Chan 5:10 - Chahta Holisso Holitopa 1886

¹⁰ Yohmi hatuk o̱ Chu okla hʋt na hlakofi tuk yʋmmak ash o̱, Nitak hullo yoke; chi̱ potʋlhpo a̱ isht ish a̱ya he ai ʋlhpesa keyu hoke, im achi tok.

Chan 5:10 Iomraidhean Croise

Mahlu 12:10

Yohmi ma hatak ʋt ibbak shulla yosh a̱sha tok. Yohmi ma ilʋppak ash o̱ nan ʋlhpisa onocha chi̱ hosh okla im ponaklot, Nitak hullo nitak a̱ na hlakoficha he ʋlhpesa cho? achi tok.

Mark i̱ Holisso 2:24

Mihma Falisi ʋhleha hʋt, Yakeh! na‐katihmi ho̱ nitak‐hullo nitak o̱ nana kʋt ai ʋlhpesa keyu ka, okla yʋmohmi cho? im achi tok.

Mark i̱ Holisso 3:4

Mihmʋt, Nitak‐hullo nitak a̱ nan achukma ho̱ yʋmohmi, keyukmʋt achukma keyu ho̱ yohmi kak okmá; ilhfiopak okchalinchi, keyukmʋt ʋbi kak okmá, nanta kak osh ai ʋlhpesa cho? im achi tok. Yohmi kia nan ik acho hosh ma̱ya tok.

ʋBanumpa Luk Ʋt Holissochi Tok 13:14

Mihma sinakak a̱ apesʋchi ash ot, Chisʋs ʋt nitak hullo yo̱ hlakofichi ka im okpulo fehna hatuk osh, okla hash, Nitak hannali kak o̱ hatak ʋt a toksʋla he ʋlhpesa kʋto a̱shʋshke: yohmi ka nitak hullo ak a he tuk keyu; yohmi hoka yʋmma ai itinta̱kla kak o̱ ai ʋlʋt hʋchi hlakofashke, im achi tok.

ʋBanumpa Luk Ʋt Holissochi Tok 23:56

Mihmʋt falamʋt ilhkoli cha, na‐balama, micha nan‐ahama aiena ka atahlit ma̱ya tok: mihmʋt anumpa ʋlhpisa yoka nitak hullo yokʋno foha tok.

ʋBanumpa Luk Ʋt Holissochi Tok 6:2

Mihma Falisi ʋhleha kaniohmi kʋt, Nanta katiohmi ho̱ nana ka nitak hullo nitak a̱ a yohma he ʋlhpesa keyu kʋno hʋchi yʋmohmi cho? im achi tok.

Chan 1:19

Mihma yʋmmak ash o̱, Kʋta chia hoh cho? achit ont i̱ ponakla chi̱ ka, Chu okla hʋt na‐holitompa isht a̱sha, micha Lefait okla aiena ka Chelusalem a̱ a kohchit pit tihleli na Chan ʋt atokowa anoli tok a̱ ilʋppak oke.

Chan 5:11

Mihma yʋmmak ash osh afalaminchi mʋt, Na sa hlakofichi yʋmmak osh, Chi̱ potʋlhpo ya̱ ishi cha, nowá, ʋm achi tuk oke, im achi tok.

Chan 5:15

Mihma hatak ash at kohchʋt ia mʋt, hlakofichi tuk ʋt Chisʋs ak atuk a̱, Chu okla ha̱ ont im anoli tok.

Chan 5:16

Yohmi hatuk o̱ Chu okla hash osh, Chisʋs ʋt nitak hullo nitak o̱ yʋmma yʋmihchi tuk o̱, yʋmmak ash i̱ nukkillit ʋbi bʋnnʋt ma̱ya tok.

Chan 7:23

Moses i̱ nan‐ʋlhpisa yut ik kobafo ka chi̱ ka, hatak ʋt nitak hullo nitak o̱ hakshup in tʋptoho̱wa ma, ʋno ʋto nitak hullo nitak o̱ hlakofichit kaiyanchi li kak o̱, hʋs sa̱ nukkilli cho?

Chan 9:16

Yohmi hatuk o̱ Falisi ʋhleha kanimi kʋt, Hatak yʋmmʋt nitak hullo nitak a̱ holitobli keyu hokʋt, Chihowa ak o̱ a minti keyushke, achi tok. Inlaka yokʋto, Hatak ʋt nan ashʋchi atuk ʋt katiohmi hosh na‐fehna puta yakohmi ka yʋmihcha hinla cho? achi tok: yohmi mʋt ilap bi̱ka okla ai ita kashapʋt ma̱ya tok.