Chan 6:11 - Chahta Holisso Holitopa 1886

¹¹ Mihma Chisʋs ʋt pʋska yash ishi cha, ʋba pit aiokpʋchi mʋt, nan im ai ithʋna ʋhleha ha̱ ima ma, nan im ai ithʋna ʋhleha hash ot aka binohli tuk ash ima tok: mihmʋt nʋni mʋt kaniohmi ho̱ okla bʋnna hinla tuk a̱ yʋmmak atuk ash inli ho̱ okla chohmichi tok.

Chan 6:11 Iomraidhean Croise

Chan 6:23

Yohmi kia Chitokaka yʋt pʋska ʋba pit ai isht aiokpʋchi na okla ai impa tuk a̱ pit bili̱ka Tibelias a̱ a minti kʋt peni inla kanohmi hosh ʋla tok.

1 Hlessalonian 5:18

Nana puta ka yak oke, hʋsh ai ahnashke; Klaist Chisʋs pulla kak o̱ Chihowa hʋt ilʋppa hʋchim ai ahni hoka.

Loman 14:6

Kʋna hosh nitak a̱ holitoblikmʋt, Chitokaka yak o̱ i̱ holitobli hoke: mikma kʋna hosh nitak a̱ ik i̱ holitoblo hokmʋt, Chitokaka yak o̱ ik i̱ holitoblo hoke. Kʋna hosh ʋpakmʋt, Chitokaka yak o̱ im ʋpa hoke; Chitokaka yak o̱ isht aiokpʋchi ya̱ ima hokʋt: mikma kʋna hosh ik pokmʋt, Chitokaka yak o̱ ik im ʋpo hoke: yohmi kia isht aiokpʋchi ya̱ Chihowa yak o̱ ima hoke.

Mahlu 15:36

Mihmʋt pʋska untuklo, micha nʋni aiena kash o̱ ishi cha, ʋba isht aiokpʋchi mʋt, tushtoli cha, nan im ai ithʋna ʋhleha ha̱ ima na nan im ai ithʋna ʋhleha hash osh okla laua ya̱ ipeta tok.

ʋBanumpa Luk Ʋt Holissochi Tok 24:30

Atuk o̱ yakohmi tok; yʋmmak ash ot ta̱kla impʋt binili mʋt, pʋska ya̱ ishi cha, ʋba isht aiokpʋchi mʋt, tushtolit, yʋmmak ash o̱ ipeta tok.

1 Kolinhlian 10:31

Yʋmohmi hoka hʋsh impa, keyukmʋt na hʋsh ishko, keyukmʋt nana ho̱ hʋsh yʋmihchi hokmʋt, Chihowa isht a holitopa chi̱ ho̱, mominchit hʋsh yʋmohmashke.

Apostel isht Anumpa 27:35

Yakohmihchit anumpulit tahli mʋt, pʋska ya̱ eshi cha, moma itikba ya̱ Chihowa pit ai aokpachi tok; micha tushtuli mʋt, impʋt ishtia tok.

1 Samuel 9:13

Tʋmaha holihta ya̱ ont hʋsh chukowa mak inli hosh achahaka ya̱ oiyʋt impʋt ik aiyo ki̱sha ho̱ hʋsh ahayucha chi̱ hoke: ik lo ki̱sha ka okla hʋt impa he keyu hoka, nan ʋbit isht aiokpʋchi ya̱ aiokpʋchi chatuk oka; mikma i̱ himmak o̱ im annoa tuk ʋt impa chatuk oke. Yohmi hoka himak a̱ hʋsh oiyashke; himak a̱ foka kak o̱ hʋsh ahayucha hinla hokʋt, im achi tok.

Chan 6:9

Ʋlla himita yʋt bali palʋska tahlapi, micha nʋni chipunta tuklo aiena ho̱ ishi kʋt ilʋppa a̱shʋshke; yohmi mak osh laua fehna hoka, na katihma heto, im achi tok.

Chan 21:9

Atuk osh alaka ya̱ okla ona makinli ho̱, tobaksi luak ʋt yʋmma a̱sha ma, nʋni yʋmma itotonla ma, pʋska ak kia itonla na okla pisa tok.

Chan 21:10

Chisʋs ash ot, Nʋni himonasi hʋsh hokli tuk ʋt, ishit ho mintí, im achi tok.

Chan 21:13

Mihma Chisʋs ash ot onʋt, pʋska ya̱ ishi cha, i̱ hopela mʋt, nʋni ma yʋmihchi akinli tok.