Chan 4:7 - Chahta Holisso Holitopa 1886

⁷ Atuk o̱ Samalia ohoyo hʋt oka ochit a̱ya hosh yʋmmak ash o̱ ʋla ma, Chisʋs ash ot, Sʋpeta na ak ishkó, im achi tok.

Chan 4:7 Iomraidhean Croise

Genesis 24:17

Mihma tishu hash osh malelit ont afama cha, Oka chim isht‐ochi a̱lhto ka̱ kanomosi ka̱ ak ai ishkó, chim asilhha lishke, achi tok.

Genesis 24:43

Yakeh, oka kʋli hofobi bili̱ka hikia lishke; atuk o̱ yakohmashke, ohoyo himita hatak haleli keyu yosh et kohchʋt oka ochi na, Oka chim isht‐ochi a̱lhto ka̱ kanomosi ka̱ ak ai ishkó, chim asilhha lishke, achi likma,

1 Mi̱ko 17:10

Yohmi ho̱ wakaya cha, Salefalh a̱ ona tok: atuk osh tʋmaha holihta okhissa ya̱ ona ma, yakeh! ohoyo i̱ hatak illi yash osh iti aiowa hosh anta tok: mihma i̱ howa cha, Chim asilhha lishke, oka kanomosi nan aiʋlhto ʋnit isht is sʋm ʋla na, ishko lashke, achi tok.

Mahlu 10:42

Mihma kʋna hosh chipota ʋhleha ilʋppa achʋfo̱na kia, nan ithʋna yatuk mak o̱ ishka chi̱ ka oka kapʋssa isht‐ishko achʋfa illa ho̱ ipeta kia, yʋmmʋt kaniohmit nan‐ʋlhtoba hʋt i̱ hlakofa he keyu, a̱hli mak o̱ hʋchim achi lishke, achi tok.

Chan 19:28

Yakohmi ha ya, nan oklu̱ha kʋt ont ai ʋlhtaha ka, Chisʋs ʋt ithana hatuk osh, Holisso Holitopa yʋt ont ai a̱hla chi̱ ka, Sa tukshilʋshke, achi tok.

Chan 4:10

Chisʋs ash ot afalaminchi mʋt, Chihowa i̱ na‐hʋlbena ha̱, micha kʋna hosh, Sʋpeta na ak ishkó; chim achi aiena ka ish ithana hatuk okmʋt, ilapo ak o̱ ish im asilhha na yʋmmak okʋt oka okcha̱ya yo̱ chipeta he tuk oke, im achi tok.

Chan 4:6

Yohmi ma Chekob i̱ kʋli hʋt yʋmma hiki̱a tok; yohmi hatuk o̱ Chisʋs ʋt nowʋt a̱yʋt hoyʋbli mʋt, hʋshi kanʋlli isht ʋlhpisa ont hannali foka hatuk o̱, kʋli yʋmmak ash yakohmit a bininli tok.

Chan 4:8

Nan im ai ithʋna ʋhleha hamo ilimpa chumpʋt tʋmaha ilhkoli tuk a tok.