yʋmihchit isht ai ʋmmona kʋt ilʋppak o̱ Chisʋs ʋt Kalili yakni Kana yak o̱ ai yʋmihchit, ilap im a holitopa ya̱ otʋninchi tok; mihma nan im ai ithʋna ʋhleha hʋt i̱ yimmi tok.

Chan 2:23

Ʋbanʋblit ont ia isht a̱shʋt impʋt ma̱ya nitak o̱, yʋmmʋt Chelusalem a̱ anta cha, na‐fehna puta ka yʋmihinchi na okla pisa mʋt, lauʋt i̱ yimmi tok.

Chan 20:30

Micha na‐fehna inla kʋt laua ho̱, Chisʋs ʋt nan im ai ithʋna ʋhleha hʋt pi̱sa na yʋmihchi mʋhli tok a̱ holisso ilʋppa ik a holissoshke.

Chan 3:2

Atuk osh yʋmmak ash ot ninak o̱ a̱yʋt Chisʋs a̱ im ʋla cha, A̱ shahli ma! chishno ak osh nan ithʋnanchi yosh Chihowa ak o̱ ish a minti ka il ithanʋshke; Chihowa ak osh ik apelachokma, hatak nana hosh na‐fehna ilʋppa puta ish yʋmihinchi ka, yʋmihcha he keyu hoka, im achi tok.

Chan 6:14

Yohmi ma Chisʋs ʋt na‐fehna ho̱ yʋmihchi na okla pisa mʋt, Ilʋppak osh hopaii yakni ilʋppa ʋla he tuk mak o̱ pulla mʋhlishke, achi tok.

Chan 6:22

Ont onna ma okla okhʋta mish tʋnnʋp hiohma̱ya kʋt, peni inla mʋt yʋmma iksho ho̱, achʋfa yʋmmak illa tuk o̱ nan im ai ithʋna ʋhleha hʋt ʋlbeha tuk; yohmi ka Chisʋs ʋt nan im ai ithʋna ʋhleha ha̱ ta̱kla peni ont ik chukowo ho̱, amba nan im ai ithʋna ʋhleha ak bano hosh ilhkoli tuk a̱, pisa mʋt;

Chan 6:26

Chisʋs ʋt afalaminchi mʋt, A̱hlishke, a̱hli mak o̱ hʋchim achi lishke; Nana a fehna puta ka yʋmihchi li ho̱ hʋs sa pi̱sa tuk ak osh hʋs sa hoyo kak keyu, amba pʋska ya̱ hʋsh pʋt, hʋchi kaiya tuk ak oke.

Chan 6:30

Yohmi hatuk o̱ okla hash ot, E pisa cha, e chi̱ yimma chi̱ kʋno, na‐fehna nanta ho̱ ish yʋmihchi ho? nanta hak o̱ isht ish ahanta cho?