Chan 5:2 - Chahta Holisso Holitopa 1886

² Yohmi ka Chelusalem a̱ chukfʋlhpoba a kanchi i̱ bili̱ka yʋmmak o̱ ai‐yupi ʋt Heblu hohchifo hosh Behlesta yosh i̱ hoshontika tahlapi hosh tala̱ya hoke.

Chan 5:2 Iomraidhean Croise

Chan 19:13

Yohmi hatuk o̱ Pailat ʋt anumpa yʋmma haklo mʋt, Chisʋs ash ishit kohchi cha, ilap ʋto nan ai‐apesa ai‐o̱‐minili om binili tok, yʋmmʋt Tʋli potʋlhpo hohchifo ho̱, amba Heblu ano Kabbahla hohchifo ha tok.

Chan 19:17

Yohmi ma im ititaiyukhʋna yash o̱ sholi cha iʋt yakni hohchifo noshkobo foni aiasha yo̱, anonti Heblu yokʋno yʋmmʋt Kalkohla hohchifo ho̱ ona tok.

Chan 19:20

Yohmi na Chisʋs ʋt ititaiyukhʋna ai ahonʋhlʋt illi yʋmmʋt tʋmaha ha̱ i̱ bili̱ka ha tok: yohmi ka holisso kʋt Heblu, Klik, mikmʋt Latin aiena anumpa hosh isht a holisso hatuk oka, nan anoli holisso ilʋppak ash Chu okla laua kʋt pisa tok.

Chan 20:16

Chisʋs ash ot, Meli, im achi ma, pit‐filema mʋt, Labboni, yʋmmʋt nan‐ithʋnanchi ma! achi hoke, im achi tok.

Chan 5:3

Yakohmi ka hatak iksitopo, ik hoponayo, imomokpulo, nipi ʋt ikshot kʋnia puta aiena kʋt laua fehna hosh oka piakʋcha chi̱ ka, im aiehchi hosh kahʋt ma̱ya tok.

Chan 7:21

Chisʋs ʋt afalaminchi mʋt, Nana achʋfa ho̱ ai yʋmihchi li, yʋmohmi ma momʋt okokko! hʋsh ahnishke.

Apostel isht Anumpa 21:40

Mihma yʋmmak ash ot ʋlhpesa im ahni ma, Pal ashot pit atuyʋt ia ya̱ o̱ hikia cha, okla ha̱ ibbak a̱ pit i̱ fahʋm mi tok; micha luma biekʋt okla aiasha ma, Heblu anumpa ho̱ im anumpulit yak ahanchi mʋt.

Nan Otʋni 16:16

Yohmi ma Heblu anumpa hʋt Amaketton achi yʋmmak o̱ ai itahobit tahli tok.

Nan Otʋni 9:11

Mihmʋt i̱ mi̱ko ʋt binili tok: yʋmmʋt chiluk hofobi ont ai ʋhli iksho a̱ im enchil mak a tok: yʋmmʋt Heblu anumpa hokma Abatton hohchifo ma, amba Klik anumpa hokʋno hohchifo kʋt Apolyon oke.