Chan 4:6 - Chahta Holisso Holitopa 1886

⁶ Yohmi ma Chekob i̱ kʋli hʋt yʋmma hiki̱a tok; yohmi hatuk o̱ Chisʋs ʋt nowʋt a̱yʋt hoyʋbli mʋt, hʋshi kanʋlli isht ʋlhpisa ont hannali foka hatuk o̱, kʋli yʋmmak ash yakohmit a bininli tok.

Chan 4:6 Iomraidhean Croise

Mahlu 27:45

Yohmi ma hʋshi kanʋlli ʋlhpisa ont isht hannalik fehna ai ʋhlit iʋt, hʋshi kanʋlli ʋlhpisa isht chakkali ona ka, yakni moma ka ai okhlilit kʋnia tok.

Mahlu 4:2

Atuk o̱ yʋmmak ash osh ik impo hosh nitak pokoli ushta cha ninak pokoli ushta aiena ho̱ anta tuk osh, misha pila mʋno hohchʋfo tok.

Mahlu 8:24

Atuk o̱ mahli kʋllo fehna kʋt okhʋta ha̱ a tobʋt kocha ma, peni ash o̱ oka banʋtha kʋt isht ompohomo tok; yohmi kia yʋmmak ashot nusi hosh itonla tok.

ʋBanumpa Luk Ʋt Holissochi Tok 2:7

Mihmʋt ishi ahpi kʋt ʋlla nakni osh in tola cha, yʋmmak ash na‐hlilahli o̱ a bonulli mʋt, aboha anu̱ka yano aiasha yʋt iksho hoka, issuba ai‐ilhpita yo̱ fohkit bohli tok.

ʋBanumpa Luk Ʋt Holissochi Tok 9:58

Mihma Chisʋs ash ot, Chula puta kʋt chiluk ʋt im ai ashakma, ʋba hushi puta kʋt ʋlhpichik ʋt im a̱sha hoke: amba Hatak Ushi okʋto noshkobo ha̱ kanima a bohla hi ʋt ik im iiksho hoke, im achi tok.

Chan 11:9

Chisʋs ʋt afalaminchi mʋt, Nitak achʋfa ka hʋshi kanʋlli ʋlhpisa auah‐tuklo chatuk keyu cho? Hatak nana hosh nitak o̱ nowʋt a̱ya hokmʋt, yakni ilʋppa ai in tohwikeli ka pi̱sa hatuk osh ik ibetʋblo hoke.

Chan 4:12

Chishno ak osh pi̱ki Chekob ʋt ilapo inli, micha im ʋlla ʋhleha, mikmʋt i̱ wak aienʋt ai ishko yatuk ʋt kʋli ha̱ pima tok a̱ ish imaiya hotuma! im achi tok.

Chan 4:5

Atuk osh Chekob ʋt ushi Chosef a̱ osapa ima tok talaia ka bili̱ka, Samalia yakni tʋmaha Saika hohchifo ho̱, ʋla tok.

Chan 4:7

Atuk o̱ Samalia ohoyo hʋt oka ochit a̱ya hosh yʋmmak ash o̱ ʋla ma, Chisʋs ash ot, Sʋpeta na ak ishkó, im achi tok.

2 Kolinhlian 8:9

Hʋpin Chitokaka Chisʋs Klaist, yʋmmak okʋt nan in laua yatuk kia, hʋchishno pulla kak o̱ ilbʋsha yo̱ toba tok; yʋmmʋt nan ilbʋsha pulla hatuk mak o̱ na hʋchin laua chi̱ hatok ʋt hʋsh ithana hoke.

Heblu 2:17

Yʋmohmi ka nan oklu̱ha ka ai yʋmohma he ai ʋlhpiesa hosh itibapishi ʋhleha ak inli ho̱ chiyuhmit toba hi atok; yʋmohmi hosh i̱ kana fehnʋt na‐holitompa isht ʋtta chinto ai a̱hli fehna hosh Chihowa nan isht im ahanta kʋt, okla puta nan ai ashahanchi tok isht ʋlhtohomba he ikbi mak osh isht ahanta hi atok.

Heblu 4:15

Yohmi ka na holitompa isht ʋtta chinto nan isht a pilbʋsha ka ik piba nukha̱klo ka hi osh pim anta keyu; amba nana a kaniohmi puta ka imomaka pisa kʋt, pishno ak inli ho̱ chiyuhmi kia ai ashʋchi yak osh ik im iksho ki tok.