Chan 4:9 - Chahta Holisso Holitopa 1886

⁹ Yohmi ma Chu okla hʋt Samalia okla ha̱ nan ai itim ahalaia keyu chatuk oka, Katiohmi ho̱ Chu chia hokak osh, ʋno ʋt Samalia ohoyo sia ha̱ oka is sʋm asilhha cho? im achi tok.

Chan 4:9 Iomraidhean Croise

Mahlu 10:5

Auah tuklo ilʋppak o̱ Chisʋs ʋt pit tihleli mʋt, nan im apesʋt, Chentail aiasha pilla hokʋno hʋch ik aiyo kashke, mikmʋt Samalia okla in tʋmaha ha̱ ont hʋch ik chukowo kashke.

ʋBanumpa Luk Ʋt Holissochi Tok 10:33

Amba Samalitan hatak osh nowʋt a̱ya tuk osh, yʋmmʋt ai itola kash, ʋlʋt pisa mʋt, i̱ nukha̱klo tok.

Chan 4:27

Mihma nan im ai ithʋna ʋhleha hash ot ilʋppa ataklama ma ai ʋla cha, yʋmmʋt ohoyo ha̱ it im anumpuli tuk a̱, okla anukhlakancha tok: yohmi kʋt hatak achʋfa kia, Nanta ho̱ ish hoyo hosh? Katiohmi ho̱ yʋmma ish it im anumpuli cho? achi kia iksho ki tok.

Chan 8:48

Mihma Chu okla ʋhleha hash ot afalaminchi mʋt, Chishno ʋt Samalitan hatak chia hosh, nan‐isht‐ahullo okpulo a̱ ish il ai eshi hatuk a̱, e chi achi kʋt ʋlhpesa ho̱ e miha keyu cho? im achi tok.

Apostel isht Anumpa 1:8

Amba Shilombish Holitopa yʋt a̱yʋt hʋchim ʋla ha mʋno, nana ai a̱hlika ya̱, hʋsh esha he: yʋmohmikmʋt Chelusalem, micha Chutia moma, micha Samelia, micha yakni afolota ont ai ʋhli fena aiena ka, atokolit a na si anoli hʋchia ha he mak oke; im achi tok.

Apostel isht Anumpa 10:28

Yohmi mʋt Chu hatak okʋt okla inla takla a̱ya hokmá, keyukmʋt ont ibafohka hokmá nana ka kaniohmit im ai ʋlhpiesa keyu ka hʋsh ithaiyanʋshke; yohmi kia ʋno yokʋto hatak nana kia ik ʋlhpeso, micha okpulo a la he keyu ho̱, Chihowa yʋt ʋm abahanchi tuk oke.

Apostel isht Anumpa 10:32

Yohmi hoka Saimon, Pita hohchifo ka pit hoyot Chappa ya̱ pit ish tihlelashke; yʋmmak okʋt okhʋta lapali ka Saimon wak hakshup hummʋchi in chuka yo̱ anta hoke; yʋmmak osh ʋlakmʋt ant chim anumpula hi oke: achi tok.