Chan 5:7 - Chahta Holisso Holitopa 1886

⁷ Mihma hatak iksitopo ik nowo yash ot afalaminchi mʋt, A̱ shahli ma! hatak nana kia oka yʋt piakʋchikma, ai‐yupi a̱ pit si okʋcha hi ʋt ik sʋm ikshoshke; yohmi hatuk o̱ ma̱ya li ta̱klakma, inla yosh sa ti̱kba okʋtula beka hoke, im achi tok.

Chan 5:7 Iomraidhean Croise

Atʋloa 142:4

Ʋm ishtimpakimma ya̱ awet hupo̱koyo cha, pisáh; yohmi ka̱ nan ishit si anukfilli kʋt ikshoshke, ai ʋtukko ʋt a̱ kʋniʋshke; ʋmish shilombish a̱ nan isht ahni kʋt ikshoshke.

Atʋloa 72:12

Nan ik im iksho ʋt i̱ pa̱ha̱ya ka̱, micha ʋpela ik im iksho hosh ilbʋssha ya̱ hlʋkufficha hi oka̱.

Chan 5:2

Yohmi ka Chelusalem a̱ chukfʋlhpoba a kanchi i̱ bili̱ka yʋmmak o̱ ai‐yupi ʋt Heblu hohchifo hosh Behlesta yosh i̱ hoshontika tahlapi hosh tala̱ya hoke.

Chan 5:3

Yakohmi ka hatak iksitopo, ik hoponayo, imomokpulo, nipi ʋt ikshot kʋnia puta aiena kʋt laua fehna hosh oka piakʋcha chi̱ ka, im aiehchi hosh kahʋt ma̱ya tok.

Chan 5:4

Enchil ʋt kaniohmikma a̱yʋt, ai yupi ash oka ont pialichi hatuk o̱; yohmikma kʋna hosh oka ʋt piakʋchikma, ti̱kba pit okʋtulakmʋt, abeka nana ho̱ isht abeka hatuk kia hlakofi beka tok.

Chan 5:6

Yʋmmak ash ot itonla na Chisʋs ʋt pisa mʋt, ai yʋmohmi tok ʋt hopaki fehnʋt taha ka ithana hatuk osh, yʋmmak ash o̱, Chi hlakofa hi a̱ ish ahni cho? im achi tok.

Loman 5:6

Yohmi ka hlampko ik pim iksho moma kak o̱ ont ai ʋlhpiesa ma, Chisʋs ʋt Chihowa ik holitoblo ya̱ ʋlhtobʋt illi tok.

1 Kolinhlian 9:24

Kʋna hosh ai itin timi̱ya ai yihlepa chi̱ hatuk okʋt, moma kak osh yihlepa kia, nan isht a holitopa hi okʋno achʋfa bano hosh ishi chatuk a hʋch ik ithano cho? Nan isht a holitopa hi ya̱ hʋsh isha chi̱ kʋt, yʋmmak inli ho̱ chohmit hʋsh malelashke.

Tutelonomi 32:36

Chihowah yʋt im okla ha̱ nan im apesa chi̱ hoka; micha isht akʋllo ʋt i̱ kʋnia, micha im okshilita kʋt iksho, micha hlakofi kʋt iksho ma, pisa kak osh, in tishu ʋhleha ha̱ ishit i̱ nukha̱kla hi oke.