Chan 5:16 - Chahta Holisso Holitopa 1886

¹⁶ Yohmi hatuk o̱ Chu okla hash osh, Chisʋs ʋt nitak hullo nitak o̱ yʋmma yʋmihchi tuk o̱, yʋmmak ash i̱ nukkillit ʋbi bʋnnʋt ma̱ya tok.

Chan 5:16 Iomraidhean Croise

Mahlu 12:13

Yohmi mʋt hatak ash o̱, Chibbak a̱ chisemochi, im achi tok. Mihma chisemochi tok: yohmi ma falamʋt achukmʋt taha mʋt, in tʋnnʋp akinli ho̱ chohmi tok.

Mark i̱ Holisso 3:6

Mihma Falisi ʋhleha hʋt kocha wiha mʋt, ashali̱ka Helotian ʋhleha aiena kʋt yʋmmak ash ʋba hi ʋt isht it im anumpulit ma̱ya tok.

ʋBanumpa Luk Ʋt Holissochi Tok 6:11

Mihma okla hʋt anukhobela fehna tok: yohmi mʋt Chisʋs a̱ nana ho̱ kʋnihcha chi̱ kʋt it i̱ mihʋt aiasha tok.

Chan 1:19

Mihma yʋmmak ash o̱, Kʋta chia hoh cho? achit ont i̱ ponakla chi̱ ka, Chu okla hʋt na‐holitompa isht a̱sha, micha Lefait okla aiena ka Chelusalem a̱ a kohchit pit tihleli na Chan ʋt atokowa anoli tok a̱ ilʋppak oke.

Chan 10:39

Yohmi hatuk o̱ anonti okla ishi bʋnna tok: yohmi kia ibbak a̱ im a hlakofi tok.

Chan 15:20

Tishu hʋt i̱ shahli ha̱ imaiya chatuk keyu, hʋchim achi li tok anumpa yʋmma hʋsh ithaiyanashke. Ʋno a̱ okla sʋlbʋshachi tok okmʋt, hʋchishno ma hʋch ilbʋshacha he akinli hoke; ʋm anumpa ha̱ im antia tok okmʋt, hʋchim anumpa ha̱ im antia he akinli hoke.

Chan 5:10

Yohmi hatuk o̱ Chu okla hʋt na hlakofi tuk yʋmmak ash o̱, Nitak hullo yoke; chi̱ potʋlhpo a̱ isht ish a̱ya he ai ʋlhpesa keyu hoke, im achi tok.

Chan 5:13

Yohmi ma okla laua yʋt yʋmma a̱sha hatuk o̱, Chisʋs ʋt lumʋt a kʋnia tuk atuk a̱, na hlakofi tuk ash ot kʋna ak atuk a̱ ik ithano ki tok.

Chan 5:15

Mihma hatak ash at kohchʋt ia mʋt, hlakofichi tuk ʋt Chisʋs ak atuk a̱, Chu okla ha̱ ont im anoli tok.

Chan 5:17

Yohmi kia Chisʋs ʋt, A̱ki ʋt toksahanli na himak a kak o̱, ʋno ʋt toksʋli li hoke.

Chan 5:18

Yohmi ka yʋmmʋt nitak hullo ya̱ kobʋffi kak o̱ illa keyu, amba Chihowa yak osh I̱ki yo̱ mihʋt, Chihowa ya̱ ilapinli kʋt itilaui ho̱ isht il ilapissa aiena hatuk o̱, Chu okla hʋt yʋmmak ash ʋbi bʋnna kʋt i̱ shahlichi tok.

Chan 7:21

Chisʋs ʋt afalaminchi mʋt, Nana achʋfa ho̱ ai yʋmihchi li, yʋmohmi ma momʋt okokko! hʋsh ahnishke.

Chan 7:25

Mihma Chelusalem a̱ a̱sha tuk ʋt kanimi kʋt, Okla ʋbi bʋnnʋt ma̱ya beka tuk a̱ ilʋppak osh mih mak o̱ keyu̱?